بنتي عمرها سنتين ما تتكلم للحين ؟

[كارلوفي فاري]

مرحبا خواتي شلونكم انشالله بخير
انا مشكلتي انه بنتي للحين ماتكلمت مع انه الاطفال اللي بعمره يتكلمون وينادون الاسماء ويرفضون ويعارضون -بنتي بس بعيونها تتكلم صج تقول ماما بابا تنادي الخدامه -بس ماتتكلم بشي ثاني انا اذكر انه عيالي يتاخرون بالكلام وكنت اقول انه عيونهم تتكلم بس بنتي هذي احس حيل تاخرت ماادري اللي عندها خلفيه بالموضوع هذا تفيدني ولكم مني جزيل الشكر

 

[فرفورة2]

ياقلبي لاتحاتين قوليلي انتي ولدتيها ولادة مبكرة ولا لا اذا جذيه عادي لاتحاتين لانه اختي اولدت ولدها عالسابع والشهر الجاي
راح يصير له سنتين واهو ليما الحين ماما وبابا بس

 

[غصن الغلا]

شوفي حبيبتي اذا بنتج تتلفظ باسم ماما وبابا عدل مافيها شيء عادي يا اطفال تاخرواااااااااا ماتكلمواااااااااااا

اذا تتأتأ بالكلام ما لتفظهم عدل او ماتكلم بالمره وديها عند دكتور بدار الشفاء استشاري جراحيه (مو متأكده من الاسم خالد عياش او عياش مو مـاكده) واحد من اهلنا سوي عملية ولده عنده عمره سنتين ماكان يتكلم المره بس فج العرق معقود تحتخ اللسان وانطلق السانه عدل بنج موضعي بنفس اللحظه طلع ب 15 دينار فجها

 

[Q8_ButterFly]

عندنا وعندج خير ولدي كمل سنتين وماعنده غير بارني واذا وصخ يقولها والحين قام يقول اسم بنت اختي لانه يحبها

 

[mariam_q8]

اول شي لا تحاتين انا ولد عمي ما تكلم الا من صار ٣ سنين و كان ولا حرف لا ماما ولا بابا و كاهوا الحين بيصير دكتور انشالله بس انتي قعدي و سولفي معاها دايماااااا لا تخليينها

 

[Queen of Sadnes]

لا تخافين ولدي كان نفس الشي ما يتكلم كلش بس يقول ماي وبابا و سياره ، وكنت حيييييييل خايفه بس لما صار عمره 3 سنين و شوي انطلق ماشاء الله وشوفيه الحين شطول لسانه، صج هو للحين بعض الكلمات ماينطقها عدل بس الحمد لله وين كان وين صار على فكره شهر 5 يكمل 4 سنين. الله يخليلج بنتج انشاء الله وتشوفينها تثرثر على راسج لين تدوخين

 

[ام سلمان---4]

عادي لاتخفين اذا تنطق كم كلمه صح يمكن نوعيتها خجوله

 

[om deaj]

عادي دام انها تقول ماما وبابا
حبوبة ولدي عمره 3 سنين و3 اشهر وكلامه مو مظبوط
ولما شافته اخصائية قالتلي عادي الطفل لو ما يتكلم كلش لي سن ال3 سنوات ونص وعقبها تبدين تحاتين وتراجعين فيه الاطبة
وال تقارنين بينها وبين اخوانها وبين اي وحدة من اهلج الاطفال قدراتهم ومهاراتهم تختلف ويقولج الطفل لي عمر 3 سنين ونص يكتسب مهارات لغوية ويخزنها
بس تأكدي الخدامة لا تكلمها بلغتها خل تكلمها عبي
وكذلك حطيلها قناة براعم قناة عربية مو اجنبية عشان تلقط معاها
انا ولدي لقط جم كلمة من وراالقناه
واذا في مجال تحطينها مع اطفال بحضانة تختلط فيهم صدقيني افضل وتتجرا

اتمنى اني ساعدتج

 

[أمووونه]

مرات تكون عند الاطفال مشكله بالسمع ، مايقدرون يلقطون الكلام عدل .. وديها وتطمني عليها

 

[كارلوفي فاري]

ياقلبي لاتحاتين قوليلي انتي ولدتيها ولادة مبكرة ولا لا اذا جذيه عادي لاتحاتين لانه اختي اولدت ولدها عالسابع والشهر الجاي
راح يصير له سنتين واهو ليما الحين ماما وبابا بس

لا والله بالتاسع بس انا معاي سكر واخذ انسولين

 

[كارلوفي فاري]

الله يعطيكم العافيه وماقصرتوا خواتي العزيزات

 

[3afifa]

إن شاء الله ماعليه إلا العافيه بس بدامه صغير لازم تتأكدين من إذنه أو إذا في سبب ثاني يمكن يمنع السمع أو النطق و إذا كل شي سليم يمكن يتكلم متأخر مثل ماقالوا البنات بس إنتي تطمني من هالأشيا عشان لايتأثر إذا كبر و الله يطمنج عليه

 

[دمثة]

انا ولدي استاهنت فيه لعمرة 3 سنين بالاخير طلع الطبله بأذنة مسكرة بماي وصديد وشمع وسويت العملية له والحين بدى يتكلم سويلهااااا تخطط اذن