بنــــــــــات مــــــلل زهــــــق .. اشلـــــــلون؟؟.. المتزوجات الغير موضفات

[NODA 2]

والله بنات الله يعينكم حاسه في هالشي طبعا انا موظفه بس الحين قاعده في البيت ماخذه اجازة امومه وطبعا موقفه قيدي

بالجامعه علشان ولدت شهر 9 الصراحه قعدت البيت تملل تحسين انج معزوله ماكو شي طبعا جدولي نفس جدول فراشه

واحس من كثر قعدت البيت احس بخمول والله بحمالي كنت تعبانه حدي بس اداوم واروح الجامعه وعادي تصدقون انا الوالده

الله يخليها كانت تقول ماكو زواج اله بعد ما تخلصين دراسه وتشتغلين الحين حسيت فيها والله انها كله قاعده بالبيت وماعندها

احد تقول مع الكبر راح تحسين بملل مو طبيعي بس الحمدالله هالشي ماخلاها تسى نفسها الي يشوفها يقول اختي صج قعدت

البيت تملل وعن نفسي اذا قعدت بالبيت فاضيه بس اقعد اناجر ريلي وتييني افكار اعوذ بالله منها فا الشغل يشغل بالي

وتسلمون

 

[أحـــــلام]

بصراحه احسدكم على الملل اللي انتو فيه من زود الوقت اللي عايشينه فيه موعارفين شتسوون فيه وعلبالكم ان الوظيفه احسن حل

اعتبرو نفسكم موظفات بسسسس في بيوتكم ولعيالكم على الاقل هذا المكان الوحيد اللي يقدر شغلج وتعبج

 

[Eyena]

انا تخرجت من الكليه وناطره الوظيفه
قبل ماكان عندي وقت كليه وشغلي الخاص والشقه والريل

الحين يوم تخرجي الحمدالله طلعت حامل
هديت شغلي الخاص لي ولادتي لانه يبيله تعب وايد
وريلي اجازه من اول ما حملت لي شهر 3 ولادتي
فمجابلين بعض
نقعد من النوم نتغدى
لي صار المغربيه نطلع او كل واحد يروح يطلع بروحه
وبلييل نسهر على التيفي او انا نت واهو سوني

 

[om_dodo]

رفع
تقبلى مرورى

 

[^q8ia^]

انا متمللة ودي اشتغل

 

[!اتـجاهـي جـ N ــوب!]

ماتبادلين

انا,,ميييييييييته..عالقعده..بالبيت..هلكتني..الجامعة..كرهت..نفسي

والله..كلمن,يشوفني..يشهق..الوجه.اصفر..منصفق..من..التعب..والنسات..ودوامي..

اخخخخخ,,يادوامي,,خاااااااايس,من.6,لي4,العصر..


الله..يسامحج..قلبتي..المواجع..

ادعووووولي.,اتخرج..

 

[Nany-83]

آنا ماخذه أمومه عشان ولدي..
بس كلش مو ملل.. ترى آنا شهادتي ماجستير يعني أحب الدراسه.. بس هم قعدت البيه حلوه..
كلللللللللللللللللللش مو مقطوعه عن العالم..
الصبح أحوس بالبيت أرتب وأسنع وأجابل ولدي.. وبعد الظهر نتغدا..
الغدا يوم أطبخ ويوم من بيت أهلي ومرات نشتري وجذيه.. بس ترى اطبخ وايد..
بس الخميس ما أطبخ يعني زوجي يقول ويييك إند إجازه.. والجمعه زواره والسبت هم زواره..
آنا أحب أقرا فعندي وقت الفراغ كله أقرا فيه.. ما ينزل كتاب إلا وبلعته
ورفيجاتي أطلع معاهم العصاري مرات ومرات نتعشى.. ويمعات مع بنات خالاتي ترى ما عندي خوات..
ويوم وترك رايحه عند أمي..
وعندي يوم بالأسبوع يوم الماراثون تنظيف الشقه p;
اروح دروس ساعات وساعات أشوف تلفزيون بس والله أحسن من الشغل..

 

[الحبيبة 2009]

صج الوحده مرات اتحب اتريح بالبيت...

بس مومثل الموظفة بنات الموظفة اول شي اتحسين بوجودج

وتحسين انج عنصر فعال وتكونين علاقات اجتماعية اكثر

وتكونين قوية الشخصية وكل يوم يمر عليج متجدد

اما من الناحية المادية الحمدلله ماتحتاج احد يكفي انة كل شي

تبيه تشتريه

 

[مي الحلوة]

انا مو موظفة بس الحمد الله ما احس بالملل دايما..يعنى نادرا..
لاني منشغلة بعيالي ودراستهم..يعنى زوجي وعيالي ما اخذين اكثر وقتى..
وباقي وقتى موزعته على اهلي وخواتي ..بس مرات يمر علي وقت احس بضيقة
والحمد الله انا اسوق بس توني عليمية..

