بنتي وبنت صفها ال...

[عادت ذكرياتي]

الله يحفظ بنتج ما ادري انصدمت من الحجي

 

[دهن_العود]

قوه حبيبتي هنا لبنات صح مؤ متربيت أنا بنتي واحده معاها بصف قالت لها اذبتطلعين مع امج حطي فوط صحيه الويز او لبسي تيشرت اصغير سألتها بنتي ليش. قالت علشان الشباب اذشافوج يكون مالج كبير او بارز بنتي لما قالتلي ان صدمت اوقلتلها ان كلامهاغلط وما يصير وقعدت أتكلم مع بنتي كأني صديقتها والحمد الله بنتي فاتحه لي قلبها أنا أنصحك ابلغني الادارة وتكلمين الاخصائيه بس حاولي ما يعرفون اسم ينتج سبحان الله تحقد عليها أوشي وينتج كوني صديقتها مؤ أمها لان اسلوب الام به الزمان ما ينفع تقبلي اي شي تقوله وإنشاء الله اكون فدتج وطمنيني

 

[دلوعة أبوهآ]

الله يهديهآ

انتبهي ع بنتك منهآ


آلصآحب سآحب : )

 

[انونا]

حبيبتي اول شي الله يستر عليها ويهديها يارب

شوفي اهم شي بنتج وتربيتج ......> اذا انتي مربيتها صح انسي راح تنجرف باذن الله لو حتن انجرفت مردها بترد وسمله عليها من الانجراف
مايت قالتلج الا في شي غلط ومستنكره عقله بس عقلها مو راضي يترجملها هالشي فانتي بدورج فهميها قوليله بس ابسلوب حلو بامثله علشان تقدر تستوعب وتتفهم قعدي نفس ما الخوات قالولج ان هذي صديقتج بس لا تستخدمين اسلوب الممنوع كل شي ممنوع مرغوب ترا باجر بتشوف نماين العن من جذي بحياتي الي مخدرات او كحول ووووووووووو الدنيا كل ماله اتصير اتخرع ولو بعدتيها عنها ما تقدرين تبعدين عنها الي بالمستقبل


والله يحفظلج اياها ويخليلج اياها

 

[مزاج عنزيه]

،'




الله يسستر علينـآا وعليـهاآا يَ ـآا رب
وآهـم شـي بنتـج ؛ لآ تتدخلين فيها وولاتروحين
إداره ولاشي ،، دام بنتج تكلمت وقالت الحمد لله
يعني عارفتها إن هالبنت كلها غلط وإنتي حاولي
تبعدينها عنها ، ومثل ماقلتي بنتج بعاشر يعني
فاهمه وعارفه الصح من الخطآا إنتي حذريهآا ومنها
وخلج مراقبتها من بعيد لي بعيد والله يبعدها
عنها إن ششاء الله ....؛




-

​

 

[دنيا جديدة]

غيري صف بنتج مافي غغير هالحل
وكل يوم استودعي بنتج
الله يحفظها

 

[دمعة وفاء]

حبيبتي روحي بلغي الاخصائية ، موشرط تعطينهم اسم البنية عشان خوفج تعرف انه بنتج اللي قايله عنها ,, بس فكريلج بطريقة وونصحي بنتج توخر عنها ,,

انا اللي اعرفه اللي متزوجة تروح مسائي ماتقعد مع باقي الطالبات !!

 

[عاشقة هواك]

البنات ماقصروا

 

[granted]

بلغي الاداره ترى هذيلا يخربون البنات اهم بسن اي شي يتعلقون فيه يمكن تخربالصف كله وجريئه
لا زم يحولونها مسائي ولا انتساب ان امكن بعد بس جذي مصيبه والله صج ماتستحي تفاخر عند البنات ويع سواد ويه

 

[عزة وكبرياء]

الله يهديهآ

انتبهي ع بنتك منهآ


آلصآحب سآحب : )

نفس كلامي اللي كنت بقوله شوفي حبيبتي بلغي الادارة ودايما كوني قريبة من بنتج وحاولي تعرفين عنها كل شي باسلوب حلو ودايما نبهيها وعلميها الصح من الغلط والثقة بالنفس لا تخاف من رفيجاتها وتنحرج خلها قوية ولها شخصية جدامهم ولما يتكلون كلام موزين تتركهم لا تقعد معاهم

