بنات يتني البجووه والسبه نفنوفي

[pain]

قووووه بنات

شلونكم ان شالله تمام ؟







بنات انا فصلت لي توه نفنوف حق عرس اخووي كله شوارفسكي

تخيلوا بنات العرس للحينه ماصار بدى يطيح الشوارفسكي

واااي بغيت ابجي ايمع فيهم وماكو

شلون اثبت الشوارفسكي ؟؟

قالوا لي "اوتي" اخاف تحترق خامة الثووب

اللي عندها طريقه تعلمني مشكوره مأجوره

 

[)( مسألة وقت )(]

قوة ..

شلونج ؟

شوفي طريقة الأوتي زينة بس لازم تنتبهين .. أولا حطي البدي على سطح مستوي وبعدين حطي

الشوارفسكي في المكان المطلوب .. بعدين حطي فوقه قطعة خام ما تبينها .. بعدين حطي الأوتي وخليه

شويه على ما يلزق الشوارفسكي .. بس ديري بالك ..

وفيه طريقة ثانية وإهي تقلبين الأوتي وتحطين الشوارفسكي عليه .. بس جهة الصمغ تكون فوق .. يعني مو

على وجه الأوتي .. أتمنى تكوين فهمتي علي .. وتشغلين الأوتي وتخلينه لما يذوب الصمغ .. وتشيلينهم

بملقاط أو عود أي شي وتلزقينها على البدي على طول ..

أتمنى أكون ساعدتك .. وإن شاء الله يصلح البدي .. وألف مبروك زواج أخوك ..

تحياتي ​

 

[pain]

مسألة وقت تسلمين بعد قلبي’’ والله يبارك فيج يارب

الشوارفسكي اللي على النفنووف للحين ما طاح اخاف يطيح اقدر اثبته بالطرق اللي قلتيها ؟؟

 

[ام سويرة]

رجعيه المشغل يثبتونه
دافعه فلوسج مو لعبه
نشبي في بلعومهم

 

[*سكون*]

انا بعد أقول وديه مكان ثقه يثبتونه لج أحسن ولا تجازفين وتخربينه أكثر

 

[pain]

والله يا بنات خذوا مني 350 دينار عشان الشوارفسكي

وااااااي مختنقه بدى يطيح

 

[نطوووعه]

وديه لهم خيتصرفووون انتي دتتتفعه فلوووس و تاكدي انهم ثبتووه هالمره صح

بالبركه زوااج اخووج و الله يوفقهم يااارب

 

[القطانيه]

ردييه المشغل يسوييه غصبن علييه مايسوى علييج يحترق ولا يفشلج جدام النااس

 

[أغلى حبيبه]

اي والله وديه المشغل مو شويه فلوسه الصراحه

على شنو 350 وطاحو عيل بالعرس مع الحركه شبيصير

ومبروك مقدما

 

[ام سارونة]

رجعيه المشغل يثبتونه
دافعه فلوسج مو لعبه
نشبي في بلعومهم

نفس الراي .....

 

[الاسطورية]

رديه اكيد عليهم انتي ليش تتحملين لو انا ارده واوريهم

 

[New Mum]

شوفي حبيبتي اهو عادي يطيح شويه لا بغيتي تلبسينه جم حبه لازم بس إذا تو مج رديه لهم وخليه يثبتونه
و مبروك عرس أخوج و عسى أيامكم كلها أفراح

 

[bedour18]

مثل ما قالوا البنات رديه عليهم احسن ... عيل ليش متعنية و دافعه ؟؟!!!!!!!!!!!!!!

مبروووووووووووك مقدما

 

[bnt_kwt]

رايي من راي البنات

ردي المشغل خل يسوونه لج

 

[منجة]

اولا مبروك زواج أخوج

ثانيا رايي من راي البنات روحي لهم أخاف مع الرقص والحركه يطيح وتتوهقين

 

[pain]

الله يبارك فيكم بنات

الله يآخذ عدوها خذت علي فلووس زوود عشان تثبتهم وهم احس ماكو فوود
الله يستر

 

[هوفه]

اذا ما تبين اترجعينة المشغل وهذا احسن راي

في مسدس يركب الشوارفسكي


موجود بالمنتدى يركب وحدة وحدة وايد حلو

 

[um wahaby]

رديه يثبتونه لج ...ما اعتقد بيمانعون

 

[برنسيسة2007]

حبي مبروك عرس اخوج وعقبالج


روح للي خيطه وخوفيه قوليله الشوارفسكي مو اصلي ليش يطيح!!!!!!!!!!!!!!!!!!!!!!!!!!!!!!!!!!!!!!!!!!!!!بدلي بدلتي كلها وجيبلي اصلي من هلكلام عشان يثبته عدل

 

[Dancing^Queen]

اخذي نفنوفج
روحي للي فصله
قوليله تركبه احسلك