بنـات آنـا عندي إسلـوب و أقرا بس مو من الكتب .. هل اعتبر قارئه ؟ ابي اصير مثقفة

[اخت خالتهم]

السلام عليكم ورحمة الله وبركاته



شلونكم يا الحلوين

بغيت اسألكم انا دايما لما يسئلوني تحبين القراءه اقول لا

بس انا لازم اجابل الكمبيوتر و اطلع معلومات من كيفي و اقرا عنها
اشوف قصص .. اهتم بالبرامج الوثائقية .. بالمعلومات الغريبة

و واااااااااااااااايد اهتم بالتاريخ الأوربي ..

بس مو معطيه نفسي اهميه !!! و منزلة بقدر نفسي

غيري يقرون و يقولون نقرا

بس ما ادري انا اشتري كتب بس مو روايات
اشتري عن نابليون او مونسكيو .. يعني شخصيات و ما اقرا كل الكتاب
كله ادور متى انولد و و ادور وين اشتغل و شنو شخصيته و شنو فكرة

و شلون مات ههههه وبس انسى الكتاب

يعني من اصل 250 صفحة اقرا 10

بس بالنت ادور وابحث يعني البنات اللي بعمري ما تهمهم ..

أبي اصير مثقفة مو عاجبني وضع رفيجاتي و الحش و المكياج والطنازة ..
أحبهم وكل شي بس أحس سوالفهم غير عني كلللش ما لقيت وحده نفسي

و النت انقذني و حتى الانستقرام .. بس ودي اقرا
ابي كتب جنها قصة و فيها معلومات و بسرد حلو


شلون اصير قارئه
وهل ممكن اكون مثقفة من غير قراءه الكتب ؟

 

[منيره آل ثاني]

اضغطي على نفسج وكملي الكتب الي ما قريتيها
مع الوقت بتتعودين
فيه كتاب اسمه الأسرار الكبرى للماسونيه مال منصور عبد الحكيم
هالكتاب يتكلم عن الماسونيه واشلون صارت ومن وين يات ووووووالخ
كتاب ممتع ومفرداته سهله واضحه وصفحاته ميتين وأربع وثمانين
بالنسبه اشلون تصيرين مثقفه لما تقرين عن موضوع معين تكلمي فيه مع الناس
علشان يترسخ في ذهنج أكثر

في حفظ الرحمن ورعايته

 

[كويت الاناقه]

تعودي انج تثقفين نفسج بمعلومه كامله مو جز منه وتكون عندج القدره ع حفظ المعلومه الصحيحه والسال عنها لتاكيد من صحتهاااا

 

[نبض الجود]

بالعكس ليش محبطه نفسج ،
انتي تعتبرين قارئه درجه اولى ومثقفه ، حتى اكثر من اللي يقرون روايات ماتنفع ..

انج تدورين بالنت وتقرين هذا ثقافه ،
تشترين كتاب وتاخذين فكره عامه عنه واشياء اساسيه هذي ثقافه ،

حلو انج تقرين بالنت ، وتشوفين الكتاب بنظره سريعه واهم المعلومات ،

والثقافه مو اني امسك كتاب ولازم اخلصه عشان اصير قارئه ،

عندي كتب صارلي جم شهر باديه فيهم ، كل جم يوم اقرا جزء منهم ،

وفي كتب اخلصهم بيوم وفي بقعده وحده بجم ساعه :$

يعتمد على الكتاب نفسه والمحتوى واسلوب الكاتب ،

اذا تبين روايات او قصص قصيره فيها معلومات بسيطه وتبدين فيهم حآليآ ، فانصحج بكتب عبدالوهاب السيد ،

حلوين وفيهم معلومات عن ماوراء الطبيعه ، ويتكلم بنص قصصه عن ظواهر واحداث قديمه ..

والاسلوب حيل حلو ويشجع المبتدئين ، وآهم نقطه انج تقرين بمجال انتي حابته ، مو الا راي الناس ،

وانصحج تسجلين بموقع good reads حيل حلو ، تشوفين راي الناس وتعليقاتهم بكل الكتب بكل المجالات واللغات ،
​

 

[anwar_aldshtii]

نفسي بس بسرعه امل مادري شالخل

 

[Tom ♥ Jerry]

.


انا برايي استمري بلي انتي فيه .. الي قاعد تسوينه حلووو

 

[وهج الحب]

السلام:
ومن قالج ان الثقافة بس من الكتب تيجي ..الثقافة حصيله معلومات تاخذينها من كل المجالات ..الثقافة هي انك تتقبلين الاخر مثل ماهو وتستمعين له وتناقشينه باسلوب اقري بكل المجالات باي وسيلة كانت ...حتى لو بورقه لقيتها بشارع ممكن تفيدك بحصيلتج المعلوماتية من الف كتاب موضوعه تافه ...انا قرات الالف الكتب وصحيح استفدت من بعضها ولم استفد من الاخر قد استفيد من وريقات كتبت بمجله ..ولا يفيدني كتاب عدد صفحاته ثلاثمائه .. اختي وقسم بالله ناقشت بالتويتر والايميل من يعد كتاب مثقفين ..فوجدتهم سطحين بطرحهم ومنهم من اراد فقط ان يغازل منتهز فرصة مناقشتي له منهم من جلست بجانبهم وهم فطاحل الادب العربي والسياسي ووجدتهم يتحدثون عن النساء وكانهن فقط متعه رخيصط وقسم بالله لو اقول لك اسمائهم يشيب رئسك عجبا ...اختي اقرائي اي شئ تحبينه انت ولا تبحثي عن شئ من وراء هذه القراءة سوى المتعة والمعرفة وتنمية عقلك ..فقط لولا تهتمي باحد يتفلسف عليك ويحبطك ..انت على الطريق الصحيح ..وان اتمنى بين فترة واخرى تدخلي موضوع جديد لقرائتك وتستمري عليه وان لم يعجبك تنتقلي لاخر فقط لزياده حصيلتك ...

 

[برنسس أوراق]

القراءة الكاملة شي مهم عشان تصيرين مثقفة
انا عن نفسي احب القراءة
روايات
شخصيات
علم نفس وحياة
حتى فلسفة مرات اقرا
بس حاليا مقصرة بالقراءة