بنتي وايد ترجع شنو الحل !!!!!!!!!!

[نور بوبيان]

السلام عليكم ورحمة الله وبركاته:

بنتي داون وعمرها سنه وصار لها خمس شهور ترجع ترجيع (وانتو بالكرامه ) مثل الحنفيه


وديتها رويال حياة عند لولو بوشعبان قالت لي :

وزنها كل شهر يزيد ، وإدا رجعت (وانتوا بالكرامه ) عادي تلعب

وتضحك وماتنسدح فهدا مايخوف وإن شالله تكبر ويروح عنها ....

رحت الحكومه ونفس الكلام ....

رحت مستشفى الأمومه ... نفس الكلام ...

كرهت الطلعات بسبة الترجيع وتغيير الملابس ....

منو عندها طفل مثلها أو سمعت عن الحاله ومع الكبر تشافت.....

عسى ربي يشفيها ويشفي أولادكم ويحفظهم ...

 

[صلي على الرسول]

رد : بنتي وايد ترجع شنو الحل !!!!!!!!!!

انا بنتي من عمرها شهر وهي ترجع لين صار عمرها سنة وشهرين ولافيت بها كل الكويت علشان حد يعطيني سبب ما اعطوني
حتى سويت لها اشعة بالصبغة وبعدها توقف الترجيع
لكن سمعت دكتور يكون السبب بيكون التهاب في البول وماحد يدري سوي لبنتك دائما تحاليل بول ومزرعة بول
واذا طلع السبب التهاب في البول ومتكرر لازم تسوين لها اشعة على المثانة وسونار وكل التحاليل اللازمة علشان تتأكدي انها سليمة ومابها مشكلة بالكلية او اي شئ ثاني
الله يشفيها

 

[نور بوبيان]

يزاج الله خير وعسى ربي يشفي بنتج ويخليها لج ويحفظها ....

المفروض يسوولها تحاليل شامله لازم احنا نطلب ....مادري ليش ماقمنا نثق بالأطبا

إن شالله بتوكل على الله وأروح أسوي لها تحاليل

مشكوره ماقصرتي