بنت خالي محتارة بين ابو 31 او اللي عمره 26 رايكم يابنات

[قلب بعلها]

شلونكم بنات والله مشتاااااقه واااااايد ولسواليفكم

بدش بالموضوع
بنت خالي محتاره وكلنا محتارين معاها قبل شهر وحده من رفيجاتها كلمتها علشان تخطبها حق اخوها . واخو رفيجتها عمره 26 سنه واهيا عمرها 25 سنه وكله حجي بين بنت خالي ورفيجتها

ورفيجتها تبي تاخذ رايها علشان يتقدمون لها رسمي عن طريق الأهل بس بعد معرفة رايها عن الولد .

قبل يومين تقدم رسمي حق بنت خالي شاااب من قرايبنا بس بعيد شوي عمره 31 سنه ماشاء الله دارس برى ومعروف انه ريال عند الأقارب ويقوم بشغل البيت وبأهله ومعتمد على نفسه وشخصيته مستقله بس عمره 31 سنه

اللي محير بنت خالي واحنا معاها بين الشابين
إمكانياتهم الماديه نفس بعض .
اخو رفيجها مو بعيد عن عمرها و حبوووووووب وكلش مع اهله بالرايح والياي وعمره 26
قريبنا اللي عمره 31 شخصيته اقوى من اخو رفيجة بنت خالي لأن عيال خالي يعرفونه . ويقولون ينشد فيه الظهر ورزه وماعنده خرابيط بس بنت خالي تقول اخاف العمر بيننا كثير يعني سبع سنوات

وشرايكم بنات تتوقعون ان الفارق سبع سنوات مشكله للبنت بنت خالي تقول احس انه كبير شوي علي واخو رفيجتها قريب منها
شراااااااااايكم بنات

 

[دلوعة صلوح]

سبع سنين وايد من قال؟؟ لا حبيبتى فرقى وفرق ريلى 14 سنة وماشاءالله ماحسيت فى فرق نهائى

بالعكس كل ما كان اكبير كل ماتحمل المسؤلية اكثر وبنت خالتج خليها اتسوى استخارة وربج يوفقها

حق لى فى خير لها يارب العالمين.:yaaaaaarb:

 

[قسوة الزمن]

انا اجوف الي اخو رفيجتها احسن

 

[فراحينو]

فرق السن مو مشكله ابدآآآآآ

اهم شي الاخلاق والتفاهم وخل تستخيير والله يوفقها يارب

 

[لولو كـاتي]

تستخيررر ربها مايبي لها كلام

بعدين اشوف بو 31 سه ناضج والعمر اللي بينهم مو كبير

والله يوفقها يارب

 

[al6aylaaa]

عااادي السبع سنين مو وواجد وانا اشوف احسن ان بينهم فررق


بس بالنهايه اكيد لازم تستخير


و ربي يووفقهاا انشاالله

 

[يآلبى ضحكتي:$$]

مشآءلله كلهم شكلهم آوووووووكـ


بس رآآيي آلـ 31

دآم مآعنده خرآبيط ​

 

[طبعي حلو]

والله خليها تستخير

والله ما شاء الله عليها >>خل تعطيني واحد هههههههههه


بالتوفيق

 

[elzain^kella]

el farg 6 yrs mo 7 .. farg 6abe3y jeddan bain el mara w el rayyal .. 1 year ana ashof'ha eshwayya .. bas el 3omer mo aham noq6a .. el deen w el kholq w el shakhseya el 3elm el thaqafah wayed aham w el aham men hatha kella enha testekheer o allah ewafeg'ha

 

[قلب بعلها]

سبع سنين وايد من قال؟؟ لا حبيبتى فرقى وفرق ريلى 14 سنة وماشاءالله ماحسيت فى فرق نهائى

بالعكس كل ما كان اكبير كل ماتحمل المسؤلية اكثر وبنت خالتج خليها اتسوى استخارة وربج يوفقها

حق لى فى خير لها يارب العالمين.:yaaaaaarb:

لا و أزيدج من الشعر بيت اللي ابو 31 مع انه دارس برى الا كلش يلبس دشداشه وغتره وعقال على قولة بنت خالي تقول اخاف مايصير كوووووول :rgewrg:

 

[قلب بعلها]

انا اجوف الي اخو رفيجتها احسن

شكرا حبيبتي بس وش وجهة نضرج

 

[قلب بعلها]

فرق السن مو مشكله ابدآآآآآ

اهم شي الاخلاق والتفاهم وخل تستخيير والله يوفقها يارب

اهيا خايفه من السن اكثر شيء تقول اخاف مايكون فيه تفاهم بعديييين

 

[فدوووو]

لاخاب من استخار ولاندم من استشار
تاخذ واحد اكبر منها ولاتاخذ واحد قريب من عمرها

لان عمر عقل المراه اكبر من عقل الرجل بخمس سنين

 

[Queenleo]

دام تقدم لها رسمي تستخير ووتتوكل على الله
على قولتهم عصفور بالايد احسن من عشره عالشجره

ماتدرين اخوو رفيجتها يمكن يغير راييه باخر لحظه او اهله لهم راي ثاني او شايفينله ووحده
فلاتعتمد على شيء مو ررسمي للحين

 

[نور خانوم]

خل تاخذ الكبير ابو 31 سنه واشفيها اذا لبس الغتره والدشداشه اصلا رزه لها وريال بمعنى الكلمه

والصغير اتوقع هم زين بس الاستخاره احسن حل والله يوفقها يارب

 

[فـي ع ـيون خلـي]

ياااقلبي ما في فرق في العمر واجد انااا وزوجي الفرق سبع سنوات احسن


الله يوفقهااا ان شاء الله

 

[yasmeen_q8]

انا اشوف بو 31 افضل مو بس لسنه واصلا السن مو مقياس
لمواصفاته
والافضل لها واللي لازم تسويه الاستخارة

 

[ضحاوي الديره]

اذا كلهم نفس المواصفات انا من رايي ابو31 كبير وناضج وواعي واخوانها يعرفونه
وبعدين الكبير يدلل والصغير يعلل >>>> من تجربتي

 

[دلوعة أبوهآ]

العمر ماله دخل وتأثير أبد ..
واشوف اللي عمره 31 عادي عمره مناسب لها وحلوو

بس اهم شي تستخير ..
الاستخاره وبعدها تتوكل ع الله

 

[كشفو سر الهوى]

الله يوفقها ان شاء الله

حبيبتي خليها تستخير ربها و من استخار ربه ما خاب

و لا تقول شي لرفيجتها لما يبين الرد اذا بالرفض او الموافقه علشان لا تفلس من الاثنين

و انا اشوف بـو 31 احسن علشان تحس نفسها بيبي عنده صغيره و الاهم من هذا كله اهلها عارفينه و مادحينه و الرياجيل ابخص بهالامور دام سألو عنه و مدحو فيه اما اخو رفيجتها حتى لو تقدم ما راح يعرفونه كثر هالرجال اللي يقرب لها

و الله يووووووفقها شنو ما كان اختيارها