بنتي والحجاب

[أم@الحلوين]

الله يحفهاا لج يارب

تلاقين قمصان عند الارجوان بالسالميه وعندج الافنيوز فوق كله مال بنات بسنهاا حتى h&m

 

[ZajiL]

ماشاء الله تبارك الرحمن الله يحفظها لج يارب ويصلحها بالدنيا والاخره
ونعمه التربيه والله

حجبيها ولاتترددين وان شاء الله حتى لو مالقيتي حاولي تفصلين لها بنتج معدنها نضييف وامشي على رايها قبل لاتروح سادس
ويخربونها بنات المتوسط

 

[ليمار الكويت]

الله يهديها
حياتي ان شاء الله يثبتها على الحجاب وانشالله تشوفينها عرووس

 

[هالة الصباح]

الله يوفقها مشاء الله عليها حبوبة بنت أختي بروحة قالت بلبس عباية راس وحجاب ولبنالها طلبها وماشاء الله تاج على روس البنات خوش بنت الله يخليها حق أهلها ويطرح فيها البركة \

شجعي بنتج على الحشمة تراه وقار وعز ثقل لبنتج الله يهدي باجي البنات يالله

 

[=Hope=]

السلام عليكم =)

ما شا الله عالبركة مقدمًا .. و باركي لبنتج نيابة عني حدي حبيتها ما شا الله هذي البنت السنعة الله يثبتها :*
صراحة بنتج يبيلها كيكة و هدية الحجاب =) وناسة ما شا الله :* تستاهل ..


الأماكن مثل ما قالوا خواتي :

H&M
أنوتا
المارينا مول تلقين فيه شغلات
zara

:

و دعواااااتج يا رب يهدي اختي و يحببها في الحجاب السنع و تتحجب قريب يااااا رب ياااا رب دعواتكم عفية

 

[asOola_21]

مبروووك والله يهديها ويثبتها .. انا حماتي لصغيره (اخت زوجي) عمرها 9سنين وتوها تحجبت ، والصراحه انا قلت حق خالتي باخذها السوق نشتري لها ملابس ومن رايي لا تاخذين لها اشياء وايد غاليه حرام لأنها بسن قاعده تكبر مو نفسنا ثابتين ف روحي ماكس و رد تاغ وسنتربوينت وااايد عندهم شغلات حلوه وتصلح لها وحتى بدال الجينزات في بنطلونات الينن الباردين حق الصيف وشكلهم احلى من السكيني على البنات الصغار وبالنسبه حق الشيلات سيتي سنتر في اشياء حلوه ورخيصة اتمنى اكون فدتج حبيبتي

 

[اللمسة المخملية]

الف مبرووووووووووووك الله يهديها ويوفقها ويثبتها على طاعته..

بالنسبة للمحلات عندج زارا، Bhs ، ليمتيد توو ، سنتربوينت، رد تاغ ، H&M
وتقدرين تخيطين لها الموديل اللي تبيه..

 

[سيدة الذوق]

مبرووك اول شي
وصج هالسن يحير امي دايما تقول هالسن صعب تلقين لهم ملابس خصوصا المتحجبه

روحي بلوكات واخذي لها خامات قطن حلوه وبارده والوانهم فرايحيه وركبي عليهم كلف سوالف كيوت

ورحي خياط وخيطي وفكي عمرج
وبالسوق اشتري لها بنطرونات وحجابات

هذا اللي اسويه لخواتي اعماره 12و10واركب عليهم زراير وبروشات يطلعون شي ولا اشتري جوخ وخلي الخياط يركبلهم علي شكل ورد

 

[LuLiTa]

اتش اند ام عندهم شغلااات حلوة حق اللي جسمهم ناااعم ,,,,

 

[@ فدك @]

مشالله عليهاا

بس بس حابه اقول حق اللي تقولج لبسيها عبايه ؟ نعم ؟ وين قاعدين اي قرن؟ بروحها ياهل وعمرها 11 سنه وبتتحجب و تلبس عبايه شحقه ؟؟

توها ياهل حق العبايه وبعدين انتو الكبار لبسو بعدين لبسو اليهال هذي ياهل بتشوف غيرها يلبس و يكشخ و اهيه عبايه اكيد بتكره الحجاب والعبايه

وخل تطلع واهيه لابسه هدوم مو عبايه شهالتخلف بنت ياهل تطلع لابسه عبايه لييش وقلنا انها بتكشخ وتلبس عند اهلها وبالزوارات بس مو معناته تلبس عبايه لمن تطلع !! العبايه حق عزاا او اذا تبي تروح طبييب ومالها خلق تبدل او تبي تروح عرس بس لابسه هدوم قصيره تحتها و اتوقع الحين الناس قامت تلبس جاكيتات طواال بدال العبايه لمن يروحون العرس

خليها تلبس سكني بس مو عاد الضيج اللي بالغضب يدش وخليها تلبس الوان تونس والبلايز على مقاسها يعني لا وسيع ولاضيج

من ناحيه البديات ما اعرف بس الشيلات اي اكو محل يبيع شيلات موسكينو وعلى باباي بالمرينا يكون يمكن يم فافافوم هذول يونسون حدهم والوانهم تشوق

العبايه صارت تخلف ..

والله عيب هالحجي ..

الناس هاليومين ماتبي الستر اعوذ بالله منكم ..

العبايه وقار وحشمه للبنت ميخالف تلبس لبس محتشم وفوقه عبايه شيصير يعني ..؟

الله يهديج يارب

 

[daloola]

ماشالله
جنها بنتي تحن بس انا مأجله الموضوع شوي خل تكبر وتروح المتوسطة

مجمع النقرة عندهم سوالف حلوة

 

[om al ghaleen]

الف مبروك لحجابها " وانا احب اشجع البنات على الالتزام بالحجااب
وحتى لو تقولج بلبس عبايه لبسيها
اهنيج على التربيه الحلوه ماشاء الله

وماقصروا البنات

 

[Tangled]

لا اله الا الله ما شاء الله الله يثبتها ويثبتنا على دينه والله يبلغج فيها يا قلبي

شوفي انا اختي بنتها اسمالله عليها نفس الحالة فلما تحجبت بنتها قامت ترهم لها شي جاهز وشي خياط لأن مو دايما تلقى لها شي كامل يعني بنطرون يلايق عالقميص

الحين اسمالله عليها جسمها تغير قامت تلبسها مقاس سمول ولا 12 انجليزي عشان يصير راهي عليها وتلاقي بهالمحلات دبنهامز عندج مانغو واصلا مانغو حق الضعاف بشكل عام اغلبه حق الضعاف وعندج زارا عندج محلات بو خمسة في سيتي سنتر وكويت ماجيك تحصلين ليه دورتي والله يوفقج يارب

 

[عهود الحب]

انا محجبة بنتي من سن رابعة ابتدائي
واهي الي طلبت واصرت وكانت تلح علي ولبستها
وماتندمت ابدا
الحمدلله البنت ثقل وعقل وتكانة بسم الله عليها ماشاءالله والله الحافظ
ولما تحجبت كبرت بعيون الكل وكانت رزة الكل رازها والبنوتات يغارون منها
وملابسها كنت اشكل لها
من كل صوب اشتري لها
بالاول تعبت بس بعدين عرفت وين احصل لها اشكال وانواع

عندج سوق السالمية الاحمر تلاقين فيه بعد شغلات
والنقرة الجنوبي
وزارا ونكست على قولتهم
وعندج ماركس سبنسر
وتلاقين حسب طلبج وميزانيتج


حتى المباركية تحصلين فيها دراريع على قياسها
وفاشن ميل بالفروانية تحصلين لها دراريع عشان عيال اختي واللي مومحارم خصوصا انها حيل تستحي وملتزمة

واللحين افصل لها دراريع معاي
وهي حيل كاشخة بعمرها
وشريت لها مرة عباية كتف من الجاهز ومعاها ملفعها من فاشن ميل
والله كد ومد والحمدلله تهبل عليها
ولما ملت منها شريت لها عباية فراشة على قصة حلوة تلبسها لي راحت جمعية ولا شي جي ومالها خلق تكشخ


شحلات البنات
فال بنتج الستر يارب
ومو صغيرة
سوي لها حفلة حجاب خل تستانس بعمرها وتغيرون جو

 

[عهود الحب]

نسيت اقولج تلاقين عند اتش اند ام
و ليميتيد تو
ونيو لوك < جنه اسمه جي
انا ما اركز عالاسامي
بس بالنقرة الجنوبي انا لقيت شغلات احلى
وحسب ذوقج ترى المسألة مسألة ذوق