بنات ولدي مصخن وتعبت معاه ماظل شي ماسويت له

[تحبني ولا ...]

بنات ابي اي شي ينزل حرارة ولدي


حطيت له خل ببطنه وارجوله واباطه وسبحته ماي بارد وتحميله وادول صار زين راحت الصخونه عنه


بعد خمس ساعات ردت مره ثانيه وديته المستشفى عطوه ادويه عطيته ونام لقيته شاب نار حيل



حطيت له فكس بسرته وبرجوله ولبسته دلاغات



بس اللحين انطر



ادعووووووووووووووووووووووووووووله الله يشافيه ويقومه بالسلامه

 

[choclate-_-q8]

مايشوف شر انشالله دلاقات مو زين تزيدين حرارته خليه بالملابس الداخليه بس
حطيله تحاميل الفولترين علبتها صفره بسرعه تنزل الحراراه واشتري ابلاستر خافض حراره بالصيدليه تحصلينهم
وانشالله تخف حرارته ولا تنسين وكل اربع ساعات شربيه الادول انشالله تنزل حرارته

هذي تجربتي مع عيالي لي صخنوا

 

[*ملامح يوسفيه*]

حبيبتي انا وحدة اعاني مع بنتي مع الحراره حطيه بطشت ماي فاتر وخليه يلعب وانتي صبي الماي علي راسه واباطه ورقبته هذي اماكن اختباء الحراره انا خبره بالاشياء هذي بنتي معاها تشنج حراري ومن النوع اللي حرارتها على طول 39 وماتنزل بسهوله وخلي عندج مقاس الحراره براون تجنن وعطيه بروفين الاطفال لازم يكون ببيتج اقوي من الادول ويطرح الحراره لمدة 8 ساعات وانتي مرتاحه روحي لاقرب مستوصف ويصرفولج الدوا بمقاس زين لولدج عادي ترى تعطينه مع الادول ما يتعاضون كل 8 ساعات بروفين وكل 4 ساعات ادول وحتى اذا صار وقت الادول والبروفين مع بعض عادي عطيه الاثنين.بس لاتستهينين بالحراره ترى تجيب التشنج واتي اسألي الدكاتره عن معلوماتي من باب الطمئنينه واللي معلمني هذي الطريقه استشاريين الاطفال بالعدان ودكاتره من برا بنات نصيحه اللي عيالهم صعب تنزل حرارتهم استفيدوا من الجدول واسألوا عنها الدكاتره بنات انا حتى تحاميل المخدره للتشنج موجوده عندي والحمدالله على كل حال والجدول اهو....
لاتغطينه حاولي تلبسينه خفيف علشان يبرد جسمه

كل 8ساعات بروفين وكل 4 ساعات ادول بس وحده من الثنتين(تحميله اوادول شراب)لازم ما ينعطون مع بعض
هذي وسيلة حمايه من ارتفاع الحراره واهم شي المضاد القي تري حق الحكومه ولاشي احسن واقى مضاد للاطفال
اهو اقيومنتين البنفسجي اللي كل 12 ساعه مفعوله روعه
لازم المضاد بالوقت مع البروفين والادولوراح تشوفي اختفاء الحراره انشاءالله.

 

[جنتي^و^ناري]

رد : بنات ولدي مصخن وتعبت معاه ماظل شي ماسويت له

بنات البروفين قوي على البعض سواء صغار أو كبار و خصوصا اللي يتنك سدرهم فلاتاخذونه بدون سؤال

 

[NFOOOL]

لا تلبسينه أدلااغات مو زيين حطي كلوونيا على ريووله ولبسيه لبس خفيييف وحطييله اللزقه مالت الحراره والأدوول ألتزمي فييه واذا ما يحب الدوا يرجعه ما منه فاايده حطييله تحميله انا ولدي جذي والبرروفين أنا الي أعرف حق الكباار مو اليهاال تأكدي أحسن الله يشاافيه يااارب

 

[عبث طفله]

حطيله كولونيا تنزل الحراره بسرعه

واستعملي الادول التحاميل تنفع اكثر من الدوا نفسه ..

ولا تلبسينه دلاغات خليه بالملابس الداخليه واذا تنزلين فنيلته احسن .. وحطي كمادات عليه ..

بعد عمري احنا الكبار ما نتحمل

الله يشافيه ..

