بنتى تبى تقص شعرها

[البرنسيسه77]

امهات تكفون بنتى عمرها 10 سنين برابعة ابتدائى وشعرها يهبل نص الظهر وناعم وهى تحب الشعر الطويل بس شعرها يتشبك على طول ويعورها بالتمشيط:krkrkr: وما تحب تسوى تسريحات بس ذيل حصان على طول وودها تقص شعرها اى قصة بس علشان ما تمشطة شتنصحونى اقصة لها واطيعها ولا اخليها واحقرها لانها تنقهر اذا راحت عرس وشافت شعور البنات الطوال ودها يكون شعرها مثلهم تكفون انا احترت وادرى حيرتكم معاى شوروا على تكفون:0bee2e8d89:

 

[um hamed]

النمساويه
ماشالله اذا شعرها مو خشن وطويل قصيه قصه بسيطه بس ترتيب بس اسمه تغيير مو اكثر لان اسم الله عليها انتي تقولين تحب الشعر الطويل لا تطيعينها وتقصرينه واايد
انا بنتي طعتها وقصيت لها مثل حليمه اول ماهبو بالقصه والله ابوها حلف علي اني ما اجيسه بعد والله سنه ما طال كلش
وهذا رأي وتقبلي مروري​

 

[Bnt.Azmer]

انا بنتي بسم الله عليها جذي مع ان عمرها ست سنين كان شعرها طويل وماتحب تتسبح عشان لا استشوره ولا امشط مع ان شعرها ناعم وتحن قصي مثل حليمة البولند مو بولند لاحظي ههههههههه وقصيته وتحسفت للحين حتى اهي ليش قصيتي تقولي انا اقول قصي اطرافه سنعيه ولما تتسبح حطيلها كونديشن احسن ولا تقصينه حسافة

 

[sara999]

صج تحير بنيتج الله يحفظها .... بس برايي الشخصي ومادري عنج
البنت بهالعمر 10 سنوات خليها اتقص و تتحسف كيفها يمكن تقص وتستانس ويمكن اتوب بس الي عليج انج خليتيها تتمتع بشعرها وتفننت لان اذا صار عمرها 14 تبدي تطول شعرها عدل لان بالوقت هذا زينتها بشعرها لانها مو ياهل تعتبر لا تعتبر مرا والمرا زينتها بشعرها وانوثتها تلقاها فيه ...
قبل امي جذي ..... وخواتي وكلنا ماشين بهالطريقه .... البنت من تنولد شهريا شعرها ينقص اطرافه حتى ما تصير عمرها سنتين الا اهوه قوي وكثير وبعدين نطوله للروضه وما تصير عمرها 6سنوات الا شعرها اخر ظهرها وبعدها لا تبدي تقص الي تبي لييين عمر 14 15 سنه وبعدين كيفها اذا تبي تطوله والا تخليه قصير بس كلنا بس يصير عمرنا 14 تشوفينا كفاح عشان انطوله ويطووول بصححه لانه نبيه

 

[رفرف]

انا بالنسبة لي الشعر حرية شخصية دام ما تبي تسويه شي يفشل وسبايكي وقصات البويات عادي كيفها ..

خل تقصه وتستانس فيه مرده بيطول انشالله

 

[بحرينية اصيله]

اختي عندج قصة الاسد
وااايد اجوفها على يهال
خصوصا اللي شعرهم ناعم وايد تناسبهم القصه

 

[سر القلوب]

الله يخليلج بنيتج ان شاء الله
انا اقول ان البنات بهالعمر حلو عليهم الشعر الطويل ومدام حلو شعرها لاتقصينه حسافه عليه
بنت حماتي ماشاء الله عليها شعرها وايد حلو وناعم حيل ب عد اهي مو صغير مرة عمرها 31 بس مشكلته ان يتشابك وايد ومأذيها واقترحت عليها تستخدم بلسم خفيف على الشعر موالجذور والله اسخدمته ووايد ارتاحت
انا انصحج جربي هالطريقة ورتبي اطراف الشعر وقصيلها قذلة من باب التغير تستانس عليه بس لا تقصرينه حسافة
واذا جربتي البلسم عطيني رايج
والله يخليلج ايها ويستر عليها ويحميها ويبلغج فيها يارب

 

[الست اصيله]

قصة سعاد حسني

 

[الخير مني وفيني]

قصيه لها لي جتفها ومدرج بحيثيجمع بين الطويل والقصير ومرده يطوول