بنام بيت اهلي بالويك اند !!

[Anteeka]

مرحبا بنات ^___^

في شغلغه لاحظتها في اكثر من زوجه اعرفها انها عادي تنام في الويك اند عند بيت اهلها ....يعني تخلي ابو العيال و تروح عند اهلها راحه و استجمام .....او حتى مثلا رايحه عرس او حفله و تقوله خلاص انا راح اتأخر وراح انام عند اهلي مر علي باجر !!
ترا هذه السالفه هي الي تخلي الريال يتعود ان ينام بروحه و يصير وجود الزوجه مو ذاك الاهميه ....فنصيحتي لكل زوجه تسوي هالشيء فكري عدل ...هل تسوى السالفه ووناسه جم يوم ...وتخسرين شيء كبير وهو قدرة الزوج ان ينام بدونج !

لو شنو يصير حاولي كثر ما تقدرين ان تكونين مع ريلج بنفس الفراش صدقيني شعور روعه انكم ما تقدرون تستغنون عن بعض ^-^

 

[&شوارفسكيه&]

انا معاج في هالشي بس بعض الرياجيل يملون من المره واذا بعدت عنهم يكون مشتاق لها حيل
يعني تنام عند اهلها في الويك اند واذا ردت ترد له واهوه مشتاق وترى البعد فتره عن الزوج حلوه يزيد الحب مو شرط اقابله وبيشتاق لي
مع العلم
اني انا ما انام عند اهلي حت في الويك اند لاني ارتاح في شقتي الصغيرونه وعلى سريري لووووووووووول

 

[غنوة ستايل]

لا ياقلبي
مرات الرجال يكون بحاجه انه يبعد شوي .. ينطلق .. بس عشان يشتاق للحرمه
مرات ريلي لما يسافر مكان وانا مو معااااه يرد ولهان .. مو بس لـ ...
لا يكون ولهان للي تكلمه ؟ اتناقشه ؟ يفضفض لها ؟ اللي تجيب له كوب الماء ؟ اللي يطالع معاها سهره القناه الثانيه مالت ام بي سي !!
فهمتي
انا اشجع الحرمه انها تنام على الاقل يوم كل اسبوعين عند اهلها بس عشااان يصير في شوق بين الزوجين ..

 

[deenaa]

صح كلامج صاحبه الموضوع وايد اايدج

 

[نــعــوومــه]

انا صراحه ماارتاح إلا إذا نمت عند اهلي بالويك إند ..اصلا البعد يجدد الشوق ..موحلوه اربع وعشرين ساعه مجابلين بعض

والحمدالله الثقه موجوده بيننا...وصدقيني إذا الرجال مايحب زوجته ويبي يخربط من وراها يقدر

حتى لو صارت زوجته مثل ظله...........هذا رايي....

 

[cute-q8cat]

أنا معاج 1000%
بنات لا تعودون رياييلكم على النوم بروحهم

 

[رنه خلخال]

احم احم انا بكل موضوع رازه ويهي سوري بس حبيت اقول رايي انا مومتزوجه للحين :0bee2e8d89: بس ان شاءالله اذا صار هالشي ماراح اخليه لوشنو بس من الممكن اول ايام الدوره انام بمكان ثاني هم بيشتاقلي وهم ارتاح شويه بس اهو وييييييييييييييييييييييييييييييييييييييييييييييينه والله اعطيه ماي اعيوني بس خل ايي لووووووووووووول صج افشل :krkrkr:
ادعولي بنات ربي ايسر اموري عسى ربي يخليكم ووفقكم مع رياييلكم والله اكسر الخاطر انا الوحيده بخواتي مو متزوجه حتى اللي اصغر مني تزوجوا الا انا بس امجابله الطوف ابي احد اكلمه مافي ابي احد اشكيله مافي كل رفيجاتي تزوجوا بعد الله يوفقهم ويهنيهم بس حسره بقلبي والله واي احس ببجي حتى اللي كنت اتمناه راح الله كريم من بد كل بنات العايله ماعندي حظ وساعات اقول احسن اشلي بعوار الراس بس الناس ماترحم باجر بمر عمري حتى لو تزوجت يمكن ما اقدر اييب بيبي :krkrkr: متى يمديني اربيه راح اكون فارق العمر اكبير يالله انا اشفيني مادري اسفه بنات هم بقلبي كبير :0bee2e8d89::krkrkr: سامحوني طلعت عن الموضوع :0bee2e8d89:

 

[احلى عازميه]

حتى انا مو متزوووجه بس احب ادش انشالله يرزقني بالزوج الصااالح البار لاهله يارب ادعووولي

 

[^7abeeba^]

أأيد و بشدة النوم في بيت الأهل من فترة لفترة ....... اشدعوة شنو بيصير يعني ... بالعكس مو صاير إلا كل خير و شوق و محبة بين الطرفين ..... منها المرة ترتاح شوية تاخذ راحتها :حنة زيت ضبغ شعر بطالة سوق عرس نوم اللي يكون كل وحدة و راحتها و بنفس الوقت خلي الريال يحس بقيمتج : سواء من الدفء و الحنان أو التنظيف و الطباخ

و بصراحة كل ريال حسب اخلاقه و تربيته و دينه يعني اشدعوة ياحافظ كلها جم ساعة لا و بنتقضي نوم خلاص كللللللللللللللللش الريال بنحرف و المرة بتصير مقصرة و مو محصنة زوجها ..... انتو شوفوا الأسوقة شنو فيها و لاااااااا الدواماااااااااااااااااااااااااات

 

[بنت الارسنال]

انا بالعكس مع ان الوحدة اتبعد اشوية عشان الاشتياق بس عاد مو كل ويكاند لا بالشهر مرة ورنة الخلخال وااااي عورتي قلبي لا تقولين جذي ترى الزواج مو كل شيء بالدنبا وااايد اشياء حلوة بالدنيا والله يرزقج بالزوج الصالح عاجلا غير اجلا يارب العالمين

 

[om-HaSsoOon]

مابي ماعرف انام الا بغرفتي وسريري <-- اهم شي مابي

شكثر اهلي يحنون علي تعالي نامي عندنا جم يوم بس مابي ما اوافق اقول شلون اهد ريلي !! مع انه عادي عنده موافق بس انا اللي ما ابي لوول

احس ماله داعي كلش كافي فتره الحمال تنامين مرات عندهم وفتره النفاس بعد .. هالمره بالويك اند !!

 

["ساس الفرح مكسور"]

انا مثل الملقووفتين اللى فووق طبعا مو حلو اخلي حبيباتي الملقف يدخلوون برووحهم لووووووول لازم ارز فيسي معاهم ههههه :dddds:

المهم انا بصراحه عن تجربه الشووف لوووووول مو تجربه شخصيه فرقوووا يعني اللى عندي المتزوجات ينامون عندنا وشحلاتهم وكل وحده تقعد تكل زوجها خخخخخخخخخ:ggdw: ما تتركه حتى مرات اشووفهم يدقوون اهم ويقولون اشتقت لج شحلاتهم البنات لما يستحون :tomato2: المهم بالعكس تقعد عندنا يوم او يومين وترد له بلوك يديد او يكون في تغير لو بسيط شي حلو ترا حتى اهو يفرق الايام اللى كانت عنده من اللى اهم مو عنده ويحس بقيمتها وبعد انا عندي وحده من البنات كل ما يت عندنا تترك له هديه او رساله وربي يتشفق عليها لمن ترد له يعني مو بس ترووحون وتناموون عند اهاليكم وتتركون وراكم البيبي الكبير ههههههههه ((الزوج )):dddds: حطووله شي يذكره فيك لو لمده يووم بس ترا شي حلوو :klhfl: << ادري طوولت بس انا مو حلو تعطوني موضوع وربي ما اخلص من القرقه :ada::gathering:

 

[جوزائيه مغروره]

اسمحوا لي يا بنوتات

انا ضد انه البنت تنام بيت اهلها وتهد زوجها الا لسبب قوي يعني مسافر او محجوز .. الخ

 

[Pettita]

لازم الوحده تفج شوي مو 24 ساعه لازقه بالريل ! تصير الحياة ممله و تعطي فرصه للنجره على أتفه شي . انا تقريبا بالشهر مره انام عند اهلي بالبيت او الشاليه أرجع ولهانه على ريلي و اهو أكثر لازم الشوق و الوله يجدد الحب

 

[حب زوجي]

انا وحدة لو احد يقوللي نامي ببيت اهلج يمكن ابجي :dddds:

ما اقدر اتحمل الفكرة اني انام بعيده عن زوجي و الله صعب !! شوفو مع اني مغتربة و اغلب اشهر السنه مسافرة عن الكويت مع ريلي بس لمن ارجع الكويت الكل يقولي ويييه نامي عند امج احس ما اقدر ! صج اني اشتاقلهم موت بس اروح من الصبح لي الفير عادي بس النومة مع زوجي تعودت عليه ..

حتى الحين انا حامل و باقيلي شهر و نص تقريبا و نفاسي نصة بيكون هني و نصه بالكويت و قاعده احاتي بالكويت شلون بوخر عنه .. :eh_s(1):

الحين حتى اهوا يحاتي هالشي لان تعودنا على بعض و الحمدالله .. فصج نصيحتي لكم كل وحدة تمسك ريلها و تجابله و ما توخر عنه وقت النوم هذا اهم شي :eh_s(6):

و شكرا​

 

[Q8ia_100%]

لا شكو انام في بيت اهلي؟
انقل واشقل باغراضي واغراض ولدي على ليله؟ واي واي مالي خلق
لو شاليه جان اشوه بس كله بيت اهلي يعني ماكو يديد
وماكو شي مشوق
وبعدين ليش اهده يعني مسكين اهو اذا ما يبيني يبي ولده

 

[بنات حواء2]

كلامج عين العقل
يعطيجالعافيه

 

[$أنوووثه$]

شوفي انا وحده كنت كل ويك اند لازم انام عند اهلي بس لان ابو الشباب قام يتحلطم ويقنعني اقعد عشان نفضى لبعض اكثر فقمت اسبوع اروح لاهلي واسبوع ماروح..بس مستحيل استغني عن النومه عند اهلي يعني مهما كان ابي اجتمع مع خواتي وناخذ اخبار بعض ونسهر يعني حتى امي تستانس حيل..ولا تعتقدين ابدا انج اذا قعدتي بتمسكين زوجج لان الرجال اذا فيه خير ويحبج والله ماتغيره نومة اهل الا اذا كان من النوع اللي يتصيد اي شي فهذا لو تقابلينه عمرج كله ماراح يفيدج بشي والفراش ماراح يطير اذا مانمنا مع بعض اليوم بنام باجر وين المشكله..وشكرا

 

[دنيا رديه]

بصراحه ماااااااااااشوف فيها شي اذا البنت نامت عند اهلها بالعكس الوحده مرات بتاخذ راحتها وتبي تبعد عن الزوج اشوي
ومو جني تزوجت خلاص ماصدقت امسك الرجال ولزق في بصراحه احس مو شي حتى الرجال بينه وبين نفسه بينقد عليها شنو ماتشتاق لاهلها
وهذا رااااااي وتقبلووه

 

[مزيونه الحربي]

انا بعدي عروس بقراطيسي لين ملني يصير خير

لكن من بعد بيت اهلي عن بيت رجلي جيران والمساافه طوفه بينا باقي نهدها ونرتاح من لفة الباب