بنتي ضعيييييفه

[منتظرة الفرج]

السلام عليكم كيفكم خواتي حبيت استشيركم عن بنتي عمرها ثلاث شهور والحمد لله سليمه وطبيعيه ووزنها طبيعي بس اللي قاهرني انها ضعيفه يعني نحييفه نفسي تصير دبدوبه زي بعض الاطفال تفرح مع العلم انها ترضع طبيعي وصناعي والدكتوريقول الحليب كله زي بعض اتمنى اللي تعرف شي يمتنها تقول لي ولها دعوه حلوه

 

[حصووونه]

بنيتها جذي
انا بنتى ام سنه عصله ونتيفه اتفشل من لبسها بس شسوى خلقه من الله ماخليت شي عنها

 

[منتظرة الفرج]

مشكوره حبيبتي حصووونه على ردك انتظرالباقي

 

[أم المزيونه]

رد : بنتي ضعيييييفه

ضعيفه ومتعافيه الحمدلله مافي شي يسمن الجاهل بنتج توها صغيره 3 شهور اصبري لين تكمل 4 شهور وعطيها وجبات وسيريلاك
وحسب نوع الحليب يعني اس 26 بنظري ينفخ الجاهل بس يذبحه بالغازات
بس دام البنت متعافيه الحمدلله مليون مره

 

[منتظرة الفرج]

(ام المزيونه ) نورتي الصفحه

 

[جذابه بنت ذيابه]

رد : بنتي ضعيييييفه

حببيتي


لا صار عمره اربع شهور عطيها سميلاك بالتمر ,, حلو ومفيد

وشربيها ماي بتمر يقولون يمتن

 

[منتظرة الفرج]

شكررررا راح ابدا اعطيها ماي التمر لاني عطيتها كم مره وقطعته

 

[عروس شمالية]

رد : بنتي ضعيييييفه

حطي لها في مطارتها الماي قفشه صغيرة حلبه وان شاء الله خلال اسبوعين تشوفين التغيير

وبالعافيه ربي يخليها لج يارب

 

[om MaRyooM]

اغلب عيال هالجيل جذي مادري ليش


ودام وزنها طبيعي ومناسب لعمرها لاتحاتيييين كلش ..

ويقولون ان الحلبة تخلطينها مع الحليب تنفع للياهل ومغذية وتسمنه ..

بس نصيحة . .ارقي بنتج كل يوم قبل لاتنام وكل ماتطلعين .. ترا من اسباب هزالة الطفل وعدم تغذيته السلييمة اهي العين

ووالله يخليها لج ويحفظها

 

[ZajiL]

اهم شي الصحه والعافيه

 

[بنت حلال]

رد: رد : بنتي ضعيييييفه

حطي لها في مطارتها الماي قفشه صغيرة حلبه وان شاء الله خلال اسبوعين تشوفين التغيير

وبالعافيه ربي يخليها لج يارب

كلام سليم..انا بعيالي احط من 3 لي 4 حبات حلبه عشان الريحه بس ما تطلع بالبيبي...وتميت جذيه ليما كملوا السنه طبعا ما انسى بودرة الكالسيوم شريتها من الصيدليه اعطيهم من قفشه مرة او مرتين بالاسبوع بالرضعه!!!

 

[++The DuchesS++]

بنتي عمرها سنتين وجم شهر
وللحين عصله
هذي طبيعه جسمها مع انه اكلها طبيعي
وتاكل زين ماشاء الله

 

[اللهم الجنة]

مثل ما قالو البنات

 

[قلب سارة]

رد : بنتي ضعيييييفه

عطيها شخال التمره

يعني نقعي تمرتين في ماي حار وخليها لين تذوووب وبعدين صفيها وشربيها ماي التمر

 

[منتظرة الفرج]

مشكورييييييين على ردودكم