 

[غـرامـي أنـت]

لازم تبلغيييين الاداره عليهااا

وبعدييين بنتك لا تخلينها انقليها من المدرسه احسن

 

[مسك حياتي]

احسن شي تروحين بنفسج و تحاجين الاخصائيه الاجتماعيه تتفاهم مع البنت

الله يهديها و يكفي البنات شرها

 

[khawla&tito]

نصييييييييييييييييييييييييييحه انقلي بنتج لمدرسه ثانيه وخليج دايم معاها

لو بلغتي بتحقد ع بنتج

 

[سوزي الشرقية]

مشكلة ولله بلغي عنها الاداريات في المدرسة يشوفو ليها حل هذه اكيد بتخرب البنات الصف كلهم ومشكلة تقولي بنتش عليها اثار في رقبتها يعني الأمر موسهل تسكتي عنه وفرضا قلنا انها البنت متزوجهـــ وتقول هالكلام للبنات ان الشباب يصرفون عليها طيبــ..هذه وين زوجهاعنها؟وين اهلها عنها؟بصراحة البنات هالايام خراب خصوصا في المدرســــ..بس الأمر ماينسكت عنهــ..

 

[شباصـه فرنسيــه]

مااتوقع الاداره راح تسووي شئ بس بيخلونها تكتب تعهد وخلاص
انقلي بنتكك من المدرسهه احسن لككِ
والله يحفظهاا لككِ

 

[مهندسة الابيات]

حياتي روحي كلمي الاداره لان هذي والعياذ بالله تفتخر بسواد ويهها

ما اقول الا الله يهديها

بنتج اسم الله عليها حلوو انها قالت لج وصارحتج بس خليها تصير نبيه وتعرف الفرق بين البنت المحترمة و غيره وترى الصاحب ساحب

 

[^LILY^]

خليها تجرب الحياة وتصادقها وتنصحها وبالوقت المناسب تدخلي وحاولي تنظمين الامور

استغفر الله شتجرب الحياه اختي الفاضله وين تجرب الحياه وين قاعدين
هذي نصيحه ؟؟؟

ارجوووووج قل خيرا او اصمت !

 

[!! دلوعته !!]

اب اب

 

[فـــخـــر]

روحي بلغيهم انها متزوجه [ اذا هي صاجه ] ع طوول بيحولونها مسائي

 

[Uou0Uo]

حبيبتي انا لي وجهة نظر واتمنى تقبلينها بصدر رحب مبين عليك ام فاهمة ومتعلمة والدليل عارفة مصلحة بنتك طيب البنت هذي بالتاكيد تجهل اشياء كثيرة طيب ويمكن اهلها كمان جاهلين يمكن تالف قصص ومومتزوجة ويمكن متزوجة بس اللي يسوي هالاشياء دليل نقص الوازع الديني وبعدة نقص الرقابة والحنان الاسري طيب ليش نجي حنا والدنيا عليها ليش مانوجهها ونكسب اجر لو انا وانتي وفلانة وعلانة شفنا وسمعنا مثل هالاشياء وتعاملنا معها بشدة وحرب ونقلنا البنت وفضحناها عند الادارة ايش راح نستفيد يمكن ماراح تسوي هالشي بالمدرسة بس عندها فرص خارج المدرسة انا اقول حاولي من بنتك تجيب رقمها وانتي عامليها كانها بنتك واكيد النصيحة بتطلع من قلبك وقولي انا مابي اعلم الادارة لاني ماارضاها لبنتي ومن الكلام الحلو صدقيني بتتغير ان شاء الله للاحسن وبنتك وجههيه ان اللي تقولة هالبنت مو صحيح وقولي لها يا ماما انا اخذت رقمها علشان ابيها تكون مثل كل البنات عاقلات ومحترمات كل كلامي من تجربة مع وحدة متزوجة ولها علاقات مع الكلام الطيب اكثر من مرة وماياست وربي انها مكسرة الشريحة وتايبة وعرفت ان زوجها حارمها ابسط الحقوق واهلها الكل مشغول عنها واللحين انا صديقتها وافتخر باللي سويته معاها واعتبرة انجاز يعجز عنه الكثير تحياتي لك والله يصلح الاحوال