بنتي مو مترقعة.. معقولة اللي فيها عين..!! شوروا علي و طمنوني :(

[ليمون ونعناع]

بريق الماس قوي قلبج حبوبه
حساسيه الصدر من العطورات العربيه والبخور
انا ولدي اسم الله عليه نفس الشي كان يصير فيه بس يعلقون عليه ماينام باليل ويستعسر
تقول امي بهاعمر بسرعه اتحوشه العين
وظل ليم تسع شهور ماينام بالليل كنت اداوم ماادري اشلون اشتغل مااقدر اركز لان ولدي ماينام
لين الله هداني حق دكتور الله يجزيه كل الخير ويجزي منتدانا ان استضافوا ورحت له طياران لان ما ظل دكتور مارحت له وماعرفوا يريحونه فقلت مو خساره بولدي
طبيب شاطر بالحسايه والاكزيما روحي عند دكتور احمد الخباز وايد شاطر ويسوي اختبار للطفل الحمدلله والشكر من بعد الله وهالدكتور ولدي وايد طخ و قلت عسارته لان كان فيه حساسيه فماكان مرتاح انصحج ودي بنتج خل يشوف اذا فيها حساسيه او شي ويعطيج علاج كلش مو مكلف بس يريح البيبي

ولاتحاتين انشالله بيطلع لها شعر

و حاولي دايما تذكرين الله اذا يب طاري بنتج و الله يحفظها لج

 

[*kim*]

كل الاعراض اللي قلتيها صارت بعيالي حساسبه وصدر وشعر يطيح
بس هم مايمنع اخذ غسول اللي فزو فيها واقرا عليها واشغل قرأن بالليل لانامت والحرص واجب
والله يحفظ عيالنا من كل عين وشر

 

[hneen2]

اسم الله عليها عسي ربي يحفظها ان شالله مالها الا العافيه.



اقري عليها المعوذات. ودهني راسها شوي بزيت مقري عليه نقط مسحي. بيدج وحطيه علي راسها



وان شالله ربي يحفظها لج ويبلغج فيها عروس

 

[Alias]

اقري المعونات وتأكيد اذا ربك كاتب الشي ليصير حتى لو ترقين. وحاولي انج تشيلين الأوهام من راسج. لا تقولين بحسد وني قولي الله بيحفظني

 

[انسه^دراقه]

حبيبتي انتي بجر مو؟ اهم شي لا توسوسين وقبل ماتطلعين اقري عليها واذا احد فز فيها افري بقلبج عليها والاعراض اللي قلتيها تصير باي ياهل شي ورا شي بعد ماشفتي وقت التسنين انا كنت نفسج ببجري احاتي وابجي بس بعدين عرفت انه هذي ياهل وطبيعي كل اللي قلتيه يصير مناعتهم ضعيفه ومايتحملون وبالنسبه حق الشعر لاتحاتين عاادي لا توسوسين وانشالله ماكو الا العافيه وماعليها شر ياارب

 

[طيبة83]

طريقه تحصين الأطفال من العين والحسد

لاحظنا ان كثير من الامهات لاتعرفن طرق التحصين الصحيحه فبعض الامهات تقرا المعوذات الثلاث مرة واحده وتعتبر هكذا حصنت اطفالها والبعض الاخريقول استودعتكم الله

لذلك كتبت هذا الموضوع لكي افيدكم بطرق التحصين الصحيحه
اولا:نحصن الاطفال مرتين يوميابعد صلاة الفجر وبعد صلاة المغرب

نقرا سورة الفاتحه وآية الكرسي وآخر آيتين من سورة البقره

وسورة الاخلاص3مرات والفلق3مرات والناس3مرات

ومن ثم نقول بسم الله7مرات ونقول اعوذبعزة الله وقدرته من شر مايجد ويحاذر

ومن ثم نقول ثلاث مرات بسم الله الذي لايضر مع اسمه شيئ في الارض ولافي السماء وهو السميع العليم



ومن ثم نقول ثلاث مرات

أعوذ بكلمات التامات من شر ماخلق



ومن ثم نقول استودعتك الله الذي لاتضيع ودائعه

ونمسح راس الطفل وجسمه



وهكذا ترتاح الام من العين و الامراض ومن العدوى من الاطفال وكل شي مقدر ومكتوب لومرض هذا شي كاتبه الله

(قل لن يصيبنا الاماكتب الله لنا)

بس يكون اللي عليك سويتيه ان شاء الله تكونوا استفدتوا من هالمعلومه



لاننا صرنا في زمن المرض والحسد هم أعدااء والله يجيرنا وأطفالنا وأهلنا من هذه المخاطر


سبحان الله والحمد لله ولا اله الا الله والله اكبر


اللهم احفظهم من كل شر وأذى وسوء

 

[Melazlaza]

انا مع الاخت
Tmtmt

 

[ام الحلوااات]

ارقـــيـــهـــا ارقــيــهـــا ارقــيــهــا
كـــل يــــووم وخــصـــوصــــآ وقـــت طــلــعــتـــج وهـــي مــعـــاج

و اللـــه يــشــفــيــهــا ويــخــلــيــهــا لــج ويــفـــرحـــج فــيـــهـــا

 

[q8 knosha]

ترا هل شغله احس مالها شغل!

يعني حتى انا ولدي لي رحت زواره يشيلونه طول الوقت والله يحوسون فيه ويصورون فيه كلهم حتى عماتي اللي شكبرهم وعيالهم طولي

ورفيجتي تبوق صوره مني وتحطهم بالبيبي واهل ريلي كلهم صوره بتويتر والبيبي ماله شغل هل شي حبيبتي لانهم يحبونها وطايرين فيها

واذا على طيحت الشعر والله انا قاعده العب بشعر ولدي وطاحت خصله من شعره مع البصيلات والله حتى صورتها وطرشتها حق اختي اوريها مستغربه هم قالتلي عين! :/ بس احس شكو عينّ! عادي الكل عنده يهال وخااصه اشوف ملوت مذركير وغيره اقول الحين هذول ماعليهم عين هل شقر ولعيون زرق لول

وتدرين جم مره تصيرله حوادث ولا شي موطبيعي جم مره يدعم جم مره يطيح وفي شغله تمت معاها اشهر بأي طقه ينزل من دم والله كنت الوحقه اخاف عليه

بس انتي اقري عليها كل يوم
وهذا ترا شعر بطن بيطيح اكيد
بس لاتوسوسين

ايه وبخري البيت واهيا بحرمل خالتي كانت تسوي جذي :/

 

[Lulu_Perla]

حبيباتي كلكم و الله
امس رقيتها الصبح و المغرب
و قريت عليها قبل لا تنام

و الله كريم


انسة دراقة
اي انا بجر.. يمكن عشان جذي مخترعه بزيادة ههههه


جزاكم الله خير كلكم حبيباتي
:*

 

[Little House]

انشالله يرجع شعر بنتج احسن من الاول يمكن اللي طاح شعر بطن

لو انا منج ماروح الزواره اذا فيها ناس جذيه
او اروح بدون البنت وديها بيت امج

 

[ملوكـه]

بسم الله عليها

الناس ماتعطي خيرررر

انا صرت احذر القريبين لي
مايحطون صور عيالي عرض بالببي او يدزونها حق احد

الله يخليهم لنا يارررب
ويبعد عننا هالحساد اللي كلونا بعيونهم قطيعه

 

[ملاك ^ الحب]

امبيه حتى بنتي اول مايبتها فزو على شعرها بالمستشفى من نعومه وطول والله العظيم

صار عمرها 4 شهور والا يطيح شعرها كله وديتها قص شعرها الصالون

ولمن بدا يطلع قام يطلع ملفلف الكل مستغرب من شعرها وين كان وشلون صار لي الحين بنتي عمرها الله يخليها لي ويحفضها يارب 4 سنوات بس شعرها ناعم وملفلف

 

[ملوكـه]

امبيه حتى بنتي اول مايبتها فزو على شعرها بالمستشفى من نعومه وطول والله العظيم

صار عمرها 4 شهور والا يطيح شعرها كله وديتها قص شعرها الصالون

ولمن بدا يطلع قام يطلع ملفلف الكل مستغرب من شعرها وين كان وشلون صار لي الحين بنتي عمرها الله يخليها لي ويحفضها يارب 4 سنوات بس شعرها ناعم وملفلف

حبوبه لاتخافين
كثير مثل حالة بنتج
كان ناعم حيل اول ماولدت
وعقب صار كدش مو ملفلف
لووول