 

[a7la MUM]

رد : بنات ولدي مصخن وتعبت معاه ماظل شي ماسويت له

وااااااااااي جنج تدرين ولدي عمري 7اشهر حرااااااااااااارة ونشله وكحه وعطااااااااس تخيلي شكله ذبلااااااااااااان ولا ياكل ولا يشرب عشان بلاعيمه ولا قادر ينام لان خشمه مسكر تخيلي عطيته تحاميل بخاخات حق الخشم ادول كلللللل شي عطيته حتى زيرتك بس ماكو فايده والزيرتك ينوم وولدي يبييييي ينام بس مو قادر من خشم مسكرررررر

الله يشفي ولدج وولدي وعيال المسلمين يارب

 

[*ماي الورد*]

رد : بنات ولدي مصخن وتعبت معاه ماظل شي ماسويت له

احسن شي تحميلة تاينيلون و الكمادات

 

[ام جوري وجود]

انا بنتي نفس الحاله تخف وترجع بعد جم ساعه

 

[*ملامح يوسفيه*]

بنات في بروفين حق الاطفال وعادي ما منه خطر على الاطفال وترى إذا رحتي المستشفي العدان وولدج كانت حرارته مرتفعه يعطونه بروفين مو ادول انتوا انتبهوا وراح تلقون كلامي صحيح انا بنتي مثل اعيالكم كله سخونه وكنت على الادول بس والله ماسوى فيها شي تنزل بعد ساعه او ساعتين ترد بس لما اعطيها بروفين تنزل الحراره وألحين اتبع مع بنتي الصغيره نفس الطريقه
وهذي من استشاريي الاطفال في العدان قالي هذي الطريقه احنا نستعملها مع الاطفال والحمدالله إذا عطيتها بروفين بالليل انام وانا مرتاحه مفعوله ٨ ساعات

بنات بروفين بس يجيب الاسهال والحراره المرتفعه تجيب التشنج الحراري وانتوا شنو تبين اسهال ولا تشنج وإذا جى مره بجي ثاني مره بس الحراره تذبح خلايا المخ إذا كانت مرتفعه وجزاهم الله خير اللي علموني الجدول هذا والله بنات بس اويوم حراره وبعدين اكون مرتاحه مافي حراره لين اكمل مدة المضاد وياخذ مفعوله( يعني انتي تمشين على جدول البروفين والادول ياتحميله او شراب الاثنين مع بعض خطره لأن البروفين شي والمضاد شي اما التحميله والشراب لا( يعني تعطين ولدج ٥ ملي شراب وتروحين تعطينه تحميله كأنج معطيه ولدج ١٠ ملي ادول هذا اللي يضر حذاري بنات تعطون شراب وبعدين تحميله هذي الشغله حذروني منها الدكاتره والتحمليله ترى ساعتها تختلف كل ست ساعات والشراب كل اربع ساعات. اختاري واح منهم مع البروفين بنات اللي عيالهم حرارتهم ماتنزل حذاري ترى هذا نذير شؤم للتشنج الحراري وإذا جى مره ترى راح جيه ثاني مره بس إذا حرصتي عليه انشاء الله ماراح يجيه
بنات معلومه مفيده وعن دكاتره إذا ولدج ياخذ مضاد وفيه اسهال تري ينزل المضاد ولا يأدي مفعوله يعني كأنج تحطينه بكربه مشقوقه راح يعطونج مضاد ابر انتي أسألي اي دكتور عن هذي المعلومات.

 

[Maryam.aL-O]

حبيبتي الله يشافيه بس مو جذي اتسوين فيه مو زين
شوفي بالصيدليه في بنادول شراب لونه وردي حق اليهال الصغار الي تحت السنه وفوق
بس قولي حق الي بالصيدليه انج استخدمتي معاه تحاميل وادول
وشوفي لم تعطينه االبنادول ( الشراب حق اليهال مو الحبوب)لا تعطينه شي ثاني غيره
وحطيله كمادات ماي مع اكلونيت بيبي وحطي بيدج شوي كلونيا ومسحي على اريوله واباطه
وشوي على راسه بس ديربالج لا تحرقين عيونه والبنادول شوفي كل جم ساعه تعطينه على حسب عمر البيبي
وان شاء اللله الله يشافيه اي ولا تلبسينه ثقيل لبسيه اهدوم خفيفه ولا تلبسينه دلاقات اتزيد الحراره تر

 

[الأميرة جوري]

رد : بنات ولدي مصخن وتعبت معاه ماظل شي ماسويت له

اختى سوي له تحليل بول تكرمين يمكن فيه التهاب بول انا بنتى يننتنى من الحراره كله مرتفعه وطلع معاها التهاب بول حيل ومع المضاد القوي تعافت

 

[دمعة فراقكـ]

يقولج المثل اسأل مجرب ولا تسأل طبيب ونصيحه لله شربيه عصيير برتقاال فريش قد ما تقدرين ووكليه قطع أناناس مو معلب لا فرييش وقشريله زنجبيل وخليه يمصها مفعول الزنجبيل شي مو طبيعي وحