بنسافر..ونخلي بيوتنا!!

[لميس]

:eh_s(8):











تحزمين حقائبك..متلهفة للسفر..ومشتاقة الى النزول على ارض مطار الدولة الاوربية ..او العربية اللي بتسافرين لها!!
تقفلين بيتك..تهرولين الى السيارة ....
ولكن

هل عملت احتياطاتك للعودة الى منزل نظيف ..مرتب..وكأنك لم تغادريه؟؟!!
بالطبع..لا
لاننا عارفين اننا راح نرجع وننفض الاتربة والغبار عنه!!ونقوم بعملية تنظيف شاملة قد تستغرق اسبوعا او اكثر!!
ولكن لو عملنا احتياطاتنا وقمنا بخطوات وقايه للمنزل قبل السفر لوفرنا على انفسنا الكثير من العناء!!
اتمنى من كل اخواتنا تسجيا تجاربهن فى العناية بالمنزل قبل السفر,,,ودمتن!!

 

[^^ ريان^^]

اول شي لازم تفضون الثلاجة من كل الاكل اللي فيها يعني الاسبوع اللي بتسافرون فيه لازم ماتترسون الثلاجة اشتروا على قدكم
لاتخلين شي على الطاولات كلش تأكدي ان المواعين مغسولة ومحطوطة بالكبت

زبالة المطبخ طلعيها وسكري الداريش والبالوعة الصغيرة تأكدي انها مسكرة

وسكري الكهرباء

روحي الحمام
وسكري المرحاض وحطو في السيفون المكعب الازرق ما ادري شيسمونة عشان يعقم ومايطلع ريحة

والبالوعة اللي بالحمام تأكدي انها مسكرة وحطو بالحمام العطر اللي تسحبينة وفية اسفنجة عرفتوة انا كل ما اسافر احطة وارد القى ريحة الحمام حلوة
طلعي زبالة الحمام

غرفة النوم
- الكفر اللي عالسرير اشيلها والمخداد اخشها بالكبت واخلي بس عالسرير الواقي اللي يحمي الماترس
-الكمدينات اغطيها بالسفرة البلاستك اللي تجي روول
والتسريحة افضيها من فوق وخش كل اللي فيها بالادراج واغطيها بالسفرة
البلاستك

-الزولية اللي بالغرفة الفها لأن غرفتي سيراميك

اسكر الشتر وابخر الغرفة واسكر الكهرباء

وبس لاتقولون وايد بالعكس ما ياخذ من وقتج ربع ساعة
بس اهم شي انج تكونين مرتبة شنطتج قبلها بيوم ومزهبة ملابس المطار وكل شي جاهز عشان ما تحوسين البيت وتطلعين وتردين وكل شي دثرة
هذا الليي اذكر اللحيييين

 

[مزيونه وشقره]

الموضوع متكرر في قسم السياحه والسفر نقلت ردي

انا ما اطلع الا منظفه شقتي عدل مدل واللي بالثلاجه كله اشيله والصابون اقله والزبايل وانتوا بكرامه وكل كل شي ماله داعي اشيله واخلي الاثاث مرتب ونظيف واسكر الكهربا كلها والليتات والملابس الوصخه تكرمون انظفها واعطر عدل مدل الشقه عشان تتم فيها ريحه حلوه ومرتبه وبس

هذا اهم شي



مع تحياتي يا حياتي

مزيونه وشقره​

 

[saroon_143]

مشكورين على المعلومات

 

[*سكون*]

انا مثل مزيونه وشقره

مشكورة حبيبتي

 

[دانــــه]

اول شي لازم تفضون الثلاجة من كل الاكل اللي فيها يعني الاسبوع اللي بتسافرون فيه لازم ماتترسون الثلاجة اشتروا على قدكم
لاتخلين شي على الطاولات كلش تأكدي ان المواعين مغسولة ومحطوطة بالكبت

زبالة المطبخ طلعيها وسكري الداريش والبالوعة الصغيرة تأكدي انها مسكرة

وسكري الكهرباء

روحي الحمام
وسكري المرحاض وحطو في السيفون المكعب الازرق ما ادري شيسمونة عشان يعقم ومايطلع ريحة

والبالوعة اللي بالحمام تأكدي انها مسكرة وحطو بالحمام العطر اللي تسحبينة وفية اسفنجة عرفتوة انا كل ما اسافر احطة وارد القى ريحة الحمام حلوة
طلعي زبالة الحمام

غرفة النوم
- الكفر اللي عالسرير اشيلها والمخداد اخشها بالكبت واخلي بس عالسرير الواقي اللي يحمي الماترس
-الكمدينات اغطيها بالسفرة البلاستك اللي تجي روول
والتسريحة افضيها من فوق وخش كل اللي فيها بالادراج واغطيها بالسفرة
البلاستك

-الزولية اللي بالغرفة الفها لأن غرفتي سيراميك

اسكر الشتر وابخر الغرفة واسكر الكهرباء

وبس لاتقولون وايد بالعكس ما ياخذ من وقتج ربع ساعة
بس اهم شي انج تكونين مرتبة شنطتج قبلها بيوم ومزهبة ملابس المطار وكل شي جاهز عشان ما تحوسين البيت وتطلعين وتردين وكل شي دثرة
هذا الليي اذكر اللحيييين

أفكار رائعه منك اختي ريوف

عجبتني وايد

ما شاء الله عليكي​