بنك التسليف والادخار نزلو اعلان توظيف امس بجريدة القبس

[سارة_kw]

بالتوفيق

 

[meen_ana]

شنو الدبلوم اللي عندج اختي ؟؟

لأن اذا الدبلوم سنتين من التطبيقي لازم يسجلونج على الخامسة ..!

عندي دبلوم تطبيقي بعد اعتقد الانه تصميم جرافيكي واهمه مو طالبين هذا التخصص من جذيه بس في وحدة قالت لي عادي اذا عندج واسطه يحسبونه لج وحدى محتارة

 

[lo0lo0]

طيب بنات منوو تعرف شغل ويكون العصر بمكان حلو ومعاشه زين ؟؟

بلييز فيدوني

 

[مريوما الحلوه]

بنات وين التقديم وين صاير بليز

 

[spanish-girl]

تقدم الطلبات في المقر الرئيسي لمبنى البنك الكائن في الصالحية شارع عبدالعزيز حمد الصقر الدور الخامس

 

[كروانه]

انا موظفه بالبنك و اقولكم الحين ان شالله عن الجامعي و الدبلوم هذا اللي اعرفه ان شالله افيدكم

الجامعي بدون كادر المحاسبين و القانونيين معاشهم 540+120+50=710 والحين بيهطونا بدل شاشه بعد من20ليمن 50دينار

جامعي مع كادر يصير معاشه 710+125دينار +835دينار غير بدل شاشه

هذا الصاااااااااافي بعد استقطاعات التامينات يعني مع استقطاع التأمينات يوصل اكثر

--------------------------------------------------------------------------------

 

[كروانه]

الدبلوم اذا مو محاسبه

يكون معاشه 450+120+50=520 غير بدل شاشه اللي قتلكم عنه

دبلوم محاسبه 520 +30دينار =55دينار غير بددل شاشه

 

[كروانه]

دوامنا التزاااااااااام التزام من الساعه 8الاربع ليمن وحده و نص

وعندنا 3 ساعات تأخير بالشهر لازم ماتتجاوزين دقيقه زياده راح ينخصم من عاشج و كل ما تتأخرين قابلة منع البونص السنوي تزيد

وصارت وايد حق موظفينا ان منعوهم من البونص بسبب التأخير والمرضيات

والمرضيات لا تتعدى ال11يوم بالسنه واذا زادت قصوا من البونص او امنعوه منج

والاستأذانات لج 12ساعه بالشهر مقسمه الى اربع استأذانات

و الحبايب المدرا مايحبون الموظف يطلع وايد يحطون عليه حطه يعني اخذي 2 بالشهر او 3 بالكثير

ممممممممم

وبعد شنو تبون سالوا بس الرواتب معا اعرفها كلها بس اللي قلته لكم

 

[xxxx7]

لوسمحتي عندي جم سؤال

انا تخصصي علوم كمبيوتر ومسماي صائغ برامج

اشلون قسم نظم المعلومات ملوت الكمبيوتر زين ولا لا اشلون المسئولين الي فيه والموظفين

والموظفين اكثر شي بنات ولا شباب

وهل يعطون دورات حق ملوت قسم نظم المعلومات الي تسمعينه عنهم شغلهم تعب ولا لا

وبغيت اسأل جم البونص مالكم واسمع في كلام بيعطونكم كادر ماتدرين جم كادركم بكون

واخر شي بعرفه الحين انتو شغلكم نفس البنوك مثل الوطني والتمويل ولا غير شغلكم حالكم حال الاماكن الحكوميه الثانيه

 

[كروانه]

والله نظم المعلومات مالي احتكاك فيهم ما اقدر اقيمهم لج بس الاكثريه بنات

شغلهم تعب طول اليوم يترون بالاقسام والافرع

البونص على حسب الدرجه والتقدير يختلف من شخص لي شخص بس مايقل عن500دينار

والكادر بس نسمع فيه ماندري عنه

 

[مريوما الحلوه]

ويعني عمرها 26 ماتقدم

 

[xxxx7]

والله نظم المعلومات مالي احتكاك فيهم ما اقدر اقيمهم لج بس الاكثريه بنات

شغلهم تعب طول اليوم يترون بالاقسام والافرع

البونص على حسب الدرجه والتقدير يختلف من شخص لي شخص بس مايقل عن500دينار

والكادر بس نسمع فيه ماندري عنه

انا طبيعة شغلي مبرمجه هل تقصدين ممكن يكون دوامي بالرئيسي ولا الفرع وهل لهم بدلات خاصه فيهم والافرع يداومون العصر ولا لا

ويريت اتشوفيلي تسئلين رفيجاتج بالدوام يمكن لهم احتكاك فيهم شنو يسمعون عن نظم معلومات زينه ولا لا وهل في يعطونهم دورات ولا لا

انا على الدرجه الرابعه جم يكون بونصي

وبغيت اعرف حاطين شرط يبون شهاده من التأمينات الاجتماعيه شنو يقصدون فيها لمن اروح التأمينات الاجتماعيه شقولهم ابي شهادة شنو.

 

[مستشاره قانونيه]

معقوله معاشاتهم اشويه الوزاره اكثر @@ ؟؟

 

[كروانه]

ليش اكثر؟؟

 

[مستشاره قانونيه]

دبلوم محاسبه بس 520 ؟؟:bbbiu:

رفيجتي دبلوم محاسبه بالوزاره 600 وشي

الدوام من الساعه جم لي جم

حبيبتي ممكن سؤال وين صاير البنك عند شنو بالضبط باجر بروح اقدم بس ما ادل وين مكانه بالضبط عند شنو ؟؟؟

:eh_s(7):ومشكووووره :hjy5jewf:

 

[كروانه]

من الساعة 8الربع ليمن الساعه وحده ونص

احنا بالديرة بشارع الصالحيه بالاشارة اللي قبل المثنى مقابل قصر نايف يمنا البلديه

 

[كروانه]

احنا دوراتنا تكوت قلييييييييييييله

يعني مرة بالسنه دوره داخليه مواكثر

البونص على حسب يعني يصول 800دينار او اقل او اكثر حسب مديرج وتقريرج

صدقيني انا مااقدر امدحلج او اذملج قسم لان اختلاف شغلهم ما يخلين اعرف هل اهم متعاونين ولا لاء

اما بدل موقع اعتقد ان عندهم بدل موقع اذا اطلعو افرع

اهما موجودين بالفرع الرئيسي بس اذا صار خلل بالانظمه او بيركبون اجهزة يديده يطلعون افرع فهمتي؟؟

 

[xxxx7]

مشكوره كروانه تعبتج وياي

 

[مستشاره قانونيه]

مشكوووووووووره حبيبتي

 

[bambena]

على فكره اليوم حاطين بالبنك ان اخر فقره مالت الثانوي بس للكويتيين

كروانه تتراوح المعاشات مو شرط

وحاليا في كوادر للقانونيين والمحاسبين والاحصاء اما الكمبيوتر معاشاتهم غير لانهم على نظام العقود

والمرضيات 15 يوم بالسنه

التاخير 3 ساعات بالشهر

الخروجيات 12 ساعه بالشهر 2 منهم صباحيه

الدوره الداخليه مره بالسنه والخارجيه سنه وترك مدفوعه التذاكر والمصرف اليومي


في افرع للبنك اللي اهم الحكومه مول والفروانيه والرقه والصليبيخات وحتى الافرع ماعندهم دوام عصر عدا الحكومه مول


البونس مع التميز يوصل لي 900 او 900 وشي بالسنه للجامعي