بنت الرياض طالبه فزعتكم قبل الخميس

[شادن-1]

انا يابنات ابي فكره حلوه لخفلة نجاح لبنات 7سنوات و11سنه ولد 15سنه هم اللي بنسويلهم الحفلة في البيت بس يكون العائله بس وابي يعني منكم طريقة اللبس الحفلة وش يكون والكيك والتجهيزات والحلويات كيف نسويها الأناشيد كل شي يختص بالحفلة ابي منكم الاقترحات والمساعدة وياليت بالصور اذا كان موجود ومشكورين

 

[شادن-1]

وينكم يا بنات الكويت

 

[شقا دنيا]

انا اقول اكشخو كانكم رايحين حفله وميك اب وسوو هدايا للناجحين كل واحد على حسب سنه واطلبي كيكه من سعد الدين واطبعي عليه صورهم واذا عندكم جهال صغار لاتنسونهم هم بعد سوولهم هدايا من ابو ريالين تحصلينها واشتري جراغيات واللي يحطونه بالحفلات ماعرف اسمه يطلع العاب ناريه وحطو اغاني وارقصو واذا كانت الجمعه عائليه العبو واستعبطو على بعض والله وناسه وان شاءالله اكون افدتج

 

[سلاسل ذهبيه]

اجزو كيك مكتوب على الكيك مبروك نجاح فلان عددهم وباساميهم وهدايا لهم وهدايا للحضور وسوو مسابقات بينكم واللي يجاوب تعطونه هديه ومو شرط الاسئله ثقافيه كلها لا خليها منوعه

 

[E7baiba]

مثل ما تفضلو البنات
كل كلامهم حلو
و الواضح بما إنج أم مهتمه لعيالها و تشجيعهم
هذا دليل على اهتمامج في بيتج و مرتبه و حريصه
و بعد دليل على ظهور الحفله بشكل حلو و ممتع للأطفال و الكبار الحاضرين
و عشان جذي لا بد إن تكون الحفله مرتبه
( يعني الابتعاد عن شغل الهلاقه )
لذلك
أولا : خططي شنو بتسوين :
١- عدد الأفراد المعزومين
٢- المكان اللي بتسوين فيه الحفله
٣- حجز الكيكه مبكرا على الأقل يومين قبل الحفله
٤- الوقت ( حلاته بعد الأذان و قبل ١١ ) ( عشان ظروف المعزومين تعب - دوام - ريل ناطر بالبيت ) ههههه

ثانيا : التخطيط للمشتريات :
١- أحلى شي يونس اليهال و يوخر الملل عن الكبار أهو المسابقات
يكون عدد المسابقات من ٣ إلى ٤ بسيطه و ما تكون مكلفه
فيها وناسه للأطفال و تشويق للكبار ( و الألعاب للفايزين من ٢٥٠ فلس لي الدينار

٢- ألعاب و دفاتر تلوين و جراقيات صغار
و ألعاب تونس للبنات شي و الصبيان شي
من طيور الجنه بحولي

٣- سعر الكيكه

٤- ورق عنب و معجنات و سمبوسه و حلويات
و القهوه و الشاي و بطولة الماي

٥- ديكور البيت ( تفافيخ و زينه و حلاته بعد قلاصات عيد ميلاد العصير و صحون عيد ميلاد )

٦- سي دي للأغاني لهذه المناسبه و إذا كلش كلش أغاني يهالو

و الباجي عليج أتمنى أكون فدتج و أكيد نسيت بعض الأشياء

و صج لا تنسين تدقين عالمعزومين وحده وحده عشان لا يزعلون و قبل الحفله بيومين يعني يوم الثلاثا
و حاولي اشتريت من الحين عشان وقتها ما تحاتين

 

[E7baiba]

آسفه عالبدليات
و لا تنسين تجهزين ملابس عيالج و شبابيصهم و جواتيهم
إذا بيتج سيراميك
وناسه شوقتيني عزميني و بطولة الماي علي
ههههه
أدري ويهي منجب أتغشمر معاج و مبروك على نجاح عيالج و منها للأعلى
انشالله تفرحين و اهم خريجين جامعه

 

[شادن-1]

الله يباركم فيكم وعقبال ما تسون لعيالكم راح اسوي اللي تقولون عليه بس عندي طلب بما اني طماعه ببنات الكويت في ذواقهم الحلو ابي صورلبس الاطفال للحفلة وكيف يكون شخصيتهم لان البنت الصغيرة شعرها طويل وكثير ومجعد يعني متعب شوي والكبيره شعرها طويل بس لأناعم ولا خشن بس من النوعية الشعور اللي تنتفش ابي تسريحه مناسبه لسنها واللبس كيف اللبسها
ابي صور فساتين لهم ومن المعزيم يمكن مانادي احد بس الاهل حبيت اسوي الحفلة عشان اشجعهم وعشان البنت الصغيره عشانها اول سنه لها وشكرا

 

[AyO0N 3ZOZ]

يـــــــــــــــــــــــــــــــــــــــــــــــــاحبني للهالحركات مووووت فيهاا اصبري بجمع الصور لك واكتبلك بالترتيب

 

[شادن-1]

الله يجزاك خير تكفين لأني محتاجة افكار

 

[AyO0N 3ZOZ]

اول شي الكروت

جيبي ورق ملون مقوى وقصيه مربع واطوية واربطيه بشريطه عريضة بس خلي الالوان ماتكون وردي او ازرق خليها تكونبناتيه ولاديه عشان مايزعلون
مثل كيذا

اللحين لبسهم انا عندي تلبسينهم تي شيرت كشخه وبرموده وتزبطين شعورهم

والبنت يالبــــى قلبها >>>>>>>>تموووووت بالبنات

لبسيها تي شير اوبدي مع هالتنورة فصليها اليووووووم مايبلها شغل ولا اقولك انا شايفتها عند كليرز عاد تجننننننن

 

[AyO0N 3ZOZ]

نجي لترتيب الحفله اذا عندكم حوش حلو واذا عندك مصاله كبيرة حلوو بس حاولي انها تكون فاضيه شوي

حطي طاولة كبيرة على جنب وحطي عليها قماش فاقع فسفوري انا سويت وحطيت شرايط فوووشي
وحطي وارى الطاوله مثل كيذا واكتبي عليها اسماءهم

وحطي عليها الاكواب والقاتوهات والفوشار وحطيفازات مليها مالتيزر والثانيه ام اند امز وحطي نافورة شوكلاه
وبجنبها حطي فريز وهذا حلاو القطن حطيهم بااعواد شوي وبفازة كبيررررة

اشتري الاكواب والصحون تلاقينها عند محلات الالعاب حقت الاطفال ومناديل



واملي البيت بالوناااااات خليها منفوخه بغاز موب هوا عشان تكون وآقفه

 

[AyO0N 3ZOZ]

التوزيعــــات

جيبي كل انوع الحلوياتحقاتالاطفال وشوفي هالافكار

 

[AyO0N 3ZOZ]

القاتوهات

 

[AyO0N 3ZOZ]

وياااااااااااااااااااااااااااارب اكون افدتك
وتتهنو بالحفله

 

[شادن-1]

الله يجزاك خير ما قصرتي

 

[شوق@ذوق]

ماشاء الله عليج يــ ayoon 3zoz كفيتى ووفيتى