بنتي و الحليب : (

[STILL G L A M ~]

السلام عليكم :eh_s(7):


بنات بنتي ماتشرب حليب تلف ويها عنه
واذا عطيتها عصير تشرب بس شوي
عمرها 7 اشهر ماتقعد ولا تحبي
بس تقولب جهه وحده وتقعد اذا انا مسكتها
اذا نامت تشد رقبتها حيل لي ورا وتنام ..
شسوووي بنات قولولي وايد ضعيفه
شنو بهالعمر تااكل ؟؟؟؟ وجم ملعقه مفروض تاكل بالوجبه الوحده؟؟

رحت لاكثر من دكتور بخصوص الوزن يقولون عادي وزنها 6 كيلو واهيا ب7 اشهر وتمشي ب8 جذابين
البنت جنها ام شهرين والله العظيم نتفه حدهاا
يمكن احد مر بنفس التجربه :bbbiu: فيدوني

حليبها سميلاك غين ووايد مرتاحه عليه بس ماتشرب تعض المصاصه مالت المميا اذا بشربها حليب :rgewrg:


.​

 

[english muffin]

حبيبتي 7 اشهر كبيرة يعني ماشاء االله المفروض تاكل عادي
ماتعطينها ولاشي ؟ سيريلاك وهالسوالف؟

اذا تبينها تمتن عطيها بطاط خليه في الماي مدة طويلة حق يصير لين
عقب خلطيه في الخلاطة و حطي معاه نتتتتتتتفة زبدة او ماجي وعطيها اياه بتحبه

 

[english muffin]

نسيت اقول
اهي الحين 7 اشهر وماتشرب حليب وماتاكل عدل عشان جذي ضعيفة
المفروض تاكل 3 وجبات في اليوم خلاص

 

[نـعـومـه]

كلش كلش ماتشرب ولا تشرب شويه !!؟؟؟

انا بعد بنتي ضعيفونه وزنها ٧ ونص واهيه ٩ شهور عمرها !! واوكلها حتى اذا سكرت حلجها اسوي روحي بعطيها مصاصه تفج حلجها وادخل لقمه ههههه

لازم تاكل ٣ وجبات ريوق غدا عشا

وعن القعده والحبي عادي يمكن فجأه تقعد وتحبي مره وحده

 

[جذابه بنت ذيابه]

مفروض توكلينها


اهرسي لها ابطاط تاكله
و الغدا عيش وبطاط وكوسه او روب مع العيش
والعشا بطاط مفيوح وسوي لها بين الوجبات منقوع التمر والصبح شربيها استكانة عصير برتقال

 

[english muffin]

اهي مب صغيره حق منقوع التمر اختي

عطيها في المصاصة الي اخرتها مثل شاش وتحطين فيه اكل
حطي لها تمرة وخل تاكلها