بنات يبي يطلقني

[فوولي]

الله يهديه اتوووقع تهديد بس؟

 

[سلاسل ذهبيه]

ردت فعل عشان معصب بس انتي خلي الوضع عادي ولاتقولين لاهلج

 

[مافن]

اشدعوه بسم الله اشصار هذا فوق ما انتي داعمه وبدال لايقولج حمد الله علي سلامتج. هذا يدور الزله. بس صدقيني ماراح يطلقج هذي النوعية بس حجي. وحبيبتي لازم تخلين اهلك علي بينه. لان هالنوعيه مالها أمان.

 

[oshi_q88]

هذآ يدور الزله هو ووجهه
بدآل لايتحمد لج على السسلامة ويجيب لج هدية يقول بطلقج ووجعة توجععةة
كآن مآعندج آحسسآس وش ذآ الببلا
روحي عند آهلج وآنتظري علييةة آذآ مآطلق فآآعرفي بس يهدد ويدري هآلششي يخوفج
آمآ آذآ طلق مآعرفي آنه مآحبج وبآعج بىلرخيص والله يعوضج بآلي آحسسن منه

 

[Huda.A]

بصراحه الله يعينج
شهذا !!!
بدال مايتحمد لج على السلامه
عشان جذيه يقولون لا تتزوجون بسرعه
شو هالهبل ع أقل دقه بطلقج شو السالفه !!

 

[شطانه طفله]

حمدالله ع سلامتج يالغاليه بس تفاهمي معاه ما يصير جذي قوليله ان ابغض الحلال عند الطلاق دشيله بامور الدين والله يهديه ويصلح باله يارب

يبي الزله عليج الله يسامحه

 

[بدوني تتضايقون]

مبين شخصيتج حيل ضعيفه جدامه ويدري انج تعشقينه وتخافين من الطلاق
وجم مره اقول الريال اذا حس ان الوحده خايفه من الطلاق وخايفه علي بيتها بيركب ويتعنتر عليها
نعم خير يا طير دعمتي بسيارتج صراحه اسمحيلي ياانه بعده ياهل ويتلذذ بتوسلج وانتي تحايلين عليه
او انه يدور عليج الزله ويبي الفكه يبه لا تخافين اذا بينكم نصيب بتعيشين وياه واذا ما بينكم نصيب والله لو شتسوين
بيطلقج بس لا تعيشين بدون كرامه وانا لو مكانج الحين والله ادز له مسج واقوله اللي ما يشيلني كحله بعيونه ما اشيله نعال بريولي يالله طس وناطره اورقتي يابو ورقه

بالضبط :rerrerek: عزي نفسج بيعزج

 

[اصايل ظفير]

مشكورين بنات ماقصرتوا

بس والله اني مومقصره معاه بشي الحمدلله

وربي يهديه يارب بصبر عليه يومين واشوف وربي يسهلها

لاتنسوني بالدعاء

وبرد لكم خبر واخذ رايكم اول باول

 

[Patcholli]

:/ يا انه يهددج او كان معصب مو من صجه

او انه ناطر عليج الزله ويبيها من الله على اي شي عشان يطلقج ..!!

 

[عزوتي خمس صقور]

زوجج ماااايبيج ويبي يتخلص منج باي طريقه
يمكن شايف له شوفه الله يعينج

 

[فجوره]

معقوله عشان حادث ؟؟

لا في شيء باله او يدور الزله عليج

 

[Mjnont '3lay]

يابنت الحلال يمكن من خرعته عليج
الرجال اذا عصب كل شي يقول وماتاخذين منه لا حق ولا باطل
اسكتي عنه اذا رجع عادي طووفي الموضوع ولا تفتحينه نهااائي
واذا انه جاد مثلا @@ طبعا مو بكيفه يطلق على هالسبب السخيف دخلي اي احد كبير من العايله بالموضوع عشان يفهم السبب الحقيقي بنات الناس مو لعبه عنده ولا تزعلين معليه حسوفه

 

[زبــــــــدة]

الحمدالله والشكر يطلقج عشان سويتي حادث !!!!!!!



مايشوف شر اللي يبيعج برخيص بيعيه ...

والله حلوة هذي اسوي حادث يطلقني بالطقااااق مو واقفه عليه حياتي لو انا منج هذا اللي بسوييييه ...

 

[زبــــــــدة]

مبين شخصيتج حيل ضعيفه جدامه ويدري انج تعشقينه وتخافين من الطلاق
وجم مره اقول الريال اذا حس ان الوحده خايفه من الطلاق وخايفه علي بيتها بيركب ويتعنتر عليها
نعم خير يا طير دعمتي بسيارتج صراحه اسمحيلي ياانه بعده ياهل ويتلذذ بتوسلج وانتي تحايلين عليه
او انه يدور عليج الزله ويبي الفكه يبه لا تخافين اذا بينكم نصيب بتعيشين وياه واذا ما بينكم نصيب والله لو شتسوين
بيطلقج بس لا تعيشين بدون كرامه وانا لو مكانج الحين والله ادز له مسج واقوله اللي ما يشيلني كحله بعيونه ما اشيله نعال بريولي يالله طس وناطره اورقتي يابو ورقه

اييييييييييي والله بالللضبط :eh_s(15):

 

[ملاك الدهمشي]

حمدلله على سلامتج
انشالله تكون لحظة غضب ويغير رايه
بس انا اعتقد اهو من شدة الغيره او خوفه عليج
ان مايبيج تطلعين بروحج
ف قاعد يهدد وبس
الله يهديه ويعقله لج

 

[انثى عاشقة]

امره غريب هالريال جذي يطلق منيه والطريج !!

 

[انثى عاشقة]

يا انه يدور زلة عشان يطلق
او في شي في الموضوع تفاصيل ما قلتيها
يعني خلافات ثانية ممكن تكون السبب !!

 

[نونه المنكوشه]

بصراحه ريلج موطبيعي ويدور الزله شكووو يطلق علشان سويتي حادث صراحه غريب

 

[امـ خــزامـى]

اكييييد يهددك بس ومعصب

الله يسخره لك ويوفقكم ويهديكم

 

[fruity]

السلام عليكم
مثل ما قالو البنات مو معقوله هذا السبب!!!!
يا ان في تفاصيل ما قلتيها او ان في تراكمات وخلافات من قبل وحط حرته بهالموضوع او اذا كلامج صج معناها يدور الزله فعلا ويبي اي سبب مع ان هذا كلش مو سبب للطلاق
الله يهديه ويسخره لج ويوفقكم ويسر امركم يا رب
اقري البقره وشغليها في البيت لها *** عجيب في حل كل المشاكل