بنات وين تفضلون تروحون بصراحة اوروبا ولا امريكا ؟؟

[::كسرة عود::]

آوربآ آكيد؛؛
:eh_s(21):

 

[miss_art]

امريكا لها طعم خااااااص ماشفته بولا قارة ثانية... عالم ثاااااني ويهبل خصوصا بنيويورك تحسين جنك بفلم اجنبي لوووووول لما تتمشين..
واوروبا حلوة من ناحية كشختها ورزانتها وهيبتها.. بس الفرق الوحيد ان اوروبا وااااااايد غالية وامريكا تذكرت الطيارة اللي اغلى مافيها

( دلوعة ابوها) شلالات نياجرا شي ماشفتي ولا مرة عليج بولا قطعه من اوروبا كلهااااا... امريكا قااااااااااارة يعني فيها كلللللللللللللللللللللللللل شي من طبيعه وصحرا وبراد وحر ورطوبة كل شي اللي تبينه موجووووووووووووووود هناك.

 

[digital]

أمريكا وبدون مناااااازع

 

[بقايا همس]

تم التصويت اوروبا
وهم امريكان حلوة ودي ازورهم هالدول الاجنيه وافتر فيهم مكان مكان ونشوف الطبيعه الحلوة فيهم
ويسلمـــــــــــــــووو،،،،،،

 

[عروس الدنيا]

حبوبه ... شوفي انا مو رايحه اوربا غير لندن ... يعني غير بحيره وبط ووز شنو فيها ؟؟؟؟

انا بدور لج صور من امريكا كل الي شافوها قالولي جنهم بالنمسا .. بحيره تهبل و دور مدارها جبال خضرا .. و صور شلالات ثانيه وطبيعه و لااروع و هل كلام بمنطقه بالصيف باخر شهر 7 لبست عيالي جم طويل و ريلي الضهر الساعه 3 مو قادر ينام من البرد ...
و بامريكا .. و في خضره على مد النظر ...

و في نيويورك الي و لا ممكن تحصلينها باوربا ... مدينه 100% فيها ناطحات سحاب و صخب و ليتات تهبل ...
شلالات نياجرا الصوت لي سمعتيه بيتم باذنج .. و غيره و غيره
و قبل هذا هذاك ناس نفسيتهم حلوه يمشون و يتبوسمون لج و يسلمون عليج من دون ما يعرفونج ..
يعني بامريكا بتتعبين من كثر ما تمشين و تقولين هاي و هاي

و بعدين اول تذكرة امريكا غاليه الحين 20 دينار الفرق .. شي واحد الي يفرق بالنسبه لي ان سوق امريكا مو مثل لندن ماركات و جذي
يعني سوالف ماركات امريكيه عاديه كوتش و اجنر و ملابس اديداس و نايكي و هل سوالف ..

و بنتج اذا بتاخذينها اخذيها عادي احنا العام معانا بنت بنت خالتي و بعمر بيبيكم .. اصغر بعد و عادي مستانسه كانت
المسألة مسألة تنظيم .. معاج بيبي روحي كاليفورنيا براد مو حر و عادي البيبي وياج ..

 

[شيطووونه]

والله آنا امنيتي ارووح امريكااا بس الي رادني شي واحد اني متحجبه أخاف يكرهوووني ولايغلطوون علي !!!

:eh_s(2)::eh_s(2)::eh_s(2):


نصيحه امريكااا بدون نقاش

 

[نور البدر]

امريكا احلى من اوروباااااااااااااا

 

[نور البدر]

ونسيت اقول صج تذكرتها غالية بس رخيصة من كل النواحي السوق الاكل الالعاب

 

[sweety - Q8]

انا رايحه اوروبا صج طبيعه حلووه
بس امريكاا فيها طبيعه وانتي روحي حق مناطق الريف عندهم وجربي وحكمي بعدهاا

بس رووحي امريكاا ليش لا مو كله اوروبا

 

[Marymary]

مشكورين وايد على ردوودكم ما قصرتوووووووحبايبي الصراحة قررت امريكا

 

[&& غـــســق &&]

أهلين اختي شلونج شخبارج....؟!


لاتحتارين ولاتفكرين ...منو اللي قالج ان امريكا مافيها طبيعه...لأا فيها وفي ولايات جوها قمه في الروعه مثل كلفورنيا
عمي كان يدرس فيها انا شخصيا مارحت لها ...بس انشالله اذا في نية بنمر عليها ....

اما فلوريدا ...قمه في الوناسة انا شخصيا رحت لها 200 و2001 و2008 والله والله قعدت في كل مرة شهرين وشوي

حديي مامليت واذا افكر هم افكر اروح لها بألعابها بأسوقتها بمنتجعاتها...بشوارعها بمطاعمها...


