بنت خالتي وولد خالتي الي اهو خطيبي ومابقي لـعرسي الا شهر ؟؟؟؟

[كـلئ حلآآآ]

السلام عليكم
بنات صراحه الموضوع صاير من قبل فتره بسيطه وانا افكر انزله ولا لا
بس عقب التفكير قلت لازم انزلها واخذ رايكم فيه وانا مالي غيركم
انا خاطبني ولد خالتي ونزلت قبل موضوع عنه
http://www.q8yat.com/t911699.html
والي قرت قبل موضوعي بتعرف انه رجال ونعم بس المشكله بالبنت نفسها
يابناات احنا كنا بالمزارع بعطلت العيد وهو جايب امه عندنا
المهم انا مادري فجأه جان يدخل علينا انا وجهي يقط الوان :eh_s(11):
مادري شسوي بغيت انحااش ولا تمسكني امـي
عاد احنا قاعدين انا وامي وخالتي وبنت خالتي وولد خالتي
بس بنت خالتي مو اخت الولد لا الولد يصيرلها مثل مايصيرلي واهي تعرف
انه هو مملج علي بنات والله ماحترمتني ولا حترمت امه وامي
تغط عليه نغزات بفولكم شنو قالت له

اول مادش
هلا بالغالي هلا بالي غير عن كل الرياجيل ليتني انا (فلانه) تـقصدني
اول ماقعدنا تقوله فلان اسم الله عليك مزيون الله يحفظك ياهني فلانه بس شنسوي بغيناك وماحصلت
امه انصدمت جان تقولها فلانه العقل زين والركاده سنع شالكلام الي تقولينه
وعلي فكره ترا اهي قبل الكل يدري انها تبيه وهو مايبيها يقول حسبت اختي
امي مسكينه ماقالت شي

اهو اول شي بدا نغزات شاف البنت ماتفهم وقطها بوجها
قالها انا اخو لج وانتي اخت لي والاخوان مايصح انهم ياخذون بعض
انا لقيت البنت الي كامله بعيني والحمدلله الي رزقني فيها وهي تسوي البنات كلهم كلهم كلهم
قال كلمة كلهم ثلاث مرات انا وجهي احمرررررررر

وبنات هذي مو اول مره هذي تقريباً ثاني مره اول ايام العيد قالتها ببيت جداني
وثالث ايام العيد لما كنا بالمزرعه قالتها جدامي وجدام امي وجدام خالتي ام الولد وجدامه اهو
وانا مادري بعد اذا كانت تكلم من وراي او شي
انا خايفه منها بصراحه اهي ماعبرتنا ولا شي ولا حاطه لنا حسبه بالأساس

شورو علي شنو اقولها شنو اسوي لأني ماعرف بالسوالف هذي
وامي لاقلت لها قالتلي يمج شنسوي هذي بنت فاصخه الحياا

 

[غدووور الكويت]

الله يعينج الله يبعد شرها عنكم

 

[نونه المنكوشه]

اهم شى ريلج مومعطيها ويه ويبيج انتى وشاريج وهذا اهم شى ومدام معاى القمر مالى ومال النجوم المفروض لما قال جذى تستانسين وتشيلينها من بالج لانه مومفكر فيها

 

[@ كويتيه @]

ان لم تستحي فاصنع ما شئت وقوليلهاا مو حلووه رزت الفييسس عند خطيبي خللييهاا تستحي على وجهها مع ان ماظنتي بيسستحوون اشكالهاا
الله يكفيج شر المششفوحه << وعع ترا ماحب هالنوعييه

 

[~ بنت الهدى ~]

شالجرأه اللي عليها صج ماتستحي

دام زوججج يبيج و مطنشها ماعليج منهــــــا

الله يعينج عليها ان شاء الله تنخطب و تملج بسرعه و تفتكين منها

 

[أم ميميتو]

ويييي طنشيها اذا كلمتيها و بتحسبج غيرانه منها

 

[Al-RoRo77]

وعليكم السلام ورحمة الله وبركاته
امبببي شلون اتكلم جي اي شيييييييي !!
المهم ماعليج منها لا تحرج واهم شي ريلج يبيج انتي وبين لها انه شاريج عسى الله لا يغير عليكم ان شاء الله
واذا قطت كلام او نغزات مره ثانيه واهوا موجود ابتسمي بثقه وطالعيها بيني لها انه كلامها مو هامج وحريها لا اتبينين لها انها قهرتج
الله يخليكم لبعض ويتمملكم ع خير يارب

 

[baby-phat85]

هذي قليلة ادب والله يعينج على الاشكال هذي ووقفوها عند حدها لانه شكلها مريضه !!

