بنتي اعالجها نفسيا وانصدمت من كلامها بالمدرسه

[ديرتي الغاليه]

حبايبي انا كنت كاتبه موضوع عن بنتي وهذا الرابط بنتي من شافها بجى علي حالها بس اللي قهرني انها اليوم تقولي البنات ياخذون بطاطي واكلى بالفرصه لهم 3ايام ومن غير اللي اليوم طقتها كف بالصف شافوها ما تاخذ حقها وخوافه قاموا يلعبون عليها قلت لها ماما اللي يطقج طقيه ولا تخلين احد ياخذ اكلج تقول لا خليهم اخاف بعدين يجيبون امهاتهم ويهاوشوني :0bee2e8d89: شسوي معاها اشتكي ولا اخليها مع الوقت تاخذ حقها

 

[¤§ زيتونة §¤]

حبيبتي


الله يخلي لج عيالج ان شاءالله

ولا تسكتين عن حق بنتج دام السالفة تكررت لا يقلبي روحي وسالي الاخصائية وبلغيها بهالشي

وخصوصا اللي طقتها كف؟؟!!!!
شكو تطقها ولييييييييش شمسوية؟؟

لا ما يصير تخلين بنتج تتعرض لهالمواقف حتى لو اهي هادية ومؤدبة بس عاد ما يرووح حقها وتصير ملطشة -عفوا- للبنات !!!


روحي مدرستها وكلمي الاخصائية وخل اتييب البنت اللي طقتها كف تعتذر لها يدامج ومالج شغل فيهم

ومعاج حق بالشكوى لان الشغلة تكررت مو بس مرة وانتهت لا راح تصير يومية ..



الله يعين بنيتج حبيبتي

 

[sereen]

بصراحه من الحين لحقى على البنت لاتطلع خوافه وماتعرف تاخذ حقها بيدها .... لازم اتصير قويه وتواجه النا س وهذا الحين تدريب لها والاخصائيه المفروض ترشدج بالخطوات الصح تلافى مشكله نفسيه ممكن بنتج اتطيح فيها والله وياج

 

[أم عبووووود]

وعليكم السلام ورحمة الله وبركاته

حبيبتي علمي بنتج تاخذ حقها وما تسكت لا تطلع جبانة انا بنتي اول السنة كانت تنطق واشتكيت بس هم يتكرر الشي قمت اقول لها اللي يطقج طقيه ومدرستها قالت لي ان بنتي تطق فهمتها الموضوع وقلت انا قايلة لها اللي يطقج طقيه عورت قلبي مرة قالت لي ان وحدة طقتها طراق وهي بس بكت ماسوت شي هنيه زفيتها وقلت لها اللي يطقج طقيه والله يعينا كلنا على تربية بعض اليهال شي مو طبيعي وماكو طفولة

 

[Miss_Tiger79]

كلمي الاخصائية ولا زم اتحاجين بنتج وقوليلها مثل ما ايبون امهاتهم لا تخافين انا بعد الي تسويلج شي انا اييلج المدرسه احاجيها
علميها ما تخاف جدامها الطريج طويل وكل ما تكبر تكبر المشكله معاها

 

[أمانيQ8]

انتي بالبيت وصيها انها ماتسكت عن حقها ...روحي الأداره وشوفي الاخصائيه خل تهتم فيها وعليها شر بس ترا انتي دورج اهم

 

[msmshasnsn]

حبيبتي مثل ما قالو البنات روحي المدرسه وكلمي الاخصائيه انتي بنتج تعتبر حاله خاصه عندهم وفهمي البنت ان محد يقدر يأذيها وقوليلها لا تخافين من هم واللي يطقج طقيه حتى لو انتي خايفه ترى محد يدري انج خايفه ترى هذا شي داخلج
واذا احد قالج انا بقول حق امي قوليلا حتى انا بقول حق امي وبعدين فهميها انا انتي ماراح تخلين احد يأذيها حتى اولياءالامور