بنتي عضتها القطوه !!!! تحتاج اوديها الطبيب ؟

[سرقت النوم]

قوه بنوتات المنتدى المختص بالحيوانات الاليفه بنتي الله يسلمكم توها شاريه قطوه صغنونه عمرها شهرين و نص و لمن كملت 3 اشهر طعمناها اول تطعيمه

و امس انا و بنتي بنسبحها و فجأه صارت مينونه القطوه مدت بنتي ايدها جان تعضها عضه جايده و الله غرست اسنانها بغيد بنتي

و الحين تعورها بس ما انتفخت و لا صارت زرقه بس تعورها

تهقون لازم اوديها الطبيب ؟


:bbbiu:

 

[shayo0oma]

شوفي حياتي مدام انها قطوت بيت ما ينخاف منها
بس ما ينخاف اذا كانت هالعضه عاديه اما اذا ما انتفخت وزرقت من باب الاحتياط وديها
والله يهداج قولي حق بنتج لمن تسبحها لا تنظف راسها اخير شي راسها وخليها توخر عن ويه القطووه

 

[mi corazon]

مره سألت الدكتور هالسؤال.. عضة وتخميشة القطوه مو زينه؟ قال بالعكس وايد زينه

تكوّن مناعة لصاحبها وزينه للأطفال خاصة تقوي مناعتهم

بس لو قلبج ناغزج ودي بنتج الطبيب منتي خسرانه شي

وسلامتها

 

[حلومي السعوديه]

رد : بنتي عضتها القطوه !!!! تحتاج اوديها الطبيب ؟

وديها وريحي حاللك

 

[سرقت النوم]

وديتها و قالي الطبيب اذا المطعه مافيها خطوره

وانه هالشي راح يعطيها مناعه مثل ما قالت مس كورازون

 

[عود ومسك]

قطوه هذي مو كلب!!!
ما تأثر
تعض وتشمخ وتلعن خيرنا عادي ههههههههههههههههههههههههههههههه
الكلب اللي خافي منه
والقطوه حتى لو مو مطعمه يعني انا الحين عندي كتنز للحين ما طعمتهم يعضوني ويشمخون مافيني الا العافيه
لانهم قطاوتي مولودين عندي فا عادي ويعضون بنتي وهم عادي
خافي من الكلابه عزج الله حتى لو مطعم اما القطاوه ان شاء الله مامن خوف

 

[♥ Saяa ♥]

رد : بنتي عضتها القطوه !!!! تحتاج اوديها الطبيب ؟

عاااااادي مافيها شي تعالي شوفي ايدي خرايط الله لايوريح..

بس القطوه خلقه تخاف من الماي .. بس ديري بالج وجه القطوه مايحوشه ماي لان الماي لادخل بالاذن تموت القطوه بس مسحي عليه بفطوه مبلله على الخفيف