بنتي تشوهت

[فرحه عمر]

مرحبا بنات ابي اعرف شلون اخذ موعد عند د/ هشام ابورزق اللي بمستشفى البابطين للحروق
انا بنتي احترقت ايدها ورحت للطوارئ ولقيت دكتوره كويتيه اله لايحطكم عندها قالتلي حرقها سطحي وغيريلها بالمستوصف
بس ماخلاني قلبي ورحت د/عماد النجاده وانصدم منهم حتى الجلد المنصلخ مانظفوه!! وقالي حروقها عميقه من الدرجه الثالثه وفعلا حبيبتي طولت على ماتشافت قالي مع الوقت بتروح
الحمدلله على كل حال الجلد مو مشدود او مترفط بس في اشياء بارزه مثل الندبات وابي اخذ رايه
تكفون بنات طلبتك بنتي هالسنه روضه وبتتازم

 

[vi-lady]

حبيبتي خطاها السو انا سمعت عن كريم اسمه ميبو يوخر اثر الحروق والله اعلم انت روحي الصيدليه وسألي عنه وانشالله يفيدونج وماتشوف شر والله يبرد قلبج ياقلبي

 

[خربوشة ملونة]

الله يشفيها يارب صح كريم ميبو حلو للحرق بس انت تقولين حرقها من الدرجه الثالثه يعني لازم تسالين دكتور ادا فيه كريم اقوى بعدين لا تتكلمين قدام البنت عشان لا تتاثر

 

[miss t]

اسم الله عليها الله يشفيها ويعافيها يارب

بالنسبه لكريم ميبوو رووعه للحروق بس اظن ببدايه الحرق مو لا ألتأم
ولابرى اتوقع عملية ترقيع تجميليه
روحي استشيري طبيب جلديه افضل

وان شاء الله تطمنينا على قمورتج

 

[qa6wa_q8]

خطااج السوو ماتشووف شر انشالله والله يعافيهاا ويشافيهاا ياارب

 

[فرحه عمر]

حبايبي بنتي مانفع معاخا ميبو لانه عميق والحين طاب الحرق بس باقي الاثر

 

[بنفسجيه كول]

ماعندي علم


بس الله يشافيها ويعافيها بهالشهر الفضيل

 

[الفرح والدلال لي]

الله يشافيها يااااااااااااااااااااارب

 

[مناااوي2006]

الله يعافيهااااا

 

[الشرقية]

ما تشوف شر ان شاء الله

 

[سعودية عسل]

ماتشوف شر ان شاء الله


ياقلبي والله

بس عادي حبيبتي لاتخافين

انا احترقت من عملية ليزر الله لايوفقها اللي سوتها لي

واحترق وجهي بس استخدمت كريم ميبو والحمدلله رد وجهي طبيعي

وبعدها عملت تقشير لبشرتي

 

[حرم الحوت]

اسم الله عليها الله يشفيها ويعافيها يارب

 

[فرحه عمر]

ماتشوف شر ان شاء الله


ياقلبي والله

بس عادي حبيبتي لاتخافين

انا احترقت من عملية ليزر الله لايوفقها اللي سوتها لي

واحترق وجهي بس استخدمت كريم ميبو والحمدلله رد وجهي طبيعي

وبعدها عملت تقشير لبشرتي

ماتشوفين شر حبيبتي واجر وعافيه ان شاء الله بس بنتي حروقها عميقه وايد والايد وايد متاثره اذا على اللون مو مشكله بس صاير في اشياء بارزه ولونها وردي واكيد ماينفع معاها الا جراحه
بنتي نوعا ما متأقلمه والل يسئلها تقوله عنه ومرات اهيا توريهم الحرق بس اخر الايام اذا طلعنا في اللي يشتغلون بالمحلات ولا ناس وايد ملاقيف تلاقونهم يمسكون ايدها ويعبسون بويهها لايعه جبدهم من شكله ويسئلونها من شنو!!! شهاللقافه اللي لايعه جبده يصد ولا يسئل حتى لو بيسئل يسئلني مو يسئل الياهل حبيبتي حت 4 سنين ماكملت..... ومره بنطلع ولبستها كم 3 ارباع لقيتها تسحبه تقول اي هذا احسن عشان ماتبين ايدي مادري عشان ماتبي احد يسئلها ولا حست انه مو طبيعي؟؟


ومشكورين باقي الخوات على الدعوات الحلوه

 

[vi-lady]

حبيبتي ان شالله اجر وعافيه ,انا سمعت انه كل ماتكبر راح يخف الاثر وبعدين اللحين الطب تطور وكل شي قام يصير بالليزر,ونصيحه انت راجعي البابطين جود تلقين حل,ان شالله ماتشوف شر حبوبه​

:yaaaaaarb:

 

[ii DareeN ii]

روحي المستوصف واخذي تحويل حق البابطين وهناك يحددون شنو تحتاج وماتشوف شر

 

[WarDa_7aMra]

ماتشوف شر

لاتحاتين حبيبتي مع الكبر بيروح
انا احترقت ايدي من عمري سنتين
والحمدالله اللحين كبرت وماكو شي
بس شي بارز صغير مايبين الا بالقرب


بس اذا انتي خايفه راجعي البابطين

 

[**روان**]

الحرق مصيره يروح مع الكبر .... راح يختفي او يقل بشكل كبير ..
انا احترقت بخدي و صارت بقعه حمرا دائريه شوي كبيره و بس 5 سنين او اكثر بشوي راح و طبعا مع الوقت كان يخف

و الحمدلله عالسلامه

 

[شندوخه]

عادي روحي بيوم العياده اعتقد الاثنين او الثلاثا ودشي عليه كلميه
د هشام حبوب مايرد احد ولو تقوليله بس ابي رايك يجاوب وماعليها شر ان شاءالله

 

[ام عناز]

هلا حبيبتي والله يشافيها بس والله عن تجربه كل يوم بالليل حطي عليه عسل بس يكون عسل زين ولد اختي احترق والله امه جربت اكثر من كريم بس والله بس حطت له عسل من اول يوم بدي يبري والحين ما له اثر ما شاء الله

 

[*الغالية*]

الله يشفيها يااااااااااارب ا كريم