بنتي والكحه

[Om Noooono]

اذا الكحه بس باليل حساسيه
لازم يشوفها طبيب سنع يعالجها

انتبهي لايكون الحافها وفراشها عموما صوف اوكنبل او وبر
وابعدي عن البخور وبالذات المعمول والعطورات وريحة السجائر
والله يشافيها ويخليها لج

 

[superasmaa]

حبيبة قلبي ادري ان بنتج اكيد طابت بإذن الله الحين ..بس اذا حاشتها بعيد الشر الكحة المرة الياية ..طبعا لازم تحددين بالاول نوع الكحة..ناشفة او مع بلغم..اذا كانت كحة بلغم بيعطيها الدكتور بروسبان للكحة وديلانيل او اي موسع شعب هوائية ثانية مثل البريكانيل الخ الخ ..اما اذا كانت ناشفة فالاطفال بعمر طفلتج يعطونها اما سينكود او فلاتيل ..وبالعمر الاكبر احسن دوا هو الساكيسان..وفي دكاترة يعطون السين كود مع البروسبان اذا حسوا ان الكحة مختلطة ..يعني ناشفة من الحنجرة وبلغم من الصدر ..وفي حال وجود حرارة ياخذ الدكتور اشعة علشان يتأكد انه ما في التهاب في الصدر ..واذا كان في التهاب يوصفون للطفل مضاد حيوي على الاغلب هو الكلاسيد او اي مضاد فيه نفس المادة الفعالة في الكلاسيد ..وتمنياتي بالشفاء لجميع الصغار والكبار بإذن الله

 

[Diva-Q8]

اذا ماخفت الكحه على علاج الدكتوره لا تجربين فيها ادويه من عندك

وديها عيادة سناء معروف دخلتها اب 10 على ما اذكر كل الدكاتره اللي عندها شطار حق المواليد

او اذا ميزانيتك منيحه وديها عند دكتور محمد سعيد دخلته 30 دينار بس ماترجعين له ابدا

ولا تجازفين عند غيرهم صراحه عن تجربه

 

[(المباركيه)]

ان شاالله مافيها شي
بس لازم تفحصين اذن الطفل اذا جاته كحه
لان التهاب الاذن مسبب للكحه
انا بنتي ماتت من الكحه كل شي عطوها اياه حتى الكمام
وما عرف علتها الا سعد البصيري الله يجزاها خير
طلع فيها التهاب بالاذن والحمدالله مع العلاج اختفت الكحه