بنتي عمرها سنه ونص ابي شعرها يكثر ويطول؟؟!

[قموووره]

ما يبيلها كلام الحنه الحنه الحنه
بس نطري خل يدفى الجو شوي والله ماكو عليها
اذا اصل الشعر خفيف الزيوت راح تنعم وتضعف الشعره اما الحنه تغذي الشعره وتعكسها سمك وأمته ولون وحتى تفرد الشعر تخليه سيده
لا تقولين توها صغيره اسم الله عليها عادي حطيلها واستمري عليها وبتشوفين شعرها سلون بيصير
الله يحفظها ويخليها لكم*​

 

[أم لطووف]

شاكره مرورج قموووره ..

 

[مطرها يسبق رعدها]

اذا عندش خدامه فلبينيه خليها تسويلها هوت اويل بالكوكنت الفرش

لهم طريقه يبرشونه وبعدين يطبخونه ويسون حمام زيت لشعر خصوصا للاطفال

خدامة اهلي وخدامات خوالي وخدامتي وخدامة بنت عمي كلهم اتفقو انه معروف يكثف ويثقل الشعر ويخليه اسوووود نااااعم
ع قولة خدامة امي شعر يجي متروس << ههههههههههههههه

وتخلينه ع الشعر من ساعتين الى ست ساعات

واذا ماعندكم فلبينيه او اندنوسيه << ياكرهي لهم

اكتبي في قوقل طريقة زيت جوز الهند وبيطلع لش الطريقه

ترا الحليب اللي بيطلع حلووو مو شرط الزيت الحليب يجنن لانه يعتبر هوت اويل طبيعي

وادعيلي

 

[um_saif]

ام لطوف بقولج شي. انا بنتي شعرها مثل شعر بنتج الحين بس عمرها تسع سنين الحمدلله على كل حال هذا امر الله الحمدلله ما خليت طبيب وسفرتها سنغافورة والمانيا رادين منها من كم شهر. ولين الحين موب عارفين السبب والاطباء محتارين بس في المانيا قالوا احتمال بسبب ان مخازن الحديد في حسمها تنقص باستمرار وشاكين ان عندها مشكلة في الامعاء تسبب نقص الحديد يعني لو شو تاكل ادوية حديد ماراح تستفيد الا اذا عالجت المشكلة الي تسبب نقص الحديد ومطلوب منها فحص لين الحين ما سويته الله يسهل واسويه ان شاء الله لها

والسبب الثاني احتمال عين. لانها انولدت بشعر بني وناعم وحلو وايد ولما وصلت لعمر سبع شهور تساقط شعرها فجاة

الله يشفي بنتج وبنتي ويفرج همومنا ويرزقهن هذاك الشعر الغليظ الكثيف الطويل الناعم الي تتمناه كل بنية ويارب فرحهن يارب ولا تحزنهن امين

 

[أم لطووف]

مطرها يسبق رعدها
بعد قلبي ماقصرتي بدورها بقوقل واشوف طريقتها ..
ماقصرتي حبيبيتي

ام سيف
ربي يشافي ويعافي بنيتج ويطمن قلبج عليها وامين ياربي العالمين ماقصرتي ع هالدعوه الحلوه..
سبحان الله اول مره اسمع عن هالمرض يشافيها ربي ويعافيها منه ..
عليج بالدعاء والرقيه وماي زمزم وباذن الله بتشوفين العجب اللهم امين..

