بنات يبي يطلقني

[اصايل ظفير]

موعارفه شلون ابدي

بنات مالي غيركم وانا طبعي كتومه مااحب اشكي غير لله لكن تعبت

بنات اليوم زوجي قالي انا بطلقج وورقتج توصل لابوج وبقوله امانه عطيتني اياه بردها لك سالمه

بنات والله احبه وبجنون اعشقه

ماتخيل حياتي بدونه والله

وانا وضعي صعب امي وابوي كبار وخايفه عليهم من الصدمه والله

والسبب والله قالي اي مكان تبين تروحين له دزي مسج قلت له حاضر ودزيت له مسج اني بروح الصالون

وقالي اوك

وبعدين دعمت سويت حادث قلب الدنيا علي وقالي جذيه

انا بطلقج وورقتج توصل لاهلج

بنات شسوي ماقلت لاهلي ولاشي ورديت لبيتي مابي اهلي يحسون بشي

شسوي

واهو مو بالكويت عنده زياره بالسعوديه

شسوي ساعدوني تكفون شسوي

وادعو لي انه ربي يهديه تكفون بنات

 

[<<الأميره>>]

الله يهديه
زوجج يدور الزله عليج

 

[هدوووشه]

مادري احسه تهديد بس !!

 

[Perfume]

شفيه يبي الشارة !!!
اذا عندج اخوان خل يكلمونه
بدل ما يتحمد لج بالسلامة يقوم يطلقج !!

 

[(حكاية قلب )]

صيحي جدامة

 

[وردة الدوحه]

غريبه يمكن مايحبج ويدور الزله عليج
أو يمكن يهددج
الله واعلم انتي ادرى بظروفكم

 

[i'm so happy]

حمدلله على سلامتج اختي ان شاءالله بس ماتعورتي

شكله زوجج يدور عليج الزله عشان يردج بيت اهلج والله اكو واحد عاقل يقول حق زوجته ورقتج بتوصل عند ابوج
ليش انتو في بينكم خلاف من قبل غير الحادث؟؟ اللي يخليه هالقد يعصب ويتجرأ ينطق هالكلمة او شايف شي سامع حاجة
الله يهديه بس صار الطلاق عادي لعبه بس وكلي امرج لله وادعي وربي مستجيب الدعاء

 

[نور دنياه]

شدعوه بس مني ووالطريج يطلق!!! هذا وانتي قايله له بتروحين ومستاذنه وبيطلق شحال لو مو قايله له !!!
يمكن في تراكمات من قبل وشايل عليج اشيا وفجرها الحين ؟! احس مو معقوله بس عشان رحتي الصالون

صارحيه قوليله ليش وبشنو مقصره لاتسكتين!!! بنات الناس مو لعبه ماعجبته بيردها لاهلها

 

[شادن33]

السالفه غريبه !!!
تدعمين يقولج بطلقج شنو موصاااحي !!!

 

[M!SS.LOBY]

اعذريني يا قلبي يدور الزلة ضروري تبلغين أهلج بكل شئ هذول عزوتج مو تخشين عليهم وبعدين يطلع الغلط منج

 

[hazel eyes]

شكووو نقديه على نفسه قولي بدال ماتحمد لي ع السلامه او يمكن انتي محسسته انج خايفه من الطلاق فصار يهددج فيه

 

[القصيدة]

السلام عليكم و رحمة الله و بركاته

الحمد لله على سلامتك :eh_s(17):

الله يهدي زوجك و يوفقكم مع بعض يا ربّ :eh_s(7):

​

 

[queen92]

الحمدلله ع سلامتچ حبي ،، و يمكن بس جذي تهديد او مثل ما قالت نور دنيااه

 

[orange blossom]

ألف الحمدلله على سلامتج
بس يعني معقوله اهو طول الوقت معاج زين
و فجأه يقول بطلقج؟؟؟؟
اذا كلامه صج.. يعني مو معناته من السالفة اللي قلتيها
اهو بس بيطلع له عذر
خلي اخوانج او احد كبير بالعايله يتفاهم معاه
انتي مو لعبه بإيده... لازم يعرف قيمتج
و الله يصلح الحال

 

[منال $]

اول شي حمدلله عاسلامتك
ليش يطلقك كل هدا عشان عملتي حادث ولا بينكم مشاكل من اول

 

[عاشقة الككاو]

ربي يهدي سركم

 

[عزيز قلبي]

مبين شخصيتج حيل ضعيفه جدامه ويدري انج تعشقينه وتخافين من الطلاق
وجم مره اقول الريال اذا حس ان الوحده خايفه من الطلاق وخايفه علي بيتها بيركب ويتعنتر عليها
نعم خير يا طير دعمتي بسيارتج صراحه اسمحيلي ياانه بعده ياهل ويتلذذ بتوسلج وانتي تحايلين عليه
او انه يدور عليج الزله ويبي الفكه يبه لا تخافين اذا بينكم نصيب بتعيشين وياه واذا ما بينكم نصيب والله لو شتسوين
بيطلقج بس لا تعيشين بدون كرامه وانا لو مكانج الحين والله ادز له مسج واقوله اللي ما يشيلني كحله بعيونه ما اشيله نعال بريولي يالله طس وناطره اورقتي يابو ورقه

 

[اكسبلانكا]

الله يهديه وخطاج السو حبيبتي بس عذره اقبح من ذنبه

 

[في قلب البحرين]

خير ......... خير .......خير

يطلقج على شنو ؟؟؟؟؟؟؟؟؟؟
شنو السبب ان سويتي حادث من صجج ؟؟
انتي اللحين مقتنعه بالسبب ,,,,,؟

هاذي بايع اصلا وبعدين اذا مصررررر وقال مابي و و و
لاتنزلين كرامتج اكثر بتندمين بعدين

اي والله لا سويت حادث بيطلقني
شفيهم الريايل

الله يعينج ويسر امرج​

 

[زوجة عزيز]

صج موكفو الزواج اشفيه متسبب بس سكتي عنه يمكن ماعنده سالفه او حب يستقوي عليج او مقتهر عليج انج طلعتي اذا كنتي متعوده مااتطلعين الا وياه والحين طلعتي بروحج يمكن اقتهر سكتي عنه وشوفي اخرتها معاه !!!