بنتي والمشي والتسنيين بليىز ساعدوني

[ipink]

بنتي صار عمرها سنه وشهر تقريبا وللحين ماسننت ولا تمشي ولا فيها اثار تسنين تحن وتصارخ بس ماكو شي بلثتها ما ادري عادي هالشي ولا لا وشسوي وياها وماتمشي بعد بس يقولون عادي عالمشي بس التسنين شلونه؟؟

 

[غيـ الناس ـر]

الدكاتره يقولون طبيعي تفرق من ياهل لياهل .. يعني عندي ولد اخوي وبنت اختي بنفس العمر .. بنت اختي سننت قبله بفتتتتتتتتتتررررررررررررررره بس هو مشى قبلها

فعادي حبوبه ما اتوقع ان فيها مشاكل

 

[سلايل*عبس]

بنت اختي يالله على السنتين بدت تحرك قبلها كانت تمشي بس ملوله نادر ماشوفها تمشي وعلى اتسنين يالله طلعولها سنين وقعدواااا يمن سنتين تو يطلعون غيرهم لووول

عاد حبوبه لاتحاتين دام سالتي الدكتور وقال عادي

 

[tmtmt]

شفتي لا قالوا شوفي مصيبت غيرج تهون عليج مصيبتج
تعالي سمعي مصيبتي ههههههه

ما حبت الا يوم صار عمرها سنه و ١٠ ايام
والحين عمرها بتةقيعي شوفيه
سنه و ٤ شهور و ١٧ يوم
وما تمشي

بس تمسك الغنفات وتمشي اما بروحها لااااا ولا توقف خوافه
عادي ان شاءالله لا تحاتين

بس اسم الله عليها تكلمت بسرعه

 

[om Firas]

عادي حبيبتي لا تحاتين بس انتي حاولي تعطينها فتامين او كالسيوم
وان شالله مافي الا كل خير

 

[3rosa]

حياتي بنوكه عادي مثل ما قلت لج هذا طبيعي في ناس مشوا على سن سنتين

وطبيعي يختلف من يا هل ليه ياهل واذا تخاتين وديها الطبيب علشان تطمنين اكثر

 

[miss_Ba6oOo6a]

عادي ماله شغل الحنه دليل ان بتسنن انا بنتي بس تحن لا صخونه ولا شي وعرفت ان ضرسها طلع من شربتها بقلاص زجاج سمعت صوته لووووووووووول
ومو شرط من ياهل ليه ياهل يفرق انا بنتي يايه قبل وقتها بوايد 28 اسبوع والمفروض تتاخر بكل شي ومعاي وحده من اهل ريلي ولدت مع بنتي اهي كامله بس بنتي سننت قبلها بس الثانيه كلامها وشكلها غيير والثنتين ما مشوو ليلحين مو شرط الياهل عادي انا الحين بنتي سنه وشهرين تمسك شي وتتحرك وتوقف نفسها بس تخاف تمشي لا تحاتين والدكتور قالي الي يسنن قبل يتاخر بالمشي

 

[om__jana]

بنوكه بنتي نفس بنتج الحين بتكمل السنه وماكو لا تسنين ولا مشت

 

[Om Ghalia]

بنتج ما تسنن وتمشي بنفس الوقت... اهي تسنن الحين.. انشاء الله تمشي بس تخلص تسنين.......

 

[حلوى البحرين]

الله يعينكم امهات اليهال

 

[آهات الليل]

بنتي الشهر الياي تكمل سنه لاسننت ولامشت ضاااااايق خلقي

توها تقلب على بطنها وجذي
يوم حامل فيها قالولي اهي اقل من عمرها باسبوعين يمكن هالشي ماثر عليها؟؟؟
يعنيمو بس انا حتى انوا تعانون نفسي

 

[mariam_q8]

لووول انا ولدي بيصير سنه و للحين حتى ما يحبي بس يزحف لوووووووول كل ياهل غير عن الثاني لا تحاتين

 

[أم حيدر]

أنا أفيدكم

بنتي هم حبت على عمر السنة تقريبا بس سننت مبجر

المهم كنت موديتها الدكتور عشان كانت مريضة

وطريتله موضوع التسنين والمشي

سألني ترضع طبيعي قلتله اي

قال الأطفال اللي يرضعون طبيعي بعضهم يتأخر بسبب ان الكالسيوم اللي بحليب الام اقل من الكالسيوم اللي بالحليب الصناعي - وهذا شي طبيعي جدا

عطاني تركيبة كالسيوم عبارة عن بودر وداخله قفشة صغير هي المعيار وقال كل يوم تحطين قفشة وحده ممسوحه لما بالحليب او العصير او مع السيريلاك

والحمدلله واااااايد ساعده مشت وسننت أكثر وهي عمرها سنة شهرين حاليا

اسمه Decalcit

 

[Anestazya]

غريبه اللي يسنن يتاخر بالمشي بس هي ماسننت يالله ان شالله تشوفينها تركض جدامج

 

[شووكولاته]

حبيبتي وديها للطبيب يشوفها يمكن عندها نقص فيامين دال

 

[ipink]

مشكورين عالنصصاييح وانشالله بوديها الطبيب واشوف

 

[StEllA]

اختي عادي المشي يتاخر بس التسنين ما يتاخر عن سنة و انا سالت دكتور عن التسنين قالي المفروض ما يتاخر عن السنة فوديها الطبيب احسن يفحصها لانه غالبا يكون نقص فيتامينات خاصة فيتامين د, و ما تشوف شر و تشوفينها امين تمشي و تركض و تاكل باسنانها و طمنينا عليها

 

[مـيـراس]

للي ما سننو ولا مشو نصيحة لوجه لله عطوهم فيتامين د