بنتي مأذيتني محد يبيها وزوجي كرهني بسبتها :(

[روحي كويتية]

بنات انا عندي بنت عمرها 8 شهور من ولدتها وهي مأذيتني بجايه حيييييييييييييييييييييل وتحن وزوجي من ولدتها ينام بالدوانيه لانه شقتي بس غرفة نوم مع حمامها تكرمون وماخذت حقي الشرعي منه الا بالشهر مره او بالشهر ونص مره بسبب بنتي
والحين انا حامل

جربت احط بنتي عند اهلي مايبونها من كثر حنتها ويشتكون منها وخالتي ام زوجي مره كبيرة بالسن وحمواتي متزوجات كلهم ومن كثر مابتعد عني زوجي بعد ولادتي لها صار فيه خيانات شكثر

ونفسيتي تعبانه حيل حيل حيل من اللي صار واكلم زوجي واقوله اني مالي ذنب بس ماكو فايده عصبي حيل ويزف اذا كلمته واحس اني عزوبيه ببيتي عايشه مع بنتي وحنتها بروحنا

رحت سويت لبنتي تحاليل شامله اشوف سبب بجيها طلعت سليمه الحمدلله مافيها شي والدكتورة تقول يمكن طبع فيها بنتج تتدلع

عطووني حل نفسيتي تعبانه مع الحمل ومع حنت بنتي وهجر زوجي وحتى اهلي يكرهون ازورهم بسبب صراخ بنتي

 

[قوس المطر]

في اطفال وايد جذي عسرين الله يعينج على قولتهم الياهل حظ امه

انا اختي جذي عيالي حيل حنانين و عسرين و باليل واااي مسكينه تكسر الخاطر بس تكبر انشالله شوي يتعدل طبعها اذا صار عمرها سنتين و تكبر انشالله

الله يخلها لج

 

[بيبي بدر]

الله يخليها لج بس ماعندي خبره بالجهال العسرين

 

[a7la MUM]

رد : بنتي مأذيتني محد يبيها وزوجي كرهني بسبتها

وي بعد قلبي حدج كسرتي خاطري حبيبتي انتي
وبعدين ريلج الله يهداه شفيه جذي هاذي مو بنته ولا من الشارع انتي مابيدج شي تسوينه يعني شتسوين بالله تعيشين بروحج بس لازم يعاونج
واهلج الله يهداهم ليش شنو شلون مايتحملون حفيدتهم شدعوة ياحافظ
بصراحه الله يعينج ماتنلامين والبلا بريلج اللي مو قادر يتحمل بنته@@ وحامل بعد!!

 

[باونتى]

عندى وعندج خير أنا بنتى من يبتها واهيا حنانه وكل ما تكبر حنتها تزيد والحين عمرها 3 سنوات و4 أشهر وزايده بالحنه والعساره ونفسيتى صايره صفر .. الله يعينه الياهل العسر مشكلة

 

[Un-6be3iya]

الياهل اذا تعود كل ما بجا بتسكتينه بيقعد يبجي لين يمللج : |

لي بجت وانتي تدرين ان مافيها شي يعني لا يبيلها تبديل بامبرز ولا يوعانة خليها تبجي بروحها تسكت لا تعودينها

 

[عيش و مرق]

الله يعينج بس كان المفروض ماتحملين الا لمن اتحلين مشكلتج مع زوجج والله يهدى بنتج

 

[كتكوته22]

واي حبيبتي الله يعينج ما ادري شغولج بس اذا بجت وحنت حقريها لمن تسكت بروحها لين تتعود ويايلج ياهل بالطريج بعد لازم من الاول لمن يبجي حقريهم الا اذا كان موعد ممتهم او تغير بامبر والله يعينج حبيبتي

 

[*ماي الورد*]

رد : بنتي مأذيتني محد يبيها وزوجي كرهني بسبتها

هذا ما يبرر خيانة زوجج هذي بنته بعد لازم يساعدج عليها
وغلط لمن حملتي عليها لازم تنطرين لمن تستردين حياتج الطبيعية بعدين تفكرين بالحمال
والله يساعدج

 

[!! شوق !!]

والله انا مقدره نفسيتج ..
بس المفروض اللي بحالج هاذي ماتفكرين تحملين الا تتعدل بنتج ..
عالاقل تعدلين علاقتج مع زوجج .. بالنسبه لي ممكن اوديها حضانه وهناك بتلهى وبترد البيت خدرانه وتنام

 

[love love]

قي دكتور اهني بالمنتدى يحل ويعدل سلوك الياهل كلمييه وان شاءالله يحلج المشكله


ريلج خذاا حجه الابنيه ولا حتى لو تحن يهجرج ويخوون؟؟؟
دخليها حضانه علشان تتعدل نومتها واتنام امبجرر
يبيلج خدامه تساعدج عليها لما تنشغلين مع ريلج شتسوين بعد
واذا مارضى ريلج فاهو مستانس على الوضع

 

[نبض السعاده]

رد : بنتي مأذيتني محد يبيها وزوجي كرهني بسبتها

اسم الله عليها

روحي وديها حق حرمه معلاجه تشوف اذا فيها مادري شنو يسمونه اهلنا

يمكن فيها خلع اعتقد

الحريم الكبار يعرفون

 

[ام زاكي]

اقري دايما عليها سوره ياسين والمعوذات وشغلي تحت راسها وقت النوم سور قران يمكن تهدى شوي جربي

 

[om.7madiiin]

رد : بنتي مأذيتني محد يبيها وزوجي كرهني بسبتها

الله يهداج انتي بعد استعيلتي توها صغيره حملتي عليها الحين بيصير 2
حرام ان شالله تكبر و تعقل و الله يسخر زوجج لج ..

 

[frasha.q8]

رد : بنتي مأذيتني محد يبيها وزوجي كرهني بسبتها

حبيبتي والله كله اقري عليهااااا وادعيه انشالله الله يهديها يارب وديها عند شيخ خل يقره عليها وشوفي يبي ماي واقري عليه المعوذات واية الكرسي وشربيها منه وغسلي ويهاا فيه وانشالله ماعليها شر وحطي تحت راسها مصحف صغيرر وعلى طول شغلي سورة البقره عندها انشالله فيه الخير

 

[منيرة خالد]

لازم تغيرين من عاداتها

اول شي تأكدي ان البنت مو مملوعه >> اخذي زيت دافي ودلكي جسمها كله مع الترديد بالليل طبعا واذا طولت بالنومه معناتها انها كانت مملوعه وانتي ما تدرين عنها


ثاني شي غيري من عاداتها الصبح لازم حمام تتسبح وتفطر وتلعب شوي وعطيها العاب والضحي تغط شوي وسولفي معاها تري الياهل يفهم ويعرف اذا انتي راضيه عنه والا معصبه كله ابتسمي بوجهه واضحكي وسوي حركات تدل على رضاج عنها


ابتعدي عن الحلويات


قبل النوم لازم حمام ثاني


انتبهي لسلوكياتها واذا تنسين سجلي هالشي علشان تعرفين متى تحن وليش >>> الله يعينج على تربية العيال انا عيالي كل واحد له شخصيته بروحه مستقله عن الثاني وكل يوم اتعلم منهم اكثر من اني اربيهم احسن اهم ربوني واعادوا تشكيل شخصيتي



موفقه والله يهدي بنتج ويصلحها

 

[بنت.المطيري]

اللللللللللللللللله يعينج والله لايوريني ياهل عسر

مشكله الصراحه والمشكله يقوولولج لاتخلينه يبجي موزين ينضر والا انتي ضالمه واااي الواحد يحتار يعني !

انا ماعندي عيال لكن اتكلم عن خالتي مسكينه بجرها مجرمه

صراخها كان صراخ مره من واهي صغيره بجايه وفوق هذا صوتها مزعج مايصير تودينها حضانه ؟

 

[meen_ana]

ماعندج شغاله تساعدج اخذي لها بيبي ستر تساعدج في تربيتها اذا ماتقدرين

 

[[[ عيون جابر ]]]

ربي ايسر امورج

 

[اللهم الجنة]

الله يعينج