بنتى والعرس

[زوارة اثنين]

مشكلتى انى مااقدر اقولها لااحد
عندى اربع بنات وبنتى الكبيرة كل الى كبرها والى اصغر منها انخطبو احس انى متازمة على بنتى
اهملت كل شى فى حياتى وبس تفكيرى فيها
والله اكشخها وابرزها يم النسوان بس مافى فايدة مااحد ملتفت لها
حتى عيال خواتى واخوانى مابغوها
احس فيها حزن وهونت ماتشتهى تروح العروس لان كل الى كبرها اعرسو وحملو
الحين فينى غبنة وكل اصيح لى 4 ايام بسبب كان عندنا عرس وبعت قطعة من ذهبى عشان اشترى لها فستان واودية الكوفيرة
لان احنا على قد حالنا
المهم اجلست جبنى حرمة من اهلنا قالت لى هذى بنتج ومخطوبة وطررررررررررررررت فرح
ذيك اليلة مانمت من الونااااسة بنتى تغيرت ذيك اليلة لانها جالسة يمى واشوفها ترقص وجهها ينور من الوناسة وتسالوالف مع البنات الى كبرها
واليوم لى رابع يوم انتظر اطل فى كاشف التلفون رتبت بيتى كل مرة يرن التلفون اركض فرحانة اقول ببتتصل واذا جاء اليل اصيح ياااااارب شسوى صادة نفسى عن الاكل تفكيرى فى كلام هالمرة اهلمت عيالى معصبة متضايقة منكسر خاطرى
مب عارفة اوصف لكم حالى مت وانا اقرة القران وادعى واصلى تعبت يعنى خلاص مب تجى ولا انتظر اكثر
كلا ابجى واصيح عبالى جاء الفرج
انا حزينة حزينة مقهورة اكتئاب افياااااخ

 

[رزنامه2010]

حبيبتى ذكرى الله واستغفرى وترا كل شي نصيب واكيد بييلها نصيبها وانشالله قريب

 

[شمس 20]

ياحياتي حاااسه فيج ياقلبي ماله داااعي تسوين بنفسج جذيه حرام ..؟؟؟

بعدين بنتج جم عمرها ..؟؟؟

وان شالله يجي نصيبها بس انتي اخذيها معاك كل عرس وكشخيها وزينيها وقولي لكم مره تمونين عليها تذكرها عند حريم

وبجذيه ان شالله باذن الله يجي النصيب .. لاتحاتين وكثري من الاستغفااار وادعيلها ولاتستعجلين اى وااحد يطق الباب

زوجتيها اسالي عنه بالاول عشان ماترجعلج بعدين لاسمح الله !!

هاذي نصيحتي لج والله يوفقها ويرزقها يارب

 

[أم ريــــما 22]

رد : بنتى والعرس

أستغفري ربج كل شي قسمه ونصيب وياما بنات انطرو ووصلت اعمارهم 30 وتزوجوا وخلفوا وربج مايهمل احد وكل واحد ينولد ورزقه معاه وانتي الله يهداج لاتحنين جذيه بتعقدين البنت

 

[دلوعة روحي]

نصيبها بتاخذه وقت اللي الله كاتبلها ياه ان شاء الله

انتي ادعيلها بالنصيب الزين

الله يوفقها ان شاء الله

 

[BShaYeR]

رد : بنتى والعرس

الله يرزقها بولد الحلال

 

[ام الدرر]

ياقلبي عندج 4 ماشاءالله تبارك الرحمن
وهذي الكبيرة وحالتج الله يكون بالعون
شلون الباقي
ياعمري احسني الظن بالله
اللي كاتبه ربج بيصير
انتي بس ادعي لها بالزوج الصالح اللي يخاف الله فيها
عسى ربي يرزقها الصلاح والصالح​

 

[ليتني ما حبيت]

حراااااااااااااااااام عليج انتي بنفسج عقدتي بنتج حرام عليج المال والبنون زينة الحياة الدنيا ليش تحسسينها ان الزواج امز ضروري وان الحياة متوقفة علية ليش ياختى لاحقة على الشقى والكرف ومجابل الريال ومشاكل اهلة غيرج عايش بروحة ميت على حس البنات والعيال في البيت وانتي عندج مو راضية تحملينها نصيحة لوجة اللله حسسيها انج تحبينها وان الزواج قسمة ونصيب واللي ماتزوج مو معناتها ان فيها شي بالعكس يمكن الله يحبج ويمتحنج ويشوف صبرج ياختى هذي بنتج فكري بالموضوع تكفيين دلعيها ونسيها وطلعيها قد ماتستطيعين وصدقيني وتذكري كلامي بعدين لاجاها نصيبها وتزوجت وقعدتي تبجين من فراقها وبتحملين همها خاف مو مستانسة ولا حزينة والله اعرف وحدة من كثر ماتحب بنتها تدعي لها انها ماتزوج عشان ماتفارقها والبنت مستانسة لانها زرعت بفكرها الزواج بياخذج مني موزرعت فيها انج اذا ماتزوجتي يعني فيج بلا تقبلي مرووري ونصيحتي

 

[املى كبير]

كل شئ قسمه ونصيب

ونصيبها يصيبها لو بعد 100 سنه

انتى وكلى امرج للرزاق واعرفى ان مقسم الارزاق ومنتى اقوى من الله

 

[المرتاحة]

حرام عليج لا تفكرين جذي ترى بتتعبين و بتعبين بنتج معاج لأني انا جربت هالشي من امي. حتى لو ما تكلمتي ترى تحس من ايحاءاتج و نظراتج لها

ترى بطريقتج هذي تحسسينها بانها اقل من البنات لا تحسسينها انها ما تسوى شي بدون زواج.. ارجوج رجاء حار واللي يرحم والديج انتي قولي لبنتج ان هي عندج بالدنيا ولا يهمج لازواج ولا غيره اهم شي دراستها و الزوج ان شا الله ياي بالطريج

عليج بالدعاء و بصلاة الليل و اتركي حملج و همج لله و هو رح يتكفل بكل شي ولا تقطون نفسكم على الناس, الله كريم و الله موجود و قادر على كل شي

 

[زهره الجلنار]

حبيبتي كل شي قسمه ونصيب ولي الحين ماجاها نصيبها لاتعقدين البنت انا عمري 24 واختي اللي اصغر مني وكل بنات العايله ورفيجاتي تزوجو والله ماهمني ولا هز فيني شعره تدرين ليش لانه واثقه انه رب العالمين راح يرزقني باللي احسن من ازواجهم واحد يخاف الله فيني لاتحطين في بالج الزواج لمجرد الزواج لا دايم ادعيلها انه الله يرزقها واحد صايم مصلي يخاف الله فيها يحترمها حتى لو تأخر نصيبها اهم شي يجيها الزوج الصالح

 

[Meeesh]

كل شي قمسه ونصيب وبعدين لاتخلين الزواج هاجس
ترى الزواج مو كل شي في الدنيا
ياما ناس تزوجوا وتبهذلوا
قولي الحمدلله والشكر على كل حال واللي كاتبه ربج بيصير لو شنوو سويتي

 

[đeɱɛɼɑ™]

!!
شدعوه كل هذآ ليش وشحقه why !!
حبيبتي لا تعقدين بنتج بنفسج
ولا تحطين هالفكرة بـ راسها انها بدون زواج ولا شي :/
يااااااما بنات وصلوا الاربعين وتوهم يفكرون يتزوجون ويتشرطون بعد كل عذآريب الدنيآ يحطونهآ بالخطآطيب وينقون اللي على كيفهم ومزآجهم
ما اقولج تسوين جذي لكن كل شي يكون بـ اعتدآل خآصة في امور الزوآج
وبعدين انتي توج عند بنتج الكبيرة حق بآجي بناتج شبتسوين والله بتكبرين مبجر وتعيزين وتصير فيج امرآض الدنيآ الله لاا يقوله اذا تميتي على هالحآلة انتي بس احسني الظن بـ ربج
وموو اول واحد يطق بابكم تقطين بنتج عليه .. .سئلوا واستفسروآ ترى هذا زوآج مو لعبة
ربي ان شاء الله يرزق بـناتج بالازوآج الصآلحين ويسعد قلوبكم
و تذكري كل تآخيرة فيهآ خيرة ونصيب بنتج تطمني محد بياخذه غيرها ​

 

[ToOoTi]

ربي يكتب لها الخير ويرزقها ان شاء الله
انتي لا تحاتين ولا تفكرين واايد بالسالفة

 

[Dr.Nouf]

حراااااااااااااااااام عليج انتي بنفسج عقدتي بنتج حرام عليج المال والبنون زينة الحياة الدنيا ليش تحسسينها ان الزواج امز ضروري وان الحياة متوقفة علية ليش ياختى لاحقة على الشقى والكرف ومجابل الريال ومشاكل اهلة غيرج عايش بروحة ميت على حس البنات والعيال في البيت وانتي عندج مو راضية تحملينها نصيحة لوجة اللله حسسيها انج تحبينها وان الزواج قسمة ونصيب واللي ماتزوج مو معناتها ان فيها شي بالعكس يمكن الله يحبج ويمتحنج ويشوف صبرج ياختى هذي بنتج فكري بالموضوع تكفيين دلعيها ونسيها وطلعيها قد ماتستطيعين وصدقيني وتذكري كلامي بعدين لاجاها نصيبها وتزوجت وقعدتي تبجين من فراقها وبتحملين همها خاف مو مستانسة ولا حزينة والله اعرف وحدة من كثر ماتحب بنتها تدعي لها انها ماتزوج عشان ماتفارقها والبنت مستانسة لانها زرعت بفكرها الزواج بياخذج مني موزرعت فيها انج اذا ماتزوجتي يعني فيج بلا تقبلي مرووري ونصيحتي

:aha:

اي والله ، حرام :eh_s(2):

اقروا سورة البقرة يوميا !!






,

 

[Tom ♥ Jerry]

.

حبيبتي لا تقولين تعبت من الدعاء (= !
صدقيني رآح تنفرج و ان شاء الله رآح تتزوج بنتج
ادعيلها حبيبتي في صلآتج
دعاء الآم غير .. خصوصا اذا كان بظهر غيب حق عيالها
و اذا لها نصيب رآح تأخذه .. لا تحسسينهآ آنهآ غير عن البنآت
آنتي آمهآ المفروض تصيرين قوية جدآمهآ عشان اهيه مآ تنكسر !
يعني اذا شافت آمهآ مخنوقه و مكسـورة .. اهيه شراح يصير فيها ؟

صدقيني رآح تتزوج بس عليج بالدعاء و كل شي قسمه و نصيب (=

 

['Basma']

كل شي قسمة ونصيب

ما تدريين يمكن خييرة

او يمكن بعد جم يوم تدق عليج

 

[choco kitty]

رد : بنتى والعرس

حبيبتي ذكري الله ترا هذا كله قسمه ونصيب

 

[far007a]

رد : بنتى والعرس

اقري سورة البقرة لين ربي يفرجها صدقيني تاثيرها قوي

 

[كنت هناك]

الله يهديج بس شحقه كل هذا عاد؟؟ عشان بنتج ماتزوجت وخير ياطير شنو يعني مونهاية العالم ترى :gr4uu:
أدري انج أم وودج تفرحين في بنتج بس مو بهالطريقه سوري يعني بس ترى الشفاحه موزينة تقبس على الشي ومعروف كثرة الحنة على الشي تبطله تنحسه والله موزين اصلا تلاقين كل بنات العايله ودهم لو انهم ماتزوجو وعايشين عزوبيات مثل بنتج ابرك خليها تعيش شبابها وتستانس لاتحسسينها انها ناقصه وتعقدينها وترى هذاك اول الزواج استقرار وراحه الحين بالعكس الزواج هم وغم وكله مشاكل يعني خلي بنتج تعيش شبابها عدل والدنيا ماتسوى صدقيني والله يرزق بنتج الزوج الصالح عاجل غير اجل ياااااااااااااااااااااااااااااااااااااااااارب ويرزق جميع بناتج انشالله ماتخلص هالسنة الا وبنتج متزوجة وحامل بعد شتبين