بنت الكويت بليز تعالي شوفي هالريجيم

[كويتية أمورة]

قوة يابنات ياملاقيف ياللي ارتزيتوا بدون وجه حق
انا قلت بنت الكويت شتبون داشين على اولكم!!! مسوين زحمة ترى

عموما حياكم الله تعالوا تطمشوا معاي على هالريجيم لقيته بحواء يقولون مال بنت الكويت وينزل 4 كيلو بالاسبوع!!!!
اذا صج بسويه شكله سهل
بس ابي بنت الكويت تقولي من اي دكتور؟؟ وعسى مو كيميائي بس اهده انتفخ مرة ثانية؟ وصج نزلتي عليه 4 كيلو باسبوع؟؟ وبرياضة ولا من غير رياضة؟؟

هذا الريجيم

الافطار :
********
5 تمرات + حليب


الضحى :
********
نسكافيه + كوفي ميت قليل الدسم


الغداء:
*******
{ إختاري واحده من الوجبات }

1- سلطة + روب + 2 كيوي
2- بيض عدد2 + سلطة + لبن
3- علبة تونة + سلطة + عصير برتقال مع ليمون
4- ربع دجاجه + سلطة

ويكررررر..


المغرب:
********
3 تمرات + نسكافيه مع كوفي ميت


العشاء:
*******
{ إختاري واحده من الوجبات }

1-سلطة رووب بالخيار + عصير اناناس وكيوي
2-كوب لبن + 2 فاكهه


انا عجبني بس بشوف رد بنت الكويت وعقبها اقرر اسويه ولا لأ
حاليا انا على ريجيم طالب اللي 8 كيلو باسبوعين
وعقبها ان شاء الله ريجيم العوضي سنتر
وعقبها هالريجيم
ابي اصير رييييييشة

والحين اخليكم بروح اكمل قهوتي الصباحية
تشاااااو

 

[Dancing^Queen]

مشاركة: بنت الكويت بليز تعالي شوفي هالريجيم

طفوقه هذا مورجيم هذا اختبارات اكل يعني تذواقه اكل
شنو اقعدد علي ربع دجاجه
هذا لو اتسوينه اسبوع تنسعرين عقبها اسبوعين علي الاكل وتمتنين
وايد تجوويع

 

[كويتية أمورة]

مشاركة: بنت الكويت بليز تعالي شوفي هالريجيم

احم احم اولا انا امورة مو طفوقة

ثانيا انا على علبالي نفسج جذي انه بموت يوع وحالتي حاله
بس لما سويت ريجيم سالي الدهان اللي كله يحطونه بالجميلة 3 ايام
غداي تونة وتوسته محمصة
وعشاي جزر وفاصوليا مفيوحين
وريوقي توسته مع زبدة فول سوداني وشاي
انا قلت بموت يوع بس لما سويته عااااااادي ولا حسيت بشي

والحين بعد ريجيم طالب غداي روب وهمبرغرة وعشاي برتقاله عذبتي حاله خخخخخخخخخخ
والحمدالله ماشية تمام التمام
عاد قولي ماشاء الله لاتصكيني عين
خمسة وخميسة

انا شايفة اني من بديت امشي ماقمت ايوع
قبل بلاعة امشي وابلع وانام واطالع تلفزيون الحين الحمدالله حتى مااحس اني كل شوي بنام نفس قبل

 

[xxx]

مشاركة: بنت الكويت بليز تعالي شوفي هالريجيم

هلا امورة

هالرجيم من محمد ربيع مو كيميائي

بس ما اذكر سالفة النزول لانه من زمااااااااااااااان

وان شاءالله تقدرين عليه عقب رجيم طالب لان معدتج تعودت على الرجيم


عسى الله يوفقج ولا يخيب التعب

 

[أنا وين ؟؟]

مشاركة: بنت الكويت بليز تعالي شوفي هالريجيم

طفوقه هذا مورجيم هذا اختبارات اكل يعني تذواقه اكل

ههههههههه كوين عجبتني


انا قلت باشوف يمكن يصلح لي ... بس طلع لأ

هالنوعيه من الرجيم تخليني استعسر



موفقه اموره

 

[jolie_q8]

مشاركة: بنت الكويت بليز تعالي شوفي هالريجيم

هالرجيم نزلت عليه 3باسبوع

واختي انزلت 4 باسبوع

توكلي على الله وسويه

بس على حسب وزنج يعني اذا مافيج زود ..ينزلج 2 يمكن

 

[كويتية أمورة]

مشاركة: بنت الكويت بليز تعالي شوفي هالريجيم

مشكورة بنت الكويت ماقصرتي
انا الحين ماشية على ريجيم طالب بالمسسسسسسسطرة بالضبط
ان شاء الله لاخلصت منه اسوي ياريجيم العوضي سنتر او هذا


انا وين هلا والله حياج
انا لاني مصممة انزل وزني فمايهمني شنو الريجيم المهم مو كيميائي بس حتى لو لقمة وحدة باليوم راضية مدام ينزل وزني



جولي هلا والله
مشكورة حبيبتي عالمعلومة بس انا بنزل وايد
الحين وزني 70 ابيه يصير 56
ان شاء الله ينزلني مثلكم 3 ولا 4 كيلو وناسة

 

[كويتية أمورة]

مشاركة: بنت الكويت بليز تعالي شوفي هالريجيم

لقيت الموضوع بحواء ميرسي بنوته
وفعلا ينزل 4 كيلو وحتى هذا ريجيم بنت عمج صح؟؟؟
بس حسافة ماراحت يابت ريجيم الاسبوع الثاني
فراح اخليه اخر شي
بسوي ريجيم العوضي سنتر اسبوعين ان شاء الله وعقبه هالريجيم

 

[ظلال القرآن]

مشاركة: بنت الكويت بليز تعالي شوفي هالريجيم

موحلو

احسن ليش تقولين ملاقيف

 

[al7anona]

مشاركة: بنت الكويت بليز تعالي شوفي هالريجيم

خوووووووش رجيم
مشكورة

 

[xxx]

مشاركة: بنت الكويت بليز تعالي شوفي هالريجيم

ايييييييييييييي رجيم بنت عمي

اقول انا ما اتذكره

اي راحت مره وهونت بس ترى شكله عجيب

عموما رجيمات ربيع كلها تنزل الوزن بسرعه

 

[كويتية أمورة]

مشاركة: بنت الكويت بليز تعالي شوفي هالريجيم

ظلال القرآن خخخخخخخخخخ شفيج صايرةانا امشي واحبط الناس اذا ماعجبني كلامهم
عموما انا قلت حياكم الله تعالوا تطمشوا

شمعة الحب الشكر لبنت الكويت على الريجيمات الحلوة



بنت الكويت حياج الله انا افتريت بموضوعج كله ادور الاسبوع الثاني مالقيته اثاري بنت عمج كسلانه ماراحت الدكتور!!! بذبحها

 

[xxx]

مشاركة: بنت الكويت بليز تعالي شوفي هالريجيم

عاد شدعوه ربيع بيغير لها شي

نفس الرجيمات

 

[كويتية أمورة]

مشاركة: بنت الكويت بليز تعالي شوفي هالريجيم

يالله انا الحين تقريبا خلصت اول اسبوع من ريجيم طالب باقيلي اسبوع ثاني واخذ بريك واسوي هالريجيم
بس تعالي شكثر اخذ بريك جم يوم؟؟؟ مابي وايد واتعود عالبلعه