 

[al6aylaaa]

حبيبتي خلهااا توولي عنج طاااف وربي ماابهزز فيه شعررره

 

[Judy . abbot]

هذي وييين اهلها
شنو هالوقاحه وقله الادب
اوكي لو كانت مكلمته بروحه بلعناها بس تتحجي جدامج انتي مرته وجداام خالاتهااا ما حشمت احد ??!
حبيبتي رد زوجج كافي قهرها وجعمها
ودربالج منهارحبيبتي لا ادخلينها بحياتج وخصوصياتج بذات
والله يهديها انشالله ويخليلج زوجج
صدقيني بااجر تتزوج وتلهى بالزواج وتنسى

 

[amami al-kuwai]

اذا تحجت مره ثانيه جذي قولي لها انتي من زمان مرتزه بوجهه ولا فكر فيج وبعدما خطبني وحبني وبغاني متوقعه يفكر فيج

وبعدها حقريها لان زوجج اساسا معاج ولا تكلمين معاها جدام احد ولا تراددينها جدام احد

 

[سوسو حبيبتى]

خلى ام رييلك تهزقها وتمسح بكرامتها الارض لووول حدي تحمست

او امك تبهدلها وتقول لها استحي يا قليله الحيا

انما انتي اووعي تظهري لها انك مضايقه بعدين بتخليكي لعبتها

ودايما قدام رييلك عاادي اظهري له انك ولا مهتمه بالموضوع وانها سالفه تافهه ودايما لما تكون هي موجودة اهتمي بيه بزيادة

بدون ما اهوا يشعر.. وحاولى تقومي انتوا وهو من قدامها

يعني لو مثلا بالمزرعه قولى له حبيبي بغيتك بكلمه تعال نتمشي شوي

والله يبعدها عنك

 

[جعلي فدوه لبوي]

اوف صج ماتستحي حقريها انسانه وقحه

 

[الزيـــــ^^ـــــن]

ووقحه بمعنى الكلمه بصرآحه شهالتربيه ماحشمت احد الله لايبلاااانااا

 

[* ياعين أبوووي*]

رددي (( اللهم اكفني فلانه بمااااااااااااااااااااااا شئت ))

 

[ابدا يالغالي مانساك]

هذي بااااااارع وتخطب لنفسهااا والرجال خاااااطب

 

[سكـــرهـ]

أنا اقول حقريهااا
ماله داعي تغثين نفسك وانتي ماباقي شي لزواجك

 

[دلع العتبان]

خلي عندج ثقه يابنت الناس مافيه الا العافيه ​

 

[ielmazyona]

ياربي انا استغرب

وين الحيا

والله انا استحي استحي استحييييييييييي من كل شي


شهالجراءه ان البنت توصل تقول انا اللي ابيك قطع قطييييعه تقطع هالاشكال


صج صج الله يعينج بس انتي لاتبينين شي حاليا لان توج مملجه

بس تتزوجين ردي عليها ولاتخليلها مجال

 

[swanyway]

1. حبيتي خلج مثل ماانت وامج بعد بطيبتكم واخلاقكم العالية وانت بخجلج الحلو تكبرون بعين خطيبج و اهله وتأكدون لهم حسن اختيارهم + اشكال بنت خالتج كل ماحقرتيهم انقهروا زيادة هي تنتظر رد من طرفكم عشان تولعها وتزيد بهارات و تقلبها هوشة و تفرقه ديروووووووا بالكم تردون عليهم

+ ماشاء الله خطيبج و امه ردوا و ردود تسكت و ردت كرامتج و خلتها تحتر اكثر واكثر

الحين وش تسوين
تحصنين نفسج دائم انت واهلج و اذا فيه تواصل مع خطيبج تقولين له يحصن نفسه بس ماتجبين طاريها ابد ابد ولا كأنها موجوده او غثتج وهمتج بس من باب ان التحصين ربي امر به واي ناس بتتزوج العيون عليهم وبس

كرري اللهم اكفنيها بما شئت دائم

اخباركم و سوالفكم بينج وبين خطبيج ماتطلع ابد ابد لبرا بينج وبينه الا امج عشان تستشرينها و جذي + سوالف الملجة والتجهيز والعرس ماتدري عنه وتكون اخر من يعلم بس لا تسوونها حركة مقصوده يعني لا سألوا انشغلنا ونسينا نقول واذا سألت الله يعين حايسين وغيري الموضوع

والله يوفقج ويسعدج ويهدي بنت خالتج ويعقلها ويرزقها هي بعد بولد الحلال