اختي بصراحه انا تابعت تقرير روونه العضوة بصراحه فعلا التقرير كفت ووفت فية وكان سردها للموضوع وايد حلو

ومفيد واعطت الديرة حقها ترا بعد بالصج لمن تشوفينها احسن ...فلوريدا وايد حلوة ونيويورك ...وعلى فكرة فيها ماركات

من قال مافيها امريكا كل شي فيها...بصراحه سويلج تور على فلوريدا وكلفورنيا ونيويورك ...ونصيحه اللي تاخذين فيها فترة

حلوة فلوريدا ...وروونة حاطه ملحق حق الاماكن اللي ممكن تروحيلها بفلوريدا ...بصراحه روحي ولاتحاتين امريكا والكل اجمع تقريبا

الطريج طويل انا معاج بس ترا والله يسوى مليون بالامية ....


ونشالله رحله موفقة ....!!

 

[&& غـــســق &&]

والله آنا امنيتي ارووح امريكااا بس الي رادني شي واحد اني متحجبه أخاف يكرهوووني ولايغلطوون علي !!!

:eh_s(2)::eh_s(2)::eh_s(2):


نصيحه امريكااا بدون نقاش

بالعكسختي لاتخافين روحي انا امي متحجبة وانا يوم اروح كنت مو متحجبة معاملتهم حقي وحق امي كانت بقمه الروعه راح التلاحظين انه اهم ناس راقية بالتعامل وانا الحين تحجبت ابدا مافكر ان راح يحتقروني بالعكس تلاقينهم يسألون ويستانسون

وايد قالوا حق امي i like your scarf ويبتسمون يمكن 10 % اللي سألوا ليش السكارف...بس من غير اي تجريح او ستهزاء.... اهم صج شعب حبووب وطيب.... ولا تفكرين اختي وروحي شوفي الدنيا
عمر الحجاب ماكان عائق للمرأة وتخافين ابدا مو انا بس اقول الكل انشالله يأيدني اللي راح امريكا


يمكن ترا عكس اوربا ...!! اعتقد اهم احسن من اوربا

 

[قلب عشتار]

تم التصويت لاوربا بس كل من وذوقه وانا ما رحت امريكا وصديقتى تروح لها كل عام ادمان فا استخيرى وروحى امريكا
اوربا قريبه جربيها بالرده وموفقه

 

[travel]

امريكا فيها الطبيعه والوناسه والسوق
روحى امريكا احسن لان اللى ماسافر امريكا كانه ماسافر مكان وانا سافرت اوروبا لكني حبيت امريكا ومن نيويورك اجرو سيارة وتنقلو بين الولايات خصوصا الشماليه وايد حلوة

 

[Marymary]

مشكورين وايد وايد على ردوودكم الحلوة
وام عبودي حبيبتي كفيتي ووفيتي ما قصرتي " معاي على طوول
وشيطونة حبيبتي عمر الحجاب ما كان حاجز صدقيني انا بعد متحجبه مافيها شي
وبالعكس حسب الي اسمعه من وايد ناس ان معاملة الامريكان وايد احسن من الاوربيين و انا بالنسبه لي ما جربت الامريكان بس جربت الالمان
ويع ويع اخلاقهم نفس ويووهم ":\ تخيلو هالحجي كان قبل احداث سبتمبر وقبل الحرب عالارهاب ":\ ومعاملتهم جذي كانت عيل لو كنت رايحتلهم عقب شراح تكون معاملتهم المهم خل اقولكم شصار دشيت بقاله بألمانيا ولقيت كاكاو كتكات سألته عن نكهته واشلون صاير لان كان غريب لونه برتقالي ":\ جان يتحلطم علي بالألماني بصوووت عالي الي كل الي واقفين يم الكاشيرررررررر قعدو يخزوني خز وعطوني نظرة حقد اهني قطيت الكتكات وطلعت قلت كرامتي اهم ":\\\ مادري شقال بس اتذكر ان انا ويهي انصفق مادري شقتله الي جذي يتحلطم

 

[اشراقة الحياة]

امريكا بدوووووون منــــــــــــــــــــازع ........
كل شي فيها حلووووووو.......

 

[Mazyoona]

؛



.




أمريييكآآآآآآآآآآآآ أكيد

أنا عشت فيهاآآآآ حبيبتي

و كل شي فيهاآآآآو نصيحه مني اللي بتصرفينه بأسبوع بأوروبا تصرفينه بشهر بأمريكا

السوق عجيب و كل شي كل شي يونس و يفرررق ~~

توكلي على الله و بلغي ريللج أمريكآآآ

 

[بوران]

انا والله ودي بامريكا بس مثل ما قالت وحدة من الخوات الطيارة مدتها طويلة وايييد
اخاف من الطيارة لازم قبل كل سفرة اسوي بخيالي فلم و اصدقة اقعد ابجي قبلها بجم يوم عيل شلون لو اروح امريكا 15 مادري 13 ساعة واااي

 

[ظلال القرآن]

اذا هدفج سوق روحي امريكا
واذا هدفج راحه واستجمام وسياحه روحي اوربا

 

[أم أنور]

انا رحت امريكا اتهبل بس عيبها الطريييييييج وبصراحه ماكو على اوروبا المانيا وزلمسي ولندن