بنتي بتروح من ايديني

[ام فجر3]

شخباركم بنات
مادري منين ابتدي بنتي اللي ماتعدت العشر سنين خايفه من الوت تقول فيني شي في صدري خانقني ومره تقول ابي اعيش حال حال البنات ليش انا متينه وشوي تصيح شوفي صلاتي يمكن غلط ومره تقول سامحيني انا كذبت عليك واعترافات مالها اول ولا تالي واذا قريت عليها قران تخاف زياده اذا الايات فيها عن العذاب والنار والله تعبت صار لها اسبوع ماتروح المدرسه تخاف على اختها تضيع واشاء ثانيه ماادري شالحل قلت بوديها دكتور اعصاب ابوها
ماايدني قال يمكن فتره وتعدي تقول ابي ارجع مثل اول وديني عند احد يعرف شفيني والله كاسره خاطري ماعندها ثقه في نفسها بسرعه تنقهر وتصيحتذاكر ةتتعب واذا رحت المدرسه تتعلثم وتخاف وتقول انقهر على نفسي اذا شفت البنات يقرون ويكتبون وانا ماقدر
حبيت افض فض لكم واذا عندكم حل لاتبخلون علي فيه

 

[بنت حظوظ]

اممممممم غريبة خايفة من المتن توها صغيرة على هالسوالف شوفي خذيها على صوب وكلميها او روحي عند الاخصائية الاجتماعية بالمدرسة ممكن تحل مشكلتها

 

[جود المري]

حبيبتي .. إرقيها

آيات الرقيه تجلب الراحه للنفس والطمأنينة للقلب ..

آية الكرسي .. المعوذات .. خواتيم سورة البقره ..الفاتحه

إرقيها بهم وإقريها في مويه وزيت زيتون وشربيها من المويه وعطيها ملعقة صغيره زيت زيتون تشربها

وحفظهيا الأذكار وحرصيها عليها كل صبح ومساء وبإذن الواحد الأحد ترجع لكم مثل أول وأحسن

 

[ام فجر3]

بنت حضوظ بنتي اسم الله عليها متينه غير خواتها وبعض البنات يعايرونها
اختي جود اول مااقرا عليها تصير زينه وبعدين ترجع لها الحاله تقول خلاص ماابي افكر احس اني بموت والله قلبي يعورني عليها

 

[amal ksa]

حبيبتي هي خايفه من شيء بسم الله عليها
وديها دكتور نفسي ضروري وبااسرع وقت او اقعدي معها وحسسيها بالاامان وانه مافيه شيء يخوف مهما يصير انتي معها
الله يحفظها من كل شر ودكتور نفسي بيساعدكم اكيد

 

[| تفاصيل |]

ماعليها شر ان شاءالله
شغلي سورة البقره بغرفتها و في بيتكم
خليها اتقول اذكار الصباح والمساء وقبل النوم

طلعيها مشيها لو تقدرين سافروا دبي جم يوم
وديها دكتور تغذيه عشان تتطمن ان تقدر تضعف بسرعه

حاولي اتلهينها العاب طلعات تلفزيون
لا اتخلينها اتفكر

 

[بنت حظوظ]

اذا شفتي حد يعاير بنتج هاوشيهم قوللي لهم مالكم خص في بنتي وعادي اصلا المتن مو عيب قولي لها خل ترد عليهم

 

[طيوبه89]

اخاف معاها ضروره!! وديها عند شيخ

 

[ميس المشاعر]

انا اقول يمكن في احد يسولف لها سوالف مو من عمرهااا
يعني مثلااا اهوال يوم القيامه والقصص الكثيرة وهي صارت تخاف من كل شي
لأني اعرف وحدة بعايلتناكانت نفس الحاله كله خايفة وبس والسبب انها سمعت قصص كثير عن يوم القيامه وجتها الحاله
الحل وديها عند اخصائي مختص في حل المسائل اللي جذي وانشاءالله بتتحسن
وانتي دورج كأم دايم قوليلها انا جنبج ولا تخافين من شي وإساليها هي خايف من شنووو وعرفي بطريقتج شلون تحلين مشكلتها
وحسسيها بالحب والامان حواليهااا يمكن تكون محتاجه لهالشي وحاولي تشغلينها بأشياء اهي تحب تسويهااا
وانشاءالله ربيي يشافيهااا وترد نفس قبل وافضل آمين

 

[Joy close]

الله يشفيها ان شاءالله

 

[غرور الريم]

الله يشفييييييها ان شاء الله

 

[rymyy]

حبيبتي وديها عند اخصائيه نفسيه بسرعه قبل لاتزيد حالتها

 

[سحـورة]

ي عزيزتي ريحي بالج ..
بنتج يمكن إتعقدت من المتن اللي فيها
أو حد لا بسها دام ما تنتبه ..
أنصحج تبتعدين عن الأطباء النفسيين و الله خطر عليها
و هالشي بيأثر عليها أكثر وزياده بعد
بس إقري عليها ... وهي راقده شغلي البقرة ف الغرفه ،
و إمسحي على راسها و إنتي تقرين !


- إبتعدي بعد تام عن المستشفى النفسي

 

[Unusual]

بسم الله على قلبها ماتشوف شر ان شاءالله ..
اختي ام فجر اسأليها ليش هي خايفة ..
احد حكالها قصص وقلبت حياتها ..
يمكن المدرسة بالمدرسة حكتلهم قصص عن القبر او يوم القيامة وبنوتك اترعبت ..
او شافت شي بالتي في .. عن هاذي الأمور ..

اقري عليها .. ودائما شغلي في بيتك وغرفتها قرأن دام انه يريحها ..
قربي منها اكثر ،، حاولي تسحبي منها كلام عشان تعرفي اش منبع واساس مشكلتها ..
لأن الخوف شي مو طبيعي عند االأطفال .. لو كانت كبيرة قلنا ممكن ..
اجلسي معاها لما تنام .. بغرفتها ع اساس ماتجلس تفكر ..
احكيلها قصص حلوة .. حتى لو كذب ومن خيالك كلها تفاؤل بالحياة ..

وقوليلها انك راح تساعديها على تخفيف وزنها وراح توديها لأخصائية تغذية .. وانتي بدورك اعمليلها حمية بالبيت
يمكن جسمها مأثر ع نفسيتها .. خصوصا اذا كانت عندها زيادة كبيرة نوعا ما ..

اذا استمر حالها اعرضيها ع اخصائي .. الظاهر بنتك تحتاج علاج سلوكي وليس دوائي ..
وان شاءالله ماتحتاج لشي من هذا .. وتكون سحابة صيف وتعدي ..

 

[حجيه هيونه]

اول شي الرقية على طول
وخلي البقرة شغاله ببيتج وبغرفتها


ثاني شي انتي احتويها خليها تسولف لج وهدي مخاوفها ولاتحسسينها انج متضايقه ومخترعه لانه راح تزيد حالتها

ثالث شي وديها طبيب تغذية ونادي وخل تتشجع وتسوي رجيم وتلعب رياضة بتلقينها تغيرت نفسيتها وايد


الله يهديها ويرفع عنها يارب

 

[عزة وكبرياء]

ياحياتي توها صغيرة علخوف شوفي ياقلبي مثل ماقالو الأخوات شغلي سورة البقرة وإرقيها وقبل النوم إقري معاها قصص حلوة وبعدين تقرون المعوذات وأذكار النوم وإستودعيها رب العالمين الذي لا تضييع ودائعة صدقيني ياعمري ترى القرآن أحسن دوى لا تقولين طبيب نفسي وأأخصائية انا كان فيني ضيج مايعلم فيه إلا الله ولما شغلت سورةالبقرة حسيت براحة نفسية وقلبي ارتاح من الخوف والهم اللي كنت أحسه بداخل صدري ربي يشافيها ويعافيها ويبعد عنها وعن عيالنا كل مكروه وشر آمين ياربي طمنينا عليها لا تخلينا:eh_s(7):​

 

[عادت ذكرياتي]

حاجيها وخلي بينج وبينها اخذ وعطا يمكن تقولج شي

 

[إعزاز]

غيري مدرستها لان يمكن عندها مدرسات ما يخفون الله وأكيد .
أنا كانت نفس بنتج من (مدرسة عربي حسبي الله عليه )

 

[طيوبه89]

انتي بعد اهتمي ابنتج في جسمها حرااااام

 

[شادن33]

داومي علرقيه وبنفسج