بنقل قريب من بيت أهل زوجي ...مابي شسوي؟؟

[غزلاان]

السلام عليكم ورحمة الله وبركاته

خواتي محتاجة نصيحتكم لاني محتارة حيل وماني عارفة شسوي

انا وزوجي أساسا بشقة ... ولقينا أكبر منها وأرخص

بس عيبها انها قريبة عند اهله يعني تقدرين تروحين لها مشي من بيتهم

وانا خاااااايفة كل ماطقت براسهم طقوا علينا الباب واقتحموا حياتنا

اويتدخلون براحتي وقعدتي ويجيكون علي .. انا اعزهم واحترمهم والله

بس مااأتحمل اللي يتحكم بحياتي ويخربها فوق تحت راح يطلع لي وجه ثاني

انا عارفة نفسي

لا والمصيبة الأكبر يقول بعد فترة طويله احتمال مو أكيد أخوي وزوجته يسكنون معانا

انا قلت بقلبي ان وصلت احد ثاني يسكن معاي بزعل واروح بيت اهلي وانا مابي الأمور توصل لهالدرجة بس رااااح أتعب ادري وانا

مافيني شدة ارجع للتعب والحجيم معاهم مرة ثانيه


المشكله اني كنت ساكنه عندهم اول زواجي 3 سنين وانا عندهم يعني خابزتهم وعاجتنهم

وان شاء الله ماني ظالمتهم وأدري في مشاكل بتصير


خايفة اقول لزوجي عن السبب الحقيقي ويتضايق واهو ماراح يفهم الجحيم اللي كنت عايشه فيه عندهم

شووووووروا علي شسوي؟؟؟ انا استخرت

 

[Un-6be3iya]

شوفي انتي قعدي معاه جلسة مصااارحة
قوليله انتا تدري بالمشاكل الي كانت تصير ايام ما كنا ساكنين عندهم و انا احبك و احب اهلك واحترمهم و مابي ذيج الايام تنعآد و من هالحجي يعني زيدي بهارات من عندج : )
وشوفيه شيقول ..

 

[غزلاان]

الله كريم

اكثر شي خايفة منه سكن اخوه معانا ماااااااااراح اتحمل عارفه روحي

مشكورة ياقلبي على رايج وبشوف شيقول

 

[ريماس21]

الاخوو احسن من الاهل على الاقلل ماراح تتدخل مرته كثر مايدخلووون اهله

والله يهدي سركم

 

[غزلاان]

عدل كلامج بس أسرار بيتي كلها برى وزوجي ان مانقل اخبارنا اخوه ماراح يقصر

ان خشينا شي عنهم مرت اخوه واخوه ماراح يقصرون لا حق اهلها ولا حق الناس كلها

عسى الله يكتب الخيره ويكيفيني شرهم

 

[ناتشوو]

بصراحة مو من حقج تقولين مااسكن قريب من اهلك دامه سكن مستقل
واشدراج بيزورونج او بيطقون بابج؟
نفس انطباعج عنهم بيقولونه عنج
بيقولون خابزينها وعارفينها
وحتى لو زاروج نفس زيارتج لهم
يعتبرون ضيوف
بس مو من حق زوجج احد يسكن معاج بشقتج
اخوه ومرته اشلون بتاخذين راحتج؟

 

[ombaza]

رد : بنقل قريب من بيت أهل زوجي ...مابي شسوي؟؟

هذا مو شاليه يوم ولا يومين عشان احد يسكن معاكم
من صجج
شوفي انتي ادرى بريلج اذا نوعه يسمع منج ويتقبل كلميه
واهم شي اختاري وقت زين عشان تكلمينه
الله يعينج

 

[غزلاان]

صح ياقلبي ان شاء الله ظني مو بمحله اتمنى

وان شاء الله اخوووه مايفكر يسكن عندنا

والله تعبت من التفكير ماامداني طلعت منهم عشان ارتاح

 

[ليمونه حلوه]

اشترى راحتج .. وخليج بعيد وسالمة ..

 

[غزلاان]

اكيد خلك بعيد وسعيد جان زين

انزين اذا قاللي هذي فرصه ماتتطوف من ناحية السعر والمكااااان واهي صج ماتتطوف

شقووله؟؟

 

[قلبي سلومي]

الله يعين
مافي احد مرتاح
حاولي فيه واقنعيه ان يعدل عن قراره

 

[الغلاااااا]

زين انتي بتسكنين بشقه شكوووو اخوه يسكن معاكم.؟؟؟؟

لو بيت مثلا كبير يمكن بس شقه شكو يحشر نفسه وزوجته وياكم.؟؟وين قاعدين

كل هذا عشان يتقاطون بالأجار.؟؟؟

قوليله انا بسكن بشقتي بروحي باخذ راحتي البس اللي ابي واسوي اللي ابي مابي احكر عمري ببيتي

 

[ديانا سبنسر]

نفس الموقف اللي طحت زوجي اقترح نبني شقة عند اهله ولاني عارفة طبعهم رفضت وصارحته مالج الاالمصارحة

 

[DooLy88]

كلميه قولي له

مافي احلى من الخصوصية واريح منها

ليش تسكتين؟

 

[انا مو هني]

رد : بنقل قريب من بيت أهل زوجي ...مابي شسوي؟؟

اممممممم
بس انتي كثر ماتقدرين دوري شقا ثانيه بس بعدي عنهم

 

[كرز حالي.]

رد : بنقل قريب من بيت أهل زوجي ...مابي شسوي؟؟

حبيبتي طلعي بشقه حتى لو كانت عند اهله اهم ماراح اييون ينامون عندج ساعه ساعتين ويمشون ولا تكثرين سوالف معاهم ووجبيهم بس
اماااااااااااااااااا اخوه يسكن لالالالالالالالالا انتي كزوجه من حقج تكونين بشقه بروحج
قولييييييييييييييله:- حبيبي انا من عرفتك واحنا شقتنا بروحها ماكان احد معانا بنفس المكان يسمع سوالفنا وحتى فتحة الباب وصكته يسمعها اخوك على عيني وراسي اييني ضيف اهو ومرته اشيله بعيوني بس شلون يشاركوني بجم غرفه؟؟
طبعا هذا الكلام بحزه عشاااااا ومطعم ورومانسيه جذي

 

[غزلاان]

الله يجزاكم خير خواتي

ماقصرتوا وادعولي مايصير لي نصيب بالبيت

وان الله يسخرلي زوجي ولكم المثل

 

[هيبة ملك]

الله يهديه شلون يسكن أخوه معاج بشقة؟!!

ذكريه بحديث الرسول صلى الله عليه وسلم (الحمو النار)

 

[روحي زوجي]

رد : بنقل قريب من بيت أهل زوجي ...مابي شسوي؟؟

الله يعينج

بس صج شلون حماج يسكن معاكم ؟؟؟

شدعوه بيت كلها شقه وجم غرفه والغرف لازم قرعه بينكم ؟ لووووووووول

مافيها شي اذا كنتي قريب اما سالفة سكن حماج تُحفه

 

[عجهرس]

الله يعينج اختي