بنتي طلع فيها ورم الحميد ؟؟؟ شسوي؟؟

[دكتوراة بالذوق]

السلام عليكم

بنات بنتي الصغيرة طالع فيها نفس شكل الفنجان تحت جلدها بالبطن لما راجعت الطبيب قالوا لي ورم حميد.وحولوني جراحة ..


بصراحة...الموقف اكبر من اني اعلق او اكتب...


منووو تعرف دكتور شااطر بالجراحة تكفون ساعدوني بنتي صغيرة عمرها 6 شهور

انا سمعت في دكتور فرنسي شاطر بس ما اعرف اسمة ؟؟؟

موعدي الاسبوع الجاي...

منووتعرف احد مر بهالحالة وتعالج

 

[¤§ زيتونة §¤]

يا حياتي سلامتها ما تشوف شر يا رب

الله يشافيها من غير جراحة بقدرته الكريم الرزاق اللهم امين


والله ما اعرف بس حبيت ادعي حق بنتج
عسى الله يشافيها حبيبتي

 

[¤§ زيتونة §¤]

ليش ما تشوفين دكتور غير اللي رحتي له

اخذي فرة على جم واحد وبعدين قرري وين بتسوينها


دار الشفا يمدحونه والله

 

[طفوش]

الله يشافيها ياااااااااااااااااااااارب
بس الحمدلله حميد احسن من الخبيث قولى الحمدلله الف مره
ان شاء الله ماتشوف شر

 

[لباس التقوىk]

اختي
كان فيها ورم حميد بالرقبه من زمان من21 سنه
وشالته بالمواساه
والحمد الله صحتها جيده
لاتحاتين

 

[ناعمة]

اختي حاولي تقرين عليها الرقية الشرعية ، يمكن حايشتها عين . ترى والله من صجي . فيه ناس مرضوا بسبة العين . و الحمد لله تشافو لما قعدو يقرون الرقية الشرعية على نفسهم .

روحي حق شيخ دين و خل يقرا عليها .

 

[أم بدير]

اول شي الله يشافيها ويقومها بالسلامه
ثاني شي انا من رايي تشوفين اكثر من دكتور واذا تقدرين تدزين اوراقها بره لاستشاري احسنلج
مابي اخرعج بس رفيجتي قالولها فيها ورم حميد ولازم يشيلونه
وقبل لايشيلونه لازم يسحبون منه عينه
ويوم خذوا العينه حددولها موعد عشان الجراحه ويشيلونه
اهي ماتطمنت وقالت اذا بتشيله تشيله بره مو بالكويت
راحت لندن ويوم سوولها فحوصات طلع تليف مو ورم لله الحمد بس المشكله انه كان من النوع اللي غلط تنسحب منه عينه لأنه ينتشر وهذا اللي صار
بس تدرين وين الصدمه؟؟
لما قالولها لا جراحه ولا بطيخ هذا النوع من التليف ياخذ علاج دواء كورس كامل ولما يخلص الكورس مافيج شي
خذت العلاج وطبعا طول زياده عن المألوف لأن بالكويت خلوه ينتشر بس عقب العلاج سوولها اشعه واختفت الأورام نهائيا ولله الحمد

اختها عقب مده سوت تحاليل وقالولها بالكويت نفس الكلام اللي قالوه لاختها
ودت تحاليلها عند نفس الدكتور قالها حالتج نفس حالة اختج وعطوها نفس العلاج وتشافت بسرعه لأن ماخلتهم ياخذون عينه ولا شي
والحمدالله الحجي هذا من خمس سنين ولي اليوم مافيهم شي وماكو احسن منهم​

 

[السنعة2]

الله يشفيها ويطمنج عليها

 

[*سكون*]

الله يشافيها .. اذا تقدرين تسافرين بره وديها .. واذا ما تقدرين روحي كل مكان سألي أول قبل لا يسوون لها جراحه .. وان شا الله ما فيها الا العافيه والله يشافيها ويطمن قلبج

 

[تخصص كنتاكي 1]

الله يشافيها يارب وروحي سالي اكثر من دكتور وانشاءالله مافيها شي

 

[mj2009]

الله يشافيها انشالله بس انصحك روحي فيها للسعودي التخصصي

 

[دكتوراة بالذوق]

زيتونة الله يجزاج خير وانا بروح كذا دكتور بس المشكلة انا ما اعرف احد وما ابي اهلي يدرون لان امي تعبانة وما ابي ازيد همم هم ... وربي كريم..


طفوش ...والحمد لله على كل شئ ... وتدرين كنت حاسة ان بنتي فيها شئ قبل لاتكلم الدكتورة..


احبكم الله يجزاج خير ويعافيكم..


ناعمة ابي شيخ ثقة انا متاكدة ان بنتي اللي فيها عين لانها كانت جميلة حيل بس اللحين صارت تخرع سبحان الله شلون تغيرت ؟؟ وجماعتنا كلة يمدحونها اول ؟؟؟


ام بدير تكفين تقدرين تساعديني وتقولين لي شنو اسم الدكتور والمستشفى ؟؟؟ الله يريح بالج ويعافيج



السنعة وسكون وتخصص كنتاكي تكفون ادعولهااااا

 

[دكتوراة بالذوق]

mj2009


مشكورة بس شنو السعودي التخصص وين مكانة ؟؟؟

 

[¤§ زيتونة §¤]

أسال الله العظيم رب العرش العظيم ان يشفي بنتها

أسال الله العظيم رب العرش العظيم ان يشفي بنتها

أسال الله العظيم رب العرش العظيم ان يشفي بنتها

أسال الله العظيم رب العرش العظيم ان يشفي بنتها

أسال الله العظيم رب العرش العظيم ان يشفي بنتها

أسال الله العظيم رب العرش العظيم ان يشفي بنتها

أسال الله العظيم رب العرش العظيم ان يشفي بنتها

 

[شمسه]

يا رب يا رحيم يشفي بنيتج ويحفظها لج من كل الشرور

حبيبتي لا تخافين مدام قالولج حميد الحمد لله أمره سهل يشيلونه وتفتك منه بعد عمري الله يخليها لج

أسأل الله العظيم رب العرش العظيم أن يشفيها

 

[ورده وزهره]

نصيحه لوجه الله
عليج بقراءة القرآن عليها خاصة البقره انتي الي اقري عليها احسن وقري البقره كااااامله بدون تقطيع وبعد اقري عليها على مكان الالم او الورم الفاتحه 21 مره
اتحطين ايدج على المكان وتقرين وتنفثين عليها .. طبعا مع الدعاء وقيام الليل

أسأل الله العظيم رب العرش العظيم ان يشفيها .. اللهم آآآآمين

 

[FOZQ8]

الله يشافيها يااااارب ويطمنج عليها
والله اختي كان ودي افيدج
عورتي قلبي
اختي روحي مستشفيات السعوديه الخاصه وايد يمدحونها ومنها المستشفى الألماني
بصراحه هني الواحد يخاف على عمره حتى لو كانت عمليه زايده

 

[*دبدوووبه*]

الدكتور الفرنسي

هوا
جورجي في مستشفى لمواساه

انا في ورمه بيدي
اول ماسويت سونار قالوي خلايا ميته
سويت اشعه قالولي ورم حميد
وشيليه

والله العظيم ينيت
رحت لمليون دكتور
وانا اعالج عند محمد الهيفي
قالي اشيلها لج وترتاحين
وبعدين قبل موعدي حق العمليه
والله العظيم والله << والله العظيم
اختفت الورمه ؟
والدكتور انصدم انها اختفت
وقالي روحي وانتي مرتاحه
رجعت لي مره ثانيه ؟
واستغرب انها رجعت بثلاث ايام وكبيره حيل
وقالي باجر العمليه
؟ رحت له وقالي اصغرت ؟
ماكو عمليه
نطري لم تكبر لانها خطره
مني مناك
حلمت حلم
وفسرت الحلم
انها عين قويه علي
وتدرين الناس ماترحم
سويت اشعه مره ثانيه
قالولي تليف صوب الوريد
لان ساحبين لي دم بالغلط
وراح يروح مع الايام
يوم تكبر ويوم تصغر
ويوم تختفي
؟ وانا الحين نسيت موضوع ايدي
والورمه موجوده ليم الحين
كل يوم تطلع لي بحجم
والرقيه الشرعيه
موقادره اسويها عدل

بس والله ياقلبي
ديري بالج
وانتي بنتج بعد قلبي صغيره
شوفي دكتور
عادل معرفي اتوقع اسمه او عدنان معرفي
المهم انه ولد معرفي
في مسشتفى ابن سينا
دكتور روووووووووووووعه وشاااااااااااطررررررررررر

ومافيها شي اذا استشرتي دكتور جورجي في مستشفى المواساة
او دكتور محمد الهيفي
والله انه شاطر
والحين اهوا اللي قالي ماكو جراحه خلاص
بس يتابعني علشان العلاج

والله يشافيها يااااااااااااااااااااارررررررررررررررررررررررررب

 

[noty]

الله اشافيها يارب

والله يمدحون الملك فيصل التخصصي وااايد والسعودبة قريبة

بس لالالالالالالازم واااااسطة

اهني مادري الواحد مايثق

يارب تلقيين واااااااحد زيين

 

[دكتوراة بالذوق]

بنات مشكورين كلكم والله اني حيل تعبانة مو قادرة انام ولا اكل واليوم انصدممت ان الورم لا مايبن انة حميد او خبيث الا بعد اخذ العينة ؟؟



استغربت شلون قالوا لي حميد بالسونار بدون لاياخذون عينة ؟؟؟ يصير او لا ؟؟؟؟؟ انا ما اعرف



ووواااي بنتي تعور القلب ماتقدر تقلب شوي شوي من كبر الورم بس انا متاكدة انها عين لانها ماشاء كانت حلو ة اقول كانت ؟؟؟؟


بس الله كريم وانااا وكيلي ربي والله رحيم بعبادة ...


وان شالله بقرا عليها اية البقرةة...


ودبدوبة تكفين وين صاير الهيفي بروح له باجر


وربي يعافيكم ويعافي بنتي ياارب