بنتي لعوزتني والللللله بستخف

[احلى ديما]

بناإاإات والله متنرفزة حدي اكتب الموضوع.وانا ارجف من كثر مامنبطة جبدي !!!!
بنتي عمرها سنتين ونص من اول ماولدتها واهيا وقت النوم عندي وباقي اليوم اغلبه بيت اهلي عند امي وخواتي لان انا ادرس ومحاضراتي لي العصر وانا نوعي ماحط عند خدم لي قبل فترة واهيا حتى شيل مايشيلونها بس توه من فترة امي غيرت خدمها ويابت ثنتين وحده اثيوبية ووحده سيلانيه ومن يومها والبنيه صايره ماإاإاصخه ودلوعه من كثر ما يدلعونها ويعطونها وي زيادة عن اللزوم والله اني قمت اكرههم بسبتها يعني صايره ماتبي الا اهم طول وقتها بالمطبخ وياهم وانا اكره جذي والله اكره جد ماحب صايره حتى لعب مع اليهال ماتبي تلعب كلا عندهم حتى تكرمون لما توصخ ماتبي الا اهم يغسلونها لدرجة اني قمت اخذها الحمام واهيا مهستره من البجي ماني عارفه شسوي خربوها علي والله البنت كانت تهبل الحين كلا تحن وتصارخ اذا.طلعناها من عندهم حتى بالطلعه تبيهم وانا دم ضروسي الاعتماد عالخدم
شورورا علي بنات شسوي معاها تعبت نفسيتي والله

 

[omaseel]

اهدي بنتك صغيره جدا وده سنها وده طبيعي اغلب وقتها تقضي هناك فطبيعي تتعلق بيهم خذيها عندك ولعبيها ووديها الالعاب هتنساهم انا اقصد من كلامي الطفل بيتعلق بالمكان اللي بيقضي اغلب وقتو وكمان بينسي بسرعه

 

[عروس فبراير]

شوي شوي عليها بعدها صغنونه ..
خلي اهلج يلهونها عنهم , يعني يلعبوونها يراونها بباي .. اي شي المهم انها تلهى عنهم ..
يمكن اهما اكثر ناس معطينها ويه هنااك عشام جذي تحبهم

 

[نـعـومـه]

اليهال معروف كله يحبون الخدم مادري شالسر

بنتج متعلقه فيهم يمكن لانه اغلب وقت معاهم خلي خواتج يحاولون اهمه يغسلونها يقعدون معاها اذا انشغلو حيل هنيه الخدم موجودين

ولاتحاتين مردهم بيسافرون وتنساهم

 

[om MaRyooM]

صعب الوضع ادري

بس اغلب اليهال جذي


حطيها حضانة صدقيني بتشوفينها مع الايام وااايد تتغير وتصير تعتمد على نفسها وتصير واعيه اكثر

 

[نور83]

الله يعينجً نفس ما قالت حبيبتي ام مريومً دخليهاً حضانة على شهر ٩ وانشاللهً تتغير تحتك مع يهال من عمرها وتنسى الخدم

 

[beauty rose]

هالسن دايما متعب استحمليها بس تصير 3 سنين او 3 و نص بتفهم و ما تبيهم

 

[(*ام عهــــد *)]

مسألة وقت

 

[STILL G L A M ~]

السالفه مو سرر ولا سحرر لاا اليهال بهالعمر محتاجين حنان ومحتاجين احد يلاعبهم و يجابلهم وانتي الله يعينج كله بعيده عنها ف طبيعي تتعلق بالي 24 ساعه مجابلينهااا

 

[عسل سل]

موزين تبجي بالحمام هديهاا قبل لااتدش ولا اقري عليها والله يهداج حطيتي خدامتين وتقولين ماحب تربية الخدم

 

[احلى ديما]

حبايبي كل اللي ردوا تسلمون وماقصرتوا
اختي ام مريوم انا دخلتها حضانة بس صارلي شهرين تقريبا ماوديتها لان طريجها بعيد علي بس ناويه اوديها ان شاءالله بعد العيد
اختي حلوة عسل ياريت تردين تقرين الموضوع حبيبتي انا ماعندي خدم هالخدامتين ملوت امي يعني مو بشقتي ببيت اهلي وبنتي كل يوم اوديها بيت اهلي عند الوالده لاني ماحب الخدم يربون عيالي بس من حظي صارت متعلقه فيهم وهذا اللي خلاني اطرح مشكلتي