 

[فراشة الرغد]

طلعتو كلكم زهقانين
موظفة وغير موظفة .. بعد من يزيد الزهق هههههههه

 

[Hello_kitty]

انه موظفه بس صاري سنه مو مداومه وما بقى شي وتخلص اجازتي وببجي ما ابي ادوام

بصراحه قعدة البيت تهبل كافي انام واقعد على كيفي واجابل اعيالي واي القعده معاهم تسوى الدنيا وما فيها

اهتم ببيتي بالمطبخ اتفنن بالأكل اكثر..اهتمامي بنفسي اكثر على ما يرد ريلي الا صج فريش ولي خلق اجابله واسولف معاه واسويله مساج بعد

وبعدين انه اموت على مشواير الصبح حياة الصبح تهبل الحمدلله سيارتي عندي واخلص اموري ومشاويري والصبح اقل زحمه

مادري انه حبيت قعدة البيت

 

[nfs007]

والله آنا نفسج لاعت جبدي من قعدت البيت روتين ما يخلص و ما آصدق يصير آخر لإسبوع علشان أروح بيت أخلي و أنام عندهم، أحس ترد لي روحي​

 

[nfs007]

أقصد بيت أهلي

 

[Fajarjar]

الله يعينج والله ساعات قعدة البيت تملل و تييب الكسل و الخمول بس والله ساعات احسن من الوظيفة
شوفي انا كنت اشتغل في شركة و لما حملت بديت اتعب و اتدلع و الدوام اذوني نجرة و يحاسبون عالمرضيات و كنت ارد البيت عصبية و ماكو وقت انام و توتر و نفسية ليما استقلت الحمدلله بنص حمالي والله ارتحت راحة موطبيعية
انام متى ما ابي و اسهر على كيفي و كنت اقعد اطبخ و اجابل الخدامة و اعلمها الحمدلله و اطلع مع اهلس و رفيجاتي
بس شوفي لو مالحمال جان شقيت هدومي لان بيكون ماعندي هدف اما الحين هدفي الياهل و اغراضه و كله اقرا بالنت كل شي تعلمته عن الحمل و الولادة و عقب ما اولد ان شاءالله بتفرغ حق الياهل

اما بحالتج صعبة شوي اذا ماتسوقين بس اذا ريلج يرضى تطلعين خلي رفيجاتج بنات خالتج خواتج يمرونج طلعي معاهم
شوفيلج هواية او سوي بزنس و حطيلج هدف معين تخلصينه
و ان شاءالله الله يرزقج و تيبين بيبي يترس لج حياتج

 

[@بنت ابو متعب@]

الله يعين الموظفة مو مرتاحة والي جالسة في البيت مثل حالتي زهقااانة
من جد بنات والله ملل :eh_s(2): بس الحمدلله ع الصحة والعاافية
انا الحين راحت الخدامه وطول الوقت كرف في البيت :dfgl:

 

[bedour.bader]

انا عندي حل انا اسوي دورات متنوعة وباسعار رمزية
الدورات
*حياكه *تطريز *stitch *صناعة عرايس *خياطة *صناعة مخاد وكوش بخام الجوخ *صناعة مداليات
وريلي يسوي
(رسم مانجا ( عمل شخصيات بالطين الصلصال ( نحت
للتواصل :[email protected]]

 

[الأماكن]

الكل حاس بالملل

لا اللي تشتغل مرتاحة

و

لا اللي قاعدة بالبيت مرتاحة

محد مرتاح

الحمدلله على كل حااال

اهم شي الصحة و العافية و الستر

 

[أو عبوش]

انا دخلت عشان تحبيني بس لووووول





حظكم >> ماشالله



فكرت اكثر من مره اترك الوظيفه واقعد بالبيت.... بس صعبه


بس جربت سنتين اقعد بالبيت قبل لا اتوظف

كنت اقوم الصبح عال 7 اسوي ريوق اريقّ زوجي وانطره لين يطلع على ال 8 ونص
عقبها اقعد ولدي ياحلوه نلعب واريقه وعقب حوسه الريوق اسبحه واحط له العاب واخليه يقعد جدام التلفزيون وانا انظف بيتي من تبديل شراشف من اخم الشقه من ارتب اغسل مواعين الريوق للساعه 11 ونص
عقبها اطلع شنو بسوي غدى
وواطبخه وطبعا كل شوي ناطه على ولدي اشوفه شهبب من وراي لووول
عالساعه 1 ونص ولا 2 الا الغدى زاهب
نتغدى
ويروح ينام شوي قبل صلاه العصر
اروح اغسل مواعين وحوسه الغدى
يروح الصلاه ويخلص مشاويره
ماكان عندي لاب توب طبعا ولا كنت اشبك
ف كنت اكوي ملابس واسفط وارتب غرفتي
لين وقت العشى نتعشى خفايف وينام مبجر وانوم ولدي وانااام بسسسس



اما الحين حياتي حدث ولا حرج بروحي اوصل البيت الساعه 3 العصر واجابل بنتي وولدي اما نطلع او نقعد بالبيت وحياتي حوووسه تعب

 

[om Firas]

انا حياني بين البيت وبنتي والنت وريلي يافي الدوام يانايم
اهئئئئئئئئئئئئئئئ
مللللللللللللللللللللل حده

 

[واقعية حـلـم !]

واي بنات الله يعينكم


بس تخيلو انا تخرجت من الجامعة


و الحين في البيت

و مو متزوجة

و ما عندي سيارة


يومي فاضي ما فيه شي



ادعوو لي بنات ظايق خلقي حيل