بنات وين احصل اغطية قماش للكراسي والقنفات

[شهرزاد الحكاية]

قوة بنات ...

شلونكم ؟؟ عساكم بخير ؟؟

بغيت استفسر منكم منو عندها فكرة عن الاغطية القماش اللي نغطي فيها القنفات والكراسي ...


لاني حابه اغطي الكراسي الخاصة بغرفة الطعام لاننا بناكل فيها.... وقت رمضان الله يبلغنا وياكم بالصحة والعافية ...

وياريت اللي تعرف مكانهم تقولي وتعطيني الاسعار ومشكورين مقدما :yaaaaaarb:​

 

[فاطمه الهاجري]

حبيبتي اذا قصدج تلبيسه الكراسي تبع غرف الطعام تلاقينها بايكيا واذاقصدج تبع الكنب والصوفا تلاقينهم بكل الاسواق الشعبيه ومحلات بيع الكفرات والديباجات اتمنى أني فدتج حبيبتي،،،،،،،،

 

[ام ناصروحنين]

او تشترين خام وتفصيل تيييبين المنجد او خياط الستاير للبيت وياخد قياس الغنفات والكوشيات ويفصل لج غطاء

 

[شهرزاد الحكاية]

مشكورين حبيباتي ..

على سالفة الكراسي احصل بايكيا زين... عندج فكرة جم سعرهم ؟؟

اي قصدي اغطية الكنب شنو الاسواق الشعبية اللي احصل عندها الاغطية وجم اسعارهم ...

وام اصر وحنين والله صعبة سالفة اييب احد يفصل احد لويه ومافي وقت اخذ جاهز احسن ....

ومشكورين جميعا ....​

 

[MoonDiamond]

كل اللي بالسوق خااااام بس

انا عيزت وانا ادور اللي بطنهم نايلون نفس ملوت الفرش
صج هذيل منهم فايده
اذا انكبت سوائل تحافظ عالكرسي والغنفه

وان شاء الله الاقي لاني اللحين حاطه عالغنفات ملوت الفرش تقزيره​

 

[الجوهره الغاليه]

تلاقينهم بمجمع الرحاب بمحل اسمه عمر بيك نايلون مايتسرب منه السوائل

 

[دموع أنثى]

أب أب

 

[راعية الطويلة]

الله يجزاكم خير فعلا محتاجة لهم خاصة قبل السفر
تلبسين فيهم الكنب و الكراسي

​

 

[يارب اشرح صدري]

يبيله عمر بيك

 

[PuPa^^SWeeT]

ايكيا

هممم سيتي سنتر


و اذا ماحصلتي


انتي روحي محلات التنجيد وياج كرسي


ولا قنفة و قوليله و نقي الخام و سوييه

 

[روحي زوجي]

ياريت احد يفيدنا

لان كنبي شمواه وتعذبت بالمسح يوميا

 

[al7reyaa]

الخام اللي فيه عازل موجود بالبلوكات والخياط وديله الكرسي يخيطلج انا رحت النداف مال العديليه جدام نادي كاظمه خيطلي الواحد4 دنانيير