بنتي تتزواج بالحفر الباطن ودي شغل الصالون من الكويت

[نوف&&]

نصيحه لا تسوووين بالحفر سواء عند منال ولا الظفيريه
والله مو نفس مكياج الكويت ولا شي
اصلا بس الكريم جنهم حاطين جبص بالعافيه يروووح
نصيحتي انتي كلمي صالونات الكويت انهم يخلصونها مبجر احسن
عشااان تتطمنين انكم توصلون مبجر وترتاح العروووس جم ساعه وانتي بعد ترتاحين وتتطمنين انكم وصلتوا
قبل الزفه بجم ساعه
والله يوفقج بنتج ويطمنج عليهاااا

 

[توام قلبه]

نصيحه سوي بالحفر لاتسوين بالكويت الجو راح يكون حر
و منال الظفيييري روووعه شغلهامثل الكويت
وانا شخصيا سويت عندها والمصوره بعد ام سيف يمدحونها
بس انا ماشفت شغلها
اما البدله اخذيها من الكويت بس لاتقولين انج مسافره فيها
ترى مايرضون انا اخذت بدلتي ورجعتها بعد يومين ولادرو
ومبرووك​

 

[الدلوعه2008]

الله يوافقها حبوبه وان شاء الله البنات يفيدونج

 

[رضاهم جنه]

يا كثرهم الي يسوون هني ويسافرون وحتى الي تطبق تطلع لسياره علشان تشوفها وتختم جوازها يعني بدون لا تنزل
بس انتي اتفقي مع الصالون انج تبين تطلعين الساعه 4 ومبروك مقدما

 

[ناتشوو]

انا من راي البنات
لا تجازفين بمكياج اكيد ماراح يكون بمستوى صواليننا
حتى المصورة تهون
اذا مو حلوين الصور خشوهم وخلاص
بس المكياج اذكر مرة بصالون عروس طلعت الساعة 12 الظهر
ولا تخافين الله يبارك بالتكييف
الله يوفقها

 

[emynice]

حبوبة عادي خليها تسويه هني وتروح هناك
انا بعرس خالي سويته هني ورحت للحفر عادي لاخرب ولا شي .. الله يخلي مكيف السيارة
والله يوفقها يارب

 

[منار البربرية]

البنات كفوو ووفو ومبروكين مقدما عليك وسعيد ومبارك

 

[بنك شوقر]

حياتي الف الف الف مبروك ونصيحه مني خليها اتسوي مكياجها بالكويت اذرب واحلى وقولي حق الصالونه خل تكثر مثبت لان العرس راح يكون بالسعوديه انا بنت عمي حطت مكياجها وتسريحتها عند حنان دشتي وكريم جسم والبست لبس خفيف تحت العبايه وكان عرسها بالخفجي وطلعت ملكت جمال لاخرب ولاشي واذا عن التطبيق قوليلهم معاي عروس بالسياره ماتقدر تنزل والله يوفقها انشالله وخليها تصور بصالون واسئلي المصورات بالكويت اذا يقدرون يروحون الحفر وياج وعلى فكره انا عيال عمي كل متزوجو بالسعوديه نحط انا وخواتي مكياجنا عند حنان دشتتي وروحلهم بالخبر تخيلي طريق اربع ساعات ولايخرب ولاشي وكل يتفاجا من مكياجنا احلى منهم والله يخلي التكييف بس اهم شي تحجزين علشان تكون اول عروس علشان لخلصت تصور وتمشي سهاالات ياقلبي والله يوفقها انشالله