بنتي بنتي بنتي-كحه

[كي كي]

السلام عليكم ياحبيباتي
انا اليوم بستنجد فيكم
بنتي
بنتي
بنتي
عمرها 5 سنين تكفون قطعتها الكحه
متواصله بس ناشفه يعني من غير ""بلغم ""
والله قعد اكتب وكحتها واصله لي عندي
ابي سوالف اشربها هلكت من الدوا ء
قعد اعطيها سايني كود اول وحدة بوحدة ينفع معاها
بس الحيييييييييييييييييين ماكو فايدة
والله محتارة

ردو على الحين شعطيها

 

[* عباية راس *]

أنا مره دخلت المستشفى بسبب الكحه كانت حيل قويه وكنت حامل وموقادرين يعطوني دوا عاد في وحده الله يجزاها خير معاي بالمستشفى قالت لي انها كانت مثلي وشربت مره وصارت زينه ونقعتلي مره وشربتها يومين والحمد لله صرت زينه

نقعي لبنتج مره وشربيها بس مو تبرد وتشربينها خلي ماي المره شوي دافي وشربيها كل ما كحت شربيها مره وان شاء الله تصير زينه

والبدو يسمون المره مضاد حيوي

ماتشوف شر بنيتج وطمنينا عليها

 

[كي كي]

يابعد قلبي يا عبايه الراس صج المرة زينه بس ماتوقعتها حق الكحه خلاص اخذ من الوالدة وانقعها اليوم وما قصرتي ياقلبي يعل عيني ما تبجيج


اما الباجي اللي دشوا حتى سلامتها ما كتبو ما قول غير الله يسامحكم والله شاده حيلي فيكم بس بيضتها عبايه الراس وماقصرت معاي .....

 

[تفاحه_74]

هلا حبيبتي

هلا وغلا اختي ,, ماتشوف شر البنوته ,,

الله يعينا على هالكحه وهالحساسيه ,, اغلب االيهال والكبار يعانوون من الكحه ,,

ومثل ماقالت عباية راس , المره ممتازه ,, وتقدرين بعد تشربينها حلبه بس لاتطبخينها وااايد عشان المروره لاتطلع بزياده

الحلبه معروووفه للكحه ,, والله يشافيها

 

[Heavenz]

السلام عليكم

ان شاء الله ما تشوف شر البنت

نصيحه لج لا تخلينها تشم بعض العطور القويه حتى الكمفورت ممكن يتعبها و بعض الصابون ليما تخف كحتها

خليها تشرب المره باستمرار

وقبل النوم نقعيلها مع شويه ماي دافي لبان وحركيه لما يذوب و عطيها قفشه منه

وباذن واحد احد بتشوف العافيه

 

[@Miss Dio@]

شوفي حبيتي اذا جربتي كل شئ والله ل يقوله ما فاد
في دكتوره بطيبه كلينك تخصص ربو وحساسيه اطفال وايد زينه عن تجربه بس والله ما اعرف اسمها وديت ولدي لها من زمان
ماتشوفين شر

 

[login]

ماتشوف شر بنتج انا بعد سامعه عن المره وعلج البان نقعيهم مع بعض وشربيها وان شاءالله تروح

وشربيها بعد ماي زمزم ودهني صدرها بزيت مقري عليه واقري عليها الرقيه الشرعيه بعد

والله يشفيها ان شاء الله وطمنينا عنها اوكي

 

[**تاجر الزين**]

ما تشوف شر بنتج عليج بالمره والحلبه والاشياء الدافيه وتصير زينه بأذن الله



مع خاص تحياتي


تاجر الزين أسمي انا

 

[كي كي]

يابعد قلبي اي جذي ردودكم تشرح القلب وان شالله ما تشوفون شر يارب لابعزيز ولا بغالي

 

[*دنــيـQ8 ــا الوله*]

ماتشوف شر انشالله

 

[وردة-الكويت]

شوفي كي كي جيبي ملعقه حوس صغيره مالت الجاي وغرفي منها مره ومسمار ناعم وخلطيهم مع بعض وصبي عليهم قفشه زيت زيتون بفنجال قهوه وصبي عليهم قهوتج العاديه وشربيها مره على الريج ومره العصر من اول يوم راح تبين النتيجه

وماتشوف شر بنتج

 

[وردة-الكويت]

واي سؤال انا حاضره وجربي الي قلت لج عليه ترا عن تجربه شخصيه

 

[يارا 2]

حبيبتي انا بنتي والله ماكانت تنام الليل قالتلي أمي نقعبلها علج البان خذيته من العطار ونقعت جم حبه تقريبا خمس
وقبل ماأعطيها منه حسته بالقفشه وبعدين عطيتها قفشتين والحمدلله الحين اهي بألف خبر وماتشوف شر بنتج حبيبتي

 

[حبووبة 76]

ماتشوف شر البنوته ,,

 

[الغاليه نونو]

سلامتها ياقلبي مااتشووووووووووف شر يارب


سمعيني ياقلبي روحي الحواج واشتري منه .....جهار تخمه......... هذا يعطيجياه بطل وفيه حبووب مخلوطه انتي ماعليج الا انج تحطين قفشه كبيره بقلاص ماي حار وتطبخينه وحطي عليه شوي ماي ورد ونبات وخليه يطبخ وتالي خليها تشربه

طعمه حلوو يهبببببببببببببل مافيه مراره ولاشي وخاثر اشوي لما تطبخينه خليها تشربه وادعيلي

 

[جودالحزن]

هلا اختي

كي كي

هلا حبيبتي

هلا وغلا ,, ماتشوف شر البنوته ,,

الله يعينا على هالكحه وهالحساسيه ,, اغلب االيهال والكبار يعانوون من الكحه


بس صدقيني اختي مافي زي الفقس.بتقولين حار على البنت.

لكن جربي وبتدعين لي
والله بنتي تشلع قلبي بكحتها.واتضايق.الين الله يكرمكم تستفرغ.

صرت لما تنام ادهن صدرها الين الحلق فقس. والظهر كله مع مساج خفيف.

ودفيها زين زين.

وان شاء الله ماتشوف غير ا لعافية


الله يشفيها ويشفي كل مريض

اختكم/ جود الحزن

 

[letayef_q8]

اختي العسل يوميا قبل النوم واول ما تقعد من النوع مع 7 حبات حبه سوده وادعي وانتي تعطينها والله يكافيها الشر وعسل العويد واااااااااااااااااااااايد زين سئليني عنه