بنتي متعقده من شعر يدها تنصحوني اشيله؟

[يااسمينه]

السلام عليكم
بنتي عمرها 9 سنوات ودايم تخجل من شعر يدها حتى انها ماتبي تلبس كم قصير عشان الشعر لا يبين مع ان شكلها عادي جداً خاصه انه اشقر وهي بيضا المهم أبوها يبيني اشيله لها لانها مو راضيه تقتنع ان شكل الشعر مو بشع فشنو رايكم اشيله لها ؟وهل يأثر لو شلته ممكن يطلع الشعر خشن؟والا عادي مارح يتغير؟

 

[ليش نحب ؟؟]

والله مادري بس اهيا حيل صغيره و الشعيره تعورها

انا من راي شقري لها ما راح يبين

بس انتي و كيفج شنو تشوفين

 

[omsalman87]

حرام توها صغيره ، توالناس على شيل الشعر ويمكن يتغير اللون مايطلع اشقر! انا لو منج اشيل جزء صغير من ايدها بشيره راح تحس بألم وتقولج خلاااااااص مابي اشيله . وقوليلها مو بس انتي جذي كل البنوتات الصغار عندهم شعر مايبين في ايدهم ويلبسون ويكشخون .

 

[نآعمـه]

.
حرام عليج شنو تشيلينه ؟!
عادي يبـه كل البنات اللي بعمرها جذي
وعلى قولته زهور اذا البنت معنده شيله لها
وخليها تحس بالالم عشان ما تطلب منج مره ثانيه ="(
شكلها بنتج الوحده وتبي تقلدج او مآفي احد بعمرها​

 

[لحظآتَ]

ياعمري اسم الله عليهاا ..
صاجين البنات اخذي قطعه شيره وخليها تحس بالعوار
وهي بتصارخ وتقولج ماعاد ابي اشيله

ونصيحه لا تفتحون عيونها على السوالف هذي من صغر
ترى مستقبلا لا كبرت راح تتعود تمشي كلامها عليكم ..

,

 

[Miss Eteket]

آبـ..~

 

[جمبلو جمبليله]

شيليه انا امي اكرههها لي الحين لانها

كانت حارمتني من كل شي

بس تشقير ما يضر ؟

 

[ام كوثر2007]

لا تشيلينه حرام توها صغيرونه عسى الله يخليها لج


بعدين دام تقولين لشعر اشقر يعني ما ايبين وايد ..


نطري عليها لمن تصير علي الاقل 13 او 14 .. تو الناس عليها .

 

[يااسمينه]

حاولت أقنعها وتشوف بنات من عمرها مليانين شعر واسود بعد وأقولها شوفي عادي يلبسون قصير او من غير كم ومع ذالك ماترضى حتى لما تصير حفله في مدرستها تبي تلبس كم طويل في عز الحر !وبعدين بنات عمها وعمتها كذا يعني شكلها مو شاذ وخاصه انها بيضا لكن مشكلتها حساسه جداً حتى لما تمتن شوي ماترضى تلبس الا وااسع مره وحتى فيها حبة خال صغيره مره وحلوه اصلا ماتبي احد يشوفها! الحين عاد صرت افكر جديا اشوف حل لها لان من زمان على هالحال كلما أقنعها ماتقتنع حتى لو اقتنعت في نفس الوقت بعدين ترجع مثل ماكانت .. طيب قبل فتره كنت اشوف دعايه لبروان المراهقات او الصغيرات من جربها هل مؤلمه؟وهل تشيل من الجذور او لا؟خوفي بعد ماشيل لها يتغير الشعر ويصير خشن وغامق..*

 

[خفايا البحر]

انا مع البنأت

 

[خُزام]

إذا هي وايد متفشله منه لهالدرجة
ويسبب لها إحراج كبير
حرااااام تخلينها جذي يزيد تعقدها
ويسبب لها مشاكل ثانية أقوى مثل الخجل الشديد والإنطواء وغيره
شيليه لها عادي مو شي عيب ولا حرام !
خلها ترتاح البنت وتحس بالثقه
شيليه لها بشمع أحسن وأسرع وأنظف وعواره أخف من الشيره
وإذا عورها كريم فيت

 

[7oor kuwait]

اذا لهدرجة متضايقة حرام شيليه،تشقير اذا ينفع او كريم ترا عادي كلها شعر ايد اهيا كلها جم سنة وراح تبلغ وتشيل

 

[ام كوثر2007]

اذا الموضووع جذى عيل شتسوين بعد امرج لله شيليه لها بس ديري بالج اتشيلينه بموووس وهالسوالف عشان ما تخشن الشعره ويصير لونها اسود


شيليه بشيره ومثل ما قالت وحده من البنات يمكن من عوار الشيره بتيوز وتقولج مابي ..

جربي انتي بعد لا حول ولا قوه والا تقعد مسيجينه متاذيه جذى ..


عسى الله يستر عليها ويخليها لج .

 

[رهووفه 97]

حبيبتي حرام لا تشيلينه
عادي انا بنات عمتي وحده عمرها 11
و الثانيه عمرها 10 وعادي شعر ايدهم شكثره
ويلبسون علاق

لا تشيلينه حرام توها صغيره

 

[سويت فانيلا]

حبوبه احسن شي لها كريم فيت وبس

 

[~*~الملكة~*~]

ما انصحج حرام صغيره

 

[english muffin]

شيليه

 

[شباصـه فرنسيــه]

عادي شيليه لها إدا متعقده منه مع اني اشوفها صغيروونه ع هالسوالف

 

[أغلى حبيبه]

وييييه هذي 9 سنين وتحاتي الشعر والمتن

الله يعينج حبيبتي

 

[alruby-store]

من رأيي انها صغيرة ميخالف خل تنطر سنة سنتين بعد