بنتي بتروح من ايديني

[* Snow White *]

حياتي والله
ديري بالج عليها وريها اهتمامج فيها بس مو بطريقه تخريع
وشجعيها، الطفل بهالعمر يتاثر من كلام امه وابوه بسرعه
شجعيها بالحجي ومدحيها، عشان تزرعين الثقه بنفسها
طلعيها ونسيها، اقري عليها .. شوفي منو رفيجاتها بالمدرسه يمكن يعايرونها او شي؟

ان شاء الله ماكو الا العافيه لاتحاتين

 

[ام فجر3]

والله حسيت اني بين خواتي ماقصرتوا على النصايح استفدت منكم كثير اليوم سويت حفلة عيد ميلادها ومن البارح مانامت من الفرح تجهز التوزيعات والحلا ولما خلصنا قالت ان بطنها يعورها خافت تروح تنام تبي تنام معاي قلت لها راح تنامين مرتاحه اذا سمعتي قران وبسرعه بعد والحمدالله نامت ولما جاتها هديه جاكيت قالت يمه شكله ضيق بعطيه اختي قلت لها لاخليه لانك بتضعفين
بس اللي قاهرني من يجي وقت الاكل يجيها المغص وخايفه لاتكون عين قويه
ومشكورين مره ثانيه

 

[منــورة]

الله يخليها لك ولأبوها ,, يارب ويخليها لعين ترجيها ويشفيها يارب العالمين .. ياكريم ياعليم ياسميع يامجيب ..
ياأحق من عبد واكرم من أعطى وأعظم من سئل .. يامن عز فأرتفه وذل كل شيء له فخضع .. يامن لايهتك الستر ..
الله أكشف ضرها وضر وادي وضر كل مريض .. وجميـع المسلمين ..
وديها أحس مافيها شي تودينها لدكتور نفسية ..​

 

[خليفة العظماء]

الله يشفيها

انا قبل اخوي كان يخرعني وينطط بظلمه سوابي كابوس
وكنت اروح عند امي ابجي اقول لها بموت بموت
وخايفه وقعد ابجي عندها حيل
وصرت اخاف اروح الحمام وتخيل اشياء
ما انسا هالفتره كل صغيره واخي يخوفني وكنت دايما احس اني بموت اعوذ بالله
صدقيني في احد مخرعها
ربي يشفيها

 

[NOORALLAH]

الله يشفييييييها ان شاء الله
​

 

[*عيون مغليها*]

الله يشافيها

 

[ماني من الناس]

خليها تحفظ ايه الكرسي وتقراها قبل النوم بترتاح نفسيتها

والبنت اشكره شكلها متعقده من جسمها ويمكن سامعه اشيا مو زينه عن المتن ان يأثر عالصحه وخايفه عدا عن التأثير النفسي

انا اقول شجعيها علا انها تضعف وسويلها انشطه ترفيهه وخليها تنسى وتغفل عن مشاكلها وهمومها اكيدا تعقدت من الكلام الجارح من البنات

خليها تحب حياتها وبايدج هالشي صلي معاها طلعيها المممشاا اكليها اكل صحي علميها

 

[غـلاوي تش]

انا ما اعرست ولا اضنيت بس انا عارفه للاطفال حيييل لاني حيييل اخلطهم واسولف معاهم واقرا واحب كل شي فيهم

شي حلو بنتج تقول جذي ماشالت همها بروحها وتعقدت ونعزلت هي شكت لج يعني تبي حل وهي ماتعرف شنو بالضبط
سوي لها دايت وجبات خفيفه ( بيض مفيوح_ توست اسمر ولا ابيض عصير جبن قلاص خس تونه واجد اشياء تقدر تاكلهم وماتسمن واذا ع الكاكاو وتحبه في كاكاوات رجيم او حتى تاكل الكاكاو العادي بس لزم تشرب ماي واجد لا يقل عن 7 اكواب مع الحركه
ابعديها عن العيوش والوجبات الدسمه وبنفس الوقت لا تميزينها عنكم يعني تاكلون شي قدامها هي تحبه ويكون يسمن ممكن مره بالسبوع تسمحين لها دامها صغيره الحقي عليها باجر تكبر وسمنتها صعب تنزل اخذيها للممشئ بين فتره وفتره واذ ماقدرتي لسووق تمشي المهم تتحرك حتى لو بالبيت امريها تجيب تلفونج الي بالغرفه مثلا الحركه بركه حسسيها انج تعتمدين عليها بشي وان هي الوحيده الي تقدر له عشان ترد تكسب الثقه بقدراتها
واذا جذبت قولي لها ماتعيدها مره ثانيه وانج هالمره سماح امممممم تخاف من النار والعذاب << في قصص واجد مفيده سوي بحث بقوقل قصص للعبرة والعظه << وفي قصة قريته مراه حلووه قصة مالك بن دينار شلون صار مسلم بفضل بنته ...الخ قصص واجد روعه
بس الاهم ارقيها دوم قبل لا تنام سبحيها بماي مقري عليه ادهني شعرها بمقري يمكن عين ولا فطنه عليها لانها متبتبه شوي ناس ماتذكر الله

والله يخليها لج ويحفظها

 

[برنسيسة2007]

شوفي اختي انا لما كنت صغيره مريت بالهتجربه وديري بالج راح يتحول الى وسواس قهري انها اتغسل ايدها مليون مره
انا عمري كان10سنوات بالضبط اولى متوسط(خامس الحين)بس للامانه انا كنت مصيوبه بعين
كنت اخاف من الموت واخاف على امي وابوي لايموتون
الحل:
تحتاج واحد تثق بكلامه يعني تحدثي معها عن الدين بالامور الحلوه وفهميها ان احنا لما نموت ونروح القبر مانقعد بهلحفره لا ان كون بالجنه وقوليلها انها الحين مو محاسبه وان الله يحبنا وقوليلها اهوال النار بس حق الكافر اللي مايصلي وخبريها بسجدة السهو قوليلها حتى لو كنت موعارفه شنو تقرين بصلاتج وسحدتي سجدة السهو الله يقبل صلاتج>>كلميها بهطريقه لانها صغيرها
بس لاتحسسينها انها فيها شي ولاتوديتها دكتور وارقيها الرقيه الشرعيه وحصنيها وروحي المدرسه وكلمي ابلاتها يثنون عليها ولايعلقبونها او يانبونها لاي سبب من الاسباب وحذار تدري انج رايحه المدرسه واذا جت الشهاده اثني عليها لو علحفه
وقوليلها انا لما كنت كبرج كنت متينه والكل منهبل علي لان البنت التختوخه احلى من العصله وقولي شوفي راح تسمعين ناس يعايرونج هذولا محترين ودايم امدحي اللبس اللي عليها عند احد وهي تسمع اسمله على بنتي فلانه اي شي تلبسه روعه يعني عند خالاتها ابوها واتفقي انهم يايدونج الراي
ترا ياهل اي شي تزرعينه براسها اتصدقه
وادعيلها وانتي لاتحاتين انا كنت نفس بنتج والحمدلله سنه وحده وانفكت عقدتي بس ترا هذي البدايه اذا اهملتيها بتجننج تخاف من الامراض والجراثيم واي شي تسمعه تحسه فيها والهيها في البيت اذكر اختي الكبيره جابتلي صوف وشبكه وكنت انقش وحطتهم بجنطه علا ظهري معاي وكانت تلهيني عن التفكير
بس ارقي بنتج ترا من اعراض العين الوسواس