 

[a7la_7b]

حرام لاتعلبين بشعر بنت خلطات وسوالف توها صغيره

قصقصي شعرها دايم وراح يحلوووو

 

[Om _ Almona]

انا كنت مثل مشكلتج
رحت الحواج عطاني زيت الجرجير وقالي لانها صغيره لازم اخففه مع تونيك الفازلين
يعني خلطي القرشتين مع بعض
وتوليها كريمات مغذيه بالدقايق، موجودين في الجمعيه اقري عليهم
اللي يكون مكتوب عليهم (يمنع تساقط الشعر)​

 

[>>مرووم<<]

حلقيه عند الحلاق وبيكثرر

 

[ورده عنابيه]

نفس مشكلتي

 

[mama-dodo]

جربي زيت الجرجير وايد حلو
ينبت الشعر من اول استعمال

 

[حظ من عنده انا]

دهني شعرها

واربطيه بالسيور الصغاار

 

[أم لطووف]

شكره مروركم بنات وربي يفرح قلوبنا ببنياتنا عرايس وشقولو امين..

سالت امس بزوارتنا حريم كبار عن الحنه والزيوت قالو مامنها مضره باذن الله خصوصا الحنه والسدر قالولي لا تحطين مامنها فايده للشعر
وبالنسبه للزيوت زيت الزيتون احسن شي..

فنا باذن الله من يدش علينا الصيف كل اسبوع بحطلها شي مره حنه ومره مجموعه زيوت انا بخلطهم بايدي وكل شهرين بحدد شعرها مثل ما قلتولي .. وان شاء الله احصل نتيجه ياااربي..

 

[أم لطووف]

حظ من عنده انا

هو مافيه شعر ينقضب عشان اربطه بسيور

شاكره مرورج حبيبتي

 

[ملاك ^ الحب]

القص يعدل الشعر

كل شهرين او ثلاث قصيه وانشالله راح يتعدل

 

[أم لطووف]

وديتها الصالون وحددلي شعرها يختي قاعده ع الكرسي وسامته روحها واطالع جنه صج يعني شكلها استانست حبيبتي ويازلها الوضع الله يعيني لي حطيتلها حنه ان شاء الله ما تعفر فيني.

ملاك ^ الحب
شاكره مرورج وابداء رايج حبيبتي

 

[نونو ام كشة]

يعطيكم العافيه بنات ما قصر تو

 

[سوسو حبيبتى]

ياحيااااتي عليها

الله يحفظها لك وتشوفي شعرها لييييين ظهرها

نفس مشكله بنتي والله ومسكينه بنتي عمرها سنتين ونص وفاهمه كل شي

يااااااااااارب شعرها يطول ويتسنع يااااارب

وشوفي لو طول اووعي تشديه وتجمعيه بالاستيك لانه يخلي الشعر يتقطع

انتي اهم شي زيت زيتون واشياء طبيعيه زي ماالحريم قالوا لك

انا واحدة هنديه قالت لى زيت جوز الهند وقاعدة احط لبنتي بس يبي له صبر

وان شاء الله هااعرضها ع دكتورة

 

[أم لطووف]

شاكره مروركم بنات

سوسو حبيبتي
اللهم اميين يزاج الله خير ما قصرتي
انا احرص اذا مشط شعرها امشطه بكل الاتجاهات وسويلها تدليك دقيقتين يمكن اذا طولت واذا هلتني هي بعد وشريت شامبو من عسل المعجزه الاصفر اسبحها فيه وبعدين احطلها الشامبو العادي جونسون وبعدين كريم الشعر هم من جونسون الاخضر
الله المستعان

 

[um_saif]

ام لطوف والله انا شاكة ان شامبوهات حونسون راس البلا كله انا تركته من زمان خاصة بعد الكلام الي طلع في الجرايد عن جونسون يحطون فيه فيه مادة كيميائية مخصوص لجونسون الي يتصنع للشرق الاوسط هالمادة خطيرة وتسبب السرطان ابتعدي عنه واستخدمي شامبو لبنتج من الصيدلية من ماركة ثانية غير جونسون

 

[maha_89]

عادي الحنه بعمر سنه ونص ؟؟
زين شتحطون معاه
ماعرف حق الحنه كلش
وجم ساعه اقعدها في
ودي شعرها يطول نفس شعر بنتج بالضبط
معاناه