بنتي والتهاب الأذن الوسطى

[فلافل وبطاط]

الله يعطيكم العافيه يا أمهات ويعينكم وانا على تربية عيالنا
بنتي عمرها 7شهور وملاحظه عليها اتحك اذنها بشكل غريب
وايد تبجي وتشرق بالرضاعه ، وديتها المستوصف قال الاذن ملتهبه وانفلونزا
عطاني ادول ومضاد هايموكس وقطرة خشم لمدة 5 ايام
بس مافي أي تحسن ، زادت حالتها لدرجة انها تفرك أذانيها الثنتين والويه واتشد شعرها حيل
خذيتها امس الظهر مستشفى الهادي قسم اذن وحنجره دكتوره ديبا هنديه دخلت وشرحت الوضع
افحصتها وعطتني لها مضاد سبراكس لمدة 10 ايام وقطرة انف اوتريفين
وقالت هذا التهاب بالاذن الوسطى وكاسره خاطري بنتي وخايفه عليها

 

[ام التاريخ]

الله يشفيها ويعينج شوفي دكتور محمد سعيد زين

 

[@الياسمين@]

الله يشافيها انشالله
حبيبتي يمكن عشان التسنين
وترى التهاب الاذن شائع عند الاطفال لا تخافين شوفيلج دكتور زين
ونصيحه لاتعطين مضادات اذا الحاله شي بسيط

 

[@ام يوسف@]

رد : رد: بنتي والتهاب الأذن الوسطى

اب اب اب

 

[الأميرة كيرارا]

الله يشافيها يارب
معظم الأطفال يصيبهم إالتهاب إذن
أدوية المستوصف ما منها فايدة
بس إنشالله المضاد اليديد ينفعها
بس المهم لما ترضعينها الحليب رفعي راسه
حطي تحت راسها مخدتين
عشان لا يرجع الحليب على إذنها

 

[afrah2010]

رد : بنتي والتهاب الأذن الوسطى

سلامتها انشالله أنا ابني عانى كتير من التهاب إذن وبشكل مستمر من عمر شهرين لغاية اليوم كل شهرين يتكرر عنده رحت كذا دكتور خاص ومن مستوصف لمبارك لصباح بطوارئ انف وأذن كل واحد يقول كلام مختلف مرة عنده لحمية مرة التهاب بإذن بس يخلص ينزل ع الحلق ويزيد التهاب الخلاصة اللي تعلمته انه متابعتك لازم تكون مع دكتور واحد حتى يكون عارف للحاله وعارف العلاج الي ماخذه أنا فتت بدوامة مرة دكتور يعطيني دوا فيه كورتيزون عشان حساسية وانا مايعرف بس اروح دكتور تاني واقوله أخد هذا الدوا يقول حرام يوصف الدوا فاي علاج ليوصله اسالي عن مكوناته وسوي بحث عنه بنت وابني أخذ مضاد حيوي كتير رحت عند دكتورة خاصة بهدلتني قالتليانتي بتعدمين مناعة ابنك لان جسمها مابيقوم بوظيفته مستوصف ما عنده غير قطرات ومضاد وباندريكس الخلاصة ماتعطي مضاد الا لما تكون حرارتها بعيد الشر مرتفعة وما تنزل بالادول وفي نصايح لازم تابعيها لا يدخل ماي بإذنها وقت حمام حطي قطنة طفل يتعرض للبرد من استنشاقه ل هوا بارد حتى لو دقيقة وبعدين ظهور اسنان ليزيد احتمال التهاب إذن أنا أسفة طولت عليمي بس حبيت أفيدك كذا دكتور شاطر وأحسنهم مدثر حافظ انترناشينول كلينك رائع جداً بيعطيكي نصايح كتيبة وكمان محمد سعيد ب بو شهري منيح وشكرا. سلامااااات

 

[فلافل وبطاط]

الله يعطيكم العافيه والله ماقصرتوا
بعطيها العلاج لمدة ١٠ ايام وبشوف اذا ماياب نتيجه
بروح حق دكتور محمد
الله يحفظ عيالكم من كل شر

 

[ام فطوميي]

حبيبتي انتي شلون ترضعينها

 

[فلافل وبطاط]

للامانه ما رضعها رضاعه طبيعيه
ولما ارضعها ماترضا ترضع وهي منسدحه ترفع روحها تبي القعده

 

[اللؤلؤ والمرجان]

شوفي حبيبتي بنتي عمرها سنتين ودايما صدرها تعبان ومن دكتور لدكتور يفحصونها فحص كامل بس محد قال اذونها تعبانه
ذاك اليوم رحت لمحمد سعيد جان ينصدم من اذونها وقالي حرام عليج بنتج معاها التهاب مصاحبها لمده ماتقل عن 6شهور
مع انها ماتشكي منها وهذا احنا في الكورس الثاني من مرحلة العلاج والتخطيط بين ان في تحسن


وعلي عليهم مايشتكون
عسى ربي يشافيهم

 

[اللؤلؤ والمرجان]

شوفي حبيبتي بنتي عمرها سنتين ودايما صدرها تعبان ومن دكتور لدكتور يفحصونها فحص كامل بس محد قال اذونها تعبانه
ذاك اليوم رحت لمحمد سعيد جان ينصدم من اذونها وقالي حرام عليج بنتج معاها التهاب مصاحبها لمده ماتقل عن 6شهور
مع انها ماتشكي منها وهذا احنا في الكورس الثاني من مرحلة العلاج والتخطيط بين ان في تحسن


وعلي عليهم مايشتكون
عسى ربي يشافيهم

 

[فلافل وبطاط]

الله يعطيج العافيه ياقلبي
ويشافي عيالنا

 

[zlm]

هلا حياتي

شوفي انا اقولج عن دراستي وبحكم شغلي

التهاب الاذن يكون عدة اسباب ... ممكن يكون كثرة الشمع وتراكمها ( يعني ماتنظفين الاذن فا يتكود عندج الشمع وتلتهب)
ممكن يكون في سوائل بالاذن .. يعني قاعد ترضعين ومنسدح .. وهالشي غلط

مبدئيا يعطونج مضادات لمدة 10 ايام وبعدها يشوفون شنو يصير في حالة لا سمح الله ماتحسنت بعدها يصير تكملين علاج الاذن

بس ترى هالشي ضرووووري تهتمين فيه ولا تهملين حالتها لأن الاذن خطر عالياهل تضايقه


وانشالله مافيها الا العافيه

 

[@ دهن العود @]

نفس ولدى بالضبط وصرفله الدكتور نفس العلاج

 

[flower quen]

ماتشوف شر
استمري على العلاج وشوفي النتيجه
ونقطي لها شوية زيت زيتون بأذنها
جربته لبنتي وارتاحت عليه

 

[aṕriliå]

الله يشفيهااا

عادي اشوفه منتشر بعايلتنا