بنتي الرضيعه :(

[noorq8]

الحمد لله على سلامتج ومبروك البنوته ,

حبيبتي في بالصيدليه فيكس أطفال دهني قاعة ريولها ولبسيها دلاغ وفي جهاز تبخير (جهاز يطلع بخار ماي ممكن تحطين فيه نتفة فيكس فيطلع ريحة الفيكس بالغرفه ولاتفترين فيها بين الغرف يعني خليها على طول بمكان دافي ولمي كف ايدج كأنج بتغرفين شي (ماأدري اشلون أوصفها ,يعني تخيلي بتغرفين ماي بايدج اشلون تلمين أصابعج ) لمي كف ايدج بنفس الطريقه وطقطقي على ظهرها بين ظلوعها عشان يتفتفت البلغم وراح تلقينه يطلع بالحفاظه .

ومسحي نتفة فيكس اطفال عند طرف خشمها وبلعومها يساعدها عالتنفس .

 

[qazlaan]

هلا جذابة حبيبتي ما كنت ادري انك ولدتي الف مبروك والحمدالله على السلامة انا بعد ولدت وولدي عمره ١٠ ايام الله يشافي بنتك

 

[tmtmt]

حبيبتي ماتشوفون شر
وديها عند د. سعاد البصيري ماشاءالله ممتازه حق اليهال
وان شاءالله بتفيدج

وماعليها شر ان شاءالله

 

[MiSs_PiNkOz]

دهني صدرها بزيت زيتون وحطي فوطه عليه ودفيها عدل

انا بنتي يوم كانت 3 اشهر عطوها دوا كحة اسمة بروبسان وهذا فيه عسل وقالي اعطيها نص ملي

واذا خشمها مصكر اشتريلج شفاطه خشم لها وشفطي وجنه احسن شفاطه بيجون

وحطيها علي بطنها وطقطقيها عشان اللي بخشمها كله ينزل

 

[للحين ناطره]

سلامات ماتشوفون شر
الله ايشافيها ان شالله

 

[العفاسيه]

شريبيها منقوع الحلبه

واخذي زيت زيتون ودفيه عالنار مع قطع ثوم شويه ودهني صدرها

وحق بوصفار في اعشاب اسمها عصفر بالعطار وحطيها تحت الليت ويخف ان شاءالله

 

[فـراوله]

حلبه وحبة سكر نبات


عن تجربه

 

[موله الكويت]

ياقلبي الله يشافيها يارب خلج على كلام الكتور

 

[عبث طفله]

عطيها التحاميل اللي تطلع البلغم وحده بوحده انا استعملتها لبنتي يوم كان عمرها شهرين عجيبه ..

على طول نوميها على بطنها ودهي عليها ولما تكف راح يطلع البلغم من نفسه ..
انا امي سوت هالحركه لبنتي انصدمت طلع منها تكرمين بلغم قطعه كبيره ومن عقبها ارتاحت ..


لاتسبحينها كل شوي خلي كل اسبوع مره لانه الجو الحين مره بارد مره حار ..

 

[++The DuchesS++]

ما تشوف شر يارب
واتوقع توها صغير على تحاميل البلغم
اهم شي لا تعودينها على الكمام مهما يصير
ودفيها وكل اليهال مرضى بالهوقت الله يعين

 

[وردة الكاميليا]

أول شي ألف ألف مبروك العروسة والله يخليها لج والحمد لله عوض صبرج خير صج فرحت لج من كل قلبي حبيبتي لا تحاتين ان شاء الله تصير زينة يا قلبي بس انت دهنيها بزيت زيتون دافي ولا تشربينها شي حرام توها صغيرة

 

[بقلبك مكاني]

رد : بنتي الرضيعه

هلا جذااااااااابه الحمدلله عالسلامه فقدنااااااج وفررررحت لج وااااااايد بالولاده في اخت منزله عنج موضوع بقسم النساء والولاده الله يقومج بالسلامه وبالنسبه للبيبي الله يستر هذا فايروس حايش اليهال عامه بس اهم شئ لاتعرق ويدشها هواء من هالشئ تمرض حراااااام
​

 

[KOKO_284I]

رد : بنتي الرضيعه

وديها حق دكتور خالد بوحيمد بميدان حولي روعه هالدكتور

 

[ام سويرة]

الحمدلله ع السلامه والله يحفظها ويشفيها
حق الصدر والبلغم مكو الا الحلبة وزينه للعظم بعد
الحمدلله عيالي لما اعطيهم يرتاحون بنتي كانت على طول كمام ولا بعد وقائي
بس ما استفادت
واللهم لك الحمد عطيتها الحلبة وبفضل ربي قامت تبطي حيييييييل عن الكمام
وقبلها اخوها واللي نصحني فيها

د. مازن العيسى​

وانتم بكرامه البلغم يطلع مع الخروج
وهم بعد لما ترضعينها سواء طبيعي ولا صناعي رفعي ظهرها جنها قاعدة بس مو حيل
والصفار ماي وسكر وشوي زعفران​

 

[ام التاريخ]

الحمدلله عالسلامه والله يحفظها ويشفيها حطي سبع حبة حلب بلماطرة ودهن بزيت زيتون

 

[Om_il3ubed]

قوه..

حبيبتي نفس الي صار ب بنتي كان عمرها 10 ايام لما صار معاها جذي ونقس الشي ماعطوها الا ماي الملح لان الجبده ماتتحمل الدوى..

انتي شربيها ماي نبات عشان يدفي صدرها و كملي على الماي ملح .

وحاولي شوي واهي على ريلج تحطينها على بطنها وشوي حركي ايدج على صدرها من ورى راح يخليها تطلع البلعم وترتااح
بس لا تخلينها ابدا ابدا تنام على بطنها وانتي نايمه وماتدرين عنها مو زين .

وبعدين خلي غرفتج الي قاعده فيها نوعا ما معتدل جوها لا بارد ولا حار الي غته خصوصا اذا كنتي تطلعينها الصاله ويصير تغيير جو عليها او شي عرفتي.

ولحد يقرب صوبها وايد عشان ما تمسك بسرعه

والله يعينج.. يدتي تقول زمان اول يقولون الياهل الي يمرض بالاربعين يلزق فيه المرض لين يكبر ويظل يروح ويرد... وصجج والله بنتي الحين حبيبتي عمرها 10 شهور لازم كل اسبوعين 3 خشمها يصبصب و حالتها حاله.

يالله الله كريم اهم شي عليج بماي الملح والي قتلج

الله يشافيها يارب

 

[دآنة آلرشآيده]

يآحيآتي اسم الله عليهآ
توها صغيره خلج على كلام الطبيب
او وديها لـ الشرقاوي مال الاطفال اللي بالجهرا
يمدحونه حيل عسى ربي يحفظها ويشفيها لج