بنت عمي قاعده تضيع ومادري شسوي معاها

[Tom ♥ Jerry]

.


تقربي منهآ حيييييييييييييل =) !
و خليها تقولج كل شي و تفتح لج قلبها و بعدين تتقبل منج النصيحه !
حآولي تخلينهآ مثل رفيجتج طلعي معآهآ وآيد ..
و علميها الصح من الغلط .. لا تقولين لها أنج قريتي المحآدثه
بس قولي تصدقين رفيجتي تعطي صورها حق الشباب .. و قوليلهم قصص وآيد عن بنات
انفضحوآ لمآ عطو صورهم حق الشباب .. :| !
لمحي لها بس بطريقه مو مبآشره
و ان شاء الله الله يهديها .. أهيه الحين بفتره مراهقه .. يعني كلمه توديها و كلمه اتييبها
اي وآحد يقولها أحبج قالتله أنا بعـد .. و شبابنآ ماشالله كلش مآ يعرفون يشلخون !
تلقين قص عليها بكلمتين و اهيه متعلقه فيه و دزت صورها (= ّ !
اذا عندهآ رفيجآت مو زينين وخريها عنهم .. ترا محد يخرب البنت بفتره المراهقه الي الرفيجآت !
تلقين يقولون لها منو مآ يكلم الحين و و و ! > خوش رفيجآت !

انا اقول يا ليت تقولين حق ابوها .. بس مو تقولين له أنه بنتك تكلم لا > هاذا غلط كبير اصلا !
قوليله انا ملاحظه أنج مبتعد عن بنتك و اهيه متأثره بهالشي و الكل ملاحظ عليها
يا ليت تخلي لها فتره معينه من وقتك تطلع معاها و اتييب لها هديه و تطيب خآطرها ترا وآيد فآقدتك
> و ان شاء الله يحن قلبه .. :*

البنت لا تخلينهآ اليوم تعطي الشباب صـور بآجر يقصون عليها بكلمتين يخلونهآ تطلع معآهم و الشيطآن شآطر !
ديري بآلج هاذي الحين حسبه اختج الصغــيره لا تخلينهآ تطلع بروحهآ و لا مع رفيجآتهآ
اذا اهيه بالشاليه و مآ تحسب حساب الأهل قآعده جدآم باب الشاليه موآعده !!!!

(=

.

 

[toofy]

لا ديري باالج اكبر غلط انج تسكتين عنهااا حراااااااام عليج البنت قاعده تضيع وهي مو حااسه .. وماراح طيع كلاامج لو تكلمتي مني لي بااجر لانج كلمتيها وما نفع خلاااااااص رووووووووووووووحي علمي ابووووها لاززززززم يدري ويحميهااااا من تصرفاتها الطاايشه وترى مو كل مره تسلم الجره واخاف يغسسل مخلها ولد ابليس ويخليها تطلع معااااه . تكفين لاتسكتين علمممممممممممممممي ابوها

وبلغينا شصااار ..

 

[متجولة *]

الفراغ هو الي مخليها ضايعه اشغلوا وقتها ياعندج ياعند الخالات لا تخلونها بروحها

 

[الورده الفوشية]

رد : بنت عمي قاعده تضيع ومادري شسوي معاها

مثل ماـأأقالولك البناـأأت ماـأأقصرواـأأ


الله يهديهاـأأ يــــــــــــآرب..

 

[قطوه دايخه]

رد : بنت عمي قاعده تضيع ومادري شسوي معاها

نصيحه علمي أبوها قوليله بنتك عمي لاتضيع مو عشان تزوجت تخلي بنتك تضيع وبنتك بسن حرج ودير بالك عليها واكيد بيفهم

 

[بولندية]

كسرت خاطري

البنات اكيد كفو ووفو

وعدل كلام البنات تقربي منها اهي توها ياهل و لاحسيب ولا رقيب و الطق ماراح يفيدها تقربي منها وايد حاولي تشغلينها دخليها نادي بنات خل تشغل وقتها بس راقبيها ولا دورات انجليزي

لاتطقينها ولا تحسسينها انج حاكرتها الحكره ماراح تنفع قولها لها سوالف الصبيان مع البنات خرعيهاااا

طلعي معاها روحي معاها خل تشتري حق البيبي اللي ببطنج قولي له هذا بيكون نفس اخوج ولا اختج

وين بنات عمامكم و عماتكم خل ترافجهم؟؟؟

يعني بالمختصر حاولي تشغلين وقتها و الله يهديها

 

[AL-7Oo0b]

رد : بنت عمي قاعده تضيع ومادري شسوي معاها

الله يستر عليها
حاولي تكلمين ابوها او خالتها لانه البنت صغيره على هذي الاموور يعني حرام توها ما كملت ال15 حد يقص عليها والا شي
يمكن تمشي مع بنات مب اوكيه شوف من ربيعتها
حاولوا تغيرون جوو المكان اللي هي فيه المدرسه مثلا

 

[๓ίşś зśŏłả..!]

رد : بنت عمي قاعده تضيع ومادري شسوي معاها

فديتكم بنات والله ما قصرتو
كفيتو وفيتو
وبسوي الي قلتو عليه

ومشكورين ويعطيكم العافيه حبايبي على النصايح
لاني كنت وايد خايفه عليها واحاتيها وماقدر اقول حق احد الا لكم

 

[غير كل الناس]

الله يستر عليها ويحفظها

 

[احنا عشقناها]

البنت واعية وعارفة شقاعد تسوي قاعدة تقول لابوها انا كبرت اهتم فيني صرت مرة ومطمع لكل سفيه وانت لاهي مع مرتك نسيتني وغيرك ذاكرني خاف علي انا عرضك اصحى شوفني . كل هالشي قالته بتصرفاتها البنت باختصار تحاول تلفت النظر حولها تبي اهتمام لانها فقدت اغلى الناس وتبي ابوها يهتم ويعوض غياب امها . الحل ابوها لازم يكون بالصورة بطريقة غير مباشرة يعني قوليله شسوت بنته عن طريق قصة واقعية عن وحدة امها توفت وابوها تزوج والبنت ضاعت وانج خايفة عالبنت لان القصة ذكرتج ببنته (بنت عمج) وذكريه ان السالفة صجية وصارت حق وحدة واللي قالتها لج ثقة .ولاتقوليله مباشرة لانه ماراح يفهم وراح يطقها ويزيد الطين بلة اتمنى اكون فدتج وتقبلي مروري

 

[غ ــلا الــروح]

رد : بنت عمي قاعده تضيع ومادري شسوي معاها

لآتخليــنهـآ ...,

مــآلهـآ غــيرج ...,

وحـآولي كثــر مـآتقدريـن انج تصلحينهـآ ...,

الله يهــديهـآ ويصلحهــآ...,

 

[هواجيس الفجر]

رد : بنت عمي قاعده تضيع ومادري شسوي معاها

....

تكفييييييين هذي بنت عمج وانتي سترهاا وغطااها ومن لحمج ودمج

مسكينه والله ماتنلام ماعندهاا احد

صدقيني والله تكسبين اجرررررر فيها المسكينه

حااااااولي تقعدين وياها وتراقبينهااا

بسسسس ترا الطق مايجيب نتيجة

وعسسسى الله يجزييييج خيير

مسكينه بنت يتيمة اخذي اجر فيها

....

 

[ToOoTi]

الله يهديهاااا حيييييييل صغيرة
الطق ما ينفع معاها كلش لازم تقربين منها اكثر انتي يوم علمتي خالتها فقدت الثقة فيج
حاولي من جد وجديد اكسبي ثقتها مره ثانية
وربي يجعله في ميزان اعمالج انج حريصة على هاليتيمة

 

[aṕriliå]

رد : بنت عمي قاعده تضيع ومادري شسوي معاها

حاولي تذكرينها بالعواقب


وخليها تقرب من ربها اكثر


لان الوازع الديني اهو الوحيد اللي بيردعها عن هالخرابيط

 

[๓ίşś зśŏłả..!]

رد : بنت عمي قاعده تضيع ومادري شسوي معاها

مشكورين حبايبي وبصراحه ماقصرتو معاي

 

[NoNoFeTa]

لاتخلينها اهي بسن صعب وتحس بفراق عاطفي لانها مومتشبعه من الابو والام الله يرحمها قاعده تعوض مع الشباب
انتي شتسوين
تنصيحينها بالهداوه مو بالطق بالتفاهم
تخرعينها بقصص الشباب والبنات ونهاية هالطريج الخ
والله يساعدج

 

[سنا الفضه]

رد : بنت عمي قاعده تضيع ومادري شسوي معاها

هذي فقيره يااهل وناقصها الحنان والرعايه قاعده اتدوره بره

الحل

غيرييييييييي رفيجاااااااااااتها هذا الحل وبتشوفين النتيجه لانه الصاحب ساااحب

عرفيها على بنات انتي ضامنتهم خل يتداخلون معاها

دخليها مراكز تحفيظ القران اتهببببل حدهم يونسون البنات يحفظونهم وانشطه دينيه ورحلات وسنعين وان شافوا ماشافوا عدلوها

اخذيها معاج وين ماتسمعين اكو درس اخذيها

بين فتره وفتره ذكريها بامها ..هنييه هي بتخق وبتحن لها

قولي لها اعمال الابناء تعرض على الاباء وهو في قبورهم يعني امج ان سويتي شي زين يوصل لها وبالمقابل ان سويتي شي شين هم يووصل لها

نبهي مرت ابوها قولي لها

فلانه موعاجبتني ديري بالج عليها احسها كله منعزله وبوحده <--- تعالي لها من هالباب لاتقولين لها سوالفها

قولي لها كله بالاب توب والا بالتلفون بصراحه تعور قلبي يمكن اتدور احد اتسولف معاه تشكلي له حلاتها لاصقه فيج وبابوها علشان اتعوضونها عن امها

نبهي خالتها ووووولاتتبعون اسلوب الطق والقسوه الطفل المراهق بهالعمر بيعتمد على العناد وابتركب راسها ولابتقتنع لاا

تعالوا لها بالتي هي احسن بالتودد والملاطفه

لصقووووووووووووا فيها لصقه عنزروووت خلوها ماتتنفس الا وانتو قاعدين على قلبهاااااااا علشان لاتسوي شي

وبسسكات راقبوا تحركاتها حتى حركات عيونها خلوا بالكم عليها ان شفتوا عيونها اتلاقط هنييه حطوا بالكم اكثر لانه في خارش وارش والبنت ماهي خاليه صكوا على مناسمها اكثررر بس بدون عنف وعصبيه لاااا ان كان بيدها موبايل لقطيه بسكات وضيعووه وخلوه سايلنت لاتحس انكم ماخذينه

ان شفتوا بيدها لاب توب قعدوا يمها وكل شوي بنشوف هالشغله الفلانيه وهو بحظنها طقطقوا عليه خل اتحس انكم فوقها

طبعا هي جربت الكلام المعسول والاهتمام الزائف من هالمصابن انتووو عوضووها ترى جد البنت مسكينه الله يصلحها ويستر عليها يااارب


وممكن امج وابوج يدشون معاج بالصوره ترى احسن بس اكرر وحطي تحت هالجمله مليون خطط

موو بالعنف اتعاملون مع علاقاتها الغلط

لاااا

بالتحاااور وبالتقارب

ولاتنسين الدعاااء لها وعلى قولتهم لمزيد من التفاصيل راجعي الدكتور محمد الثويني او الدكتور ابراهيم الخليفي مختصين بهالسوالف وووووووالله يعينكم ويستر عليها ويصلحها ياارب

 

[&& دعاء &&]

رد : بنت عمي قاعده تضيع ومادري شسوي معاها

لازم ابوها يدري بالسالفه
قبل ما يتطورالموضوع وتضيع البنت
الله يستر عليها ,,,,

 

[أسيرة إنسآن]

اول شي ربي يهديها وويصلحها

وانتي حاولي معاها مرة ومرتين اذا ما نفع معها ضروري ضروري تبلغين ابوها

وهي قاعده التسوي هالشغلات بدون ماتكون خايفه من احد لان مثل ماتقولين ابوها لاهي عنها الله يهديه

لانها توها صغيره وماتعرف مصلحتها وماخذتها الدنيا وفئة المراهقه دائما متهورين ومايفكرون بعقلهم

 

[حلومي السعوديه]

رد : بنت عمي قاعده تضيع ومادري شسوي معاها

قولي لابوها