بنات يصير اطلب قيصري يدون سبب بالمستشفيات الحكومية

[cherry tree]

السلام عليكم
بنات اذا بولد بالحكومة يصير اطلب قيصري ولا لأ

 

[يالله الجنه]

قولي الحمدلله على العافية ترى القيصرية موسهلة لها مضاعفات كثير

شنوالسبب اللي تبين تولدين قيصري

 

[Diva-Q8]

ماكو شي مايصير اتفقي مع دكتورتج وتحطلج موعد هذا قرار شخصي محد يدخل في أياا كانت الاسباب انتي حره

بس ديري بالج لا تحسفين تالي لانه بطنج بظل كبير فتره اطول من الولاده الطبيعيه واتقومين بالسلامه انشالله

 

[غــلآ]

ياحياتي بالنسبه عن سوالج مادري
بس نصيحه من اخت اذا مافيج الا العافيه وتقدرين تولدين طبيعي اولدي طبيعي

 

[raoand]

اختي شتبين فيها القيصيريه والله شوهت لي بطني ورهلته استخيري افضل لج

 

[cherry tree]

مشكورين عالمرور
اختي ديفا طمنتيني وايد مشكوورة بس انتي متأكدة ؟

 

[really cat]

رفع

 

[cherry tree]

ريلي كات بعد عمري مشكورة عالرفع

 

[أم حمودي**MALL**]

يصير ليش لأ

 

[MissChoco]

كل شي يصير

بس استخيري وشوفي شالي مرتاحتله

 

[رومانسية زماني]

حرام هذي نعمه نااااس تموووت نفسها تجرب الطبيعي ومب حاصل لهااا

اذكري اسباابك ليش تبي قيصيري خير ان شااء الله ؟؟

 

[* ملكني الخوف *]

لاتخافين من الطبيعي والله احسن من القيصري يحطولج ابره ظهر لاتسمعين كلام احد عن ابره الظهر تره كلها جذب والله تريح والحكومي يصبرون عليج مايلعبون فيج وصدقيني راح تولدين وماتحسن بنفسج

 

[ح ـــــور~]

هلا حبوبه اي يسير تطلبين قيصري
بس يوقعونج علي اوراق ان انتي اللي طلبتي
واظن بعد لازم زوجج يوقع انه موافق
وبس وتولدين قيصري *...

 

[cherry tree]

انا مجربة الطبيعي من قبل وشفت الموت
فقررت اخذ ابرة ظهر برويال ومتفقة مع زوجي على هالشي
والحين يوم دشيت شهري يقولي ماكو رويال بولدج بالامومة
وانا احس توهم يدد على ابرة الظهر
وما اقدر اشوف اللي شفته بولادتي الاولى
عشان جذي ابي القيصري
اذا على كلامكم يصير بروح العدان الاحد واخذ موعد منهم حق القيصري

 

[زين ودلال]

كل شي طبيعي احسن

وانتي على راحتج

 

[جهراويه مووووت.]

انا اللي اعرفه انه الحكوومه يصبررون عليج للاخير يعني مايسون عملية الا اذا استدعى الامر
انا الحين اخر ولاده قيصري وابي طبيعي عشان جذي برروح الحكومه لانهم يستحملوني للاخيرر

ونصيحه من اخت ابعدي عن القيصريه دام تقدرين طبيعي وترى ولادة البجر غيرررر لاتقارنين وكلها سهالات من ربج

توكللي على ربج وكلها ساعات والالم يخف اما القيصريه لي شهرر ونتي ماتتحركين الا على الخفيف

انتي استخيري وتوكلي على ربج​

 

[sweeta77]

really cat
حبيبتي
تستاهلين
خجلتيني بالتوقيع


عن القيصريه اعتقد اذا عندك احد معين اتراجعين عنده تقدرين تتفقين معاه

انا حامل للمره الثالثه وناويه اولد قيصريه
مع ان طبيعي قبل بس لان عيالي يطلعون تعبانين واعاني معاهم
فقرار الدكتور ان قيصريه علشان البيبي ما يتعب

 

[سكر فتافيت]

ربنا ييسر لك الخير
الطبيعى احسن حبيبتى
واطلبى ابره الظهر للتخدير
وان شاء الله ماتحسى بشىء
القيصرى جرح وخياطه وتضلى تعبانه ومتألمه فتره
الله يعينك وتقومى بالسلامه

 

[ام عفاف الكويت]

لاتندمين على هالقرار
انا عكسج امنيتي اولد طبيعي
بس خلاص الامل انفقد
لاني قيصريتين

 

[الكويت ديرتنا]

اسم الله عليج ليش تبين عملية ؟



آنا توني والده بعملية ،،، أول شي كل أموري تمام على انه أولد طبيعي بعدين لف البيبي عن الحوض ،،، حااااااآولت معاي الدكتورة ،،، ماااااااآفيه فايده البيبي لاف ،،، بعدين ودوني عملياااات ،،، بس والله ياحلات الطبيعي ،،، العملية تعور غير البطن المتفوخ وماتقدرين تحركين من الألم ،،، هذي قصتي باختصار


عسى الله يهون عليج وعلى بنات الحلال وإن شاء الله تولدين طبيعي بالسلامة ،،، واستخيري الله يكتبلج اللي فيه خير ...



تحياتي



​