بنتي عمرها سنه و3 شهور وللحين ما مشت :(

[ورديـــــه]

هااااااااااي بناتو امهاتو حلواتو


بدون مقدمات انا بنتي عمرها سنه و3 شهور للحين ما مشت:eh_s(11):

اهيا تحبي وما حبت الا 11 شهر
ومعني لا مسكتها مع ايد وحده تمشي وتمشي عالقنفات ويايبتلها مشايه تمشي عليها بس بروحها ماتمشي وتوقف بس تطيح بسرعه كاسره خاطري اللي كبرها ماشاءالله مشو من 11 شهر واهيا قاعده ودها تمشي مثلهم حتى تمسكني وتيرني يعني مشيني عندهم

شسوي اوديها طبيب واي دكتور اروح

وشكوووكراااااااااااااااان

 

[ام المزايين]

هلا حبوبه ان شاء الله بتمشي وما فيها الا العافيه
بس هم ما يمنع وديها دكتور اطفال شاطر نفس عفاف الرومي وستفسري منها

 

[فروحة الكويتية]

عاااااااااااادي

 

[^kloOot^]

حبوبه انا نفسج


بنتى الحين عمرها سنه و3 شهور وباقي اسبوع وادش 4


وماتمشي وتموت من الخوف ونفسج عالقنفات تمشي واذا مشيتها بايد وحده هم تمشي

وديتها طبيب خاص وحكومه قالولي مافيها الا العافيه

اهي شهر 2 بالعيد الوطنى انولدت

وعلى فكره توها سننت وماتحبى بس تزحف بمقعدتها شرايج

اذا لقيتى الحل قوليلي

انا قالى الدكتور لاتحطينها على الدرايه وايد

 

[اللمسة المخملية]

انتي وديها لدكتور عظام اذا تبين تتطمنين..
بس ترا عادي.. انا اعرف وحدة بنتها مامشت الا بعد سنه و9 اشهر تقريبا..

وان شاءالله ماعليها الا العافية.. ولا تحاتين

 

[عين الحياة]

الله يخليها لج لاتخافين انا اولادي مشى وعمره سنه و4 شهور الي يخوف لمن صار عمرها سنه 6 شهور ولامشت 00 تحياتي

 

[كوارين]

في يهال يتاخرون بالمشي بس الاحسن وديها فحصي عظامها

 

[@ ميمي@]

تصدقين عاااااد اني داااااااشة ناوية اكتب موضوع نفسج!!!!!!!!!!!!


سبحااااان الله


ان ولدي نفس مواصفات بنتج بالضبط

ولدي عمره سنه وشهرين بيكمل ثلاث شهور باسبوع



نفس بنتج بالضبط بس لازم امسكه بايديني الثنتين


قالت الدكتورة عاااااااادي لانه طفل كسول

 

[@ ميمي@]

على فكرة ازيدج من الشعر بيت ولدي قام يحبي وعمره سنه وشهر

 

[butterscotch]

عادي حبيبتي انا ولدي الاول ما مشى الا سنة و4 شهور بالضبط لا وما كان يحبي اصلا.
لا تحاتين مادام تحرك ريولها وتمشي اذا مسكتيها انشا الله ما فيها الا العافية. كل السالفة ان بنتج خوااااافة. الله يخليها وبيي يوم و تكتبين لنا بنتي تمشي وتخرب ههههه *

 

[++The DuchesS++]

متابعه

 

[ورديـــــه]

الله يطمنكم ريحتوووني
بس هذا مايمنع اوديها طبيب اتطمن اكثر
الف شكر

 

[روعة خيال]

يا قلبي انا بنت اختي نفس عمر بنتج توها تتخطى بروحها و حبت عمرها 11 شهر قبل هالفترة ابوها راح يكشف عليها قاله الدكتور لا تييني الا اذا كملت سنة و 6 شهور لان عظام الياهل رجيجة لي الحين ما تكونت عدل و تتكون عدل بسنة و 6 شهور و دامها تفز على الاثاث زين عيل الله يخليها لج ان شاء الله

 

[عبق البنفسج]

وقفيها ومسكي ايدها الثنتين ومشيها ..
مو شوي وتزهقين .. سوي هالحركة على طول لي تمشي بروحها

 

[الامييره]

شجعيها مشيها ووقفي بعيد عنها شوي ومدي لها ايدي وشجعيها تمشي لي توصل لج كرري هالشي معاها ولميها لما تحاول طمنيها علشان ما تخاف وتتعود وهم لازم الطبيب لان ممكن يكون عندها نقص كالسيوم بس لا تحاتين في اطفال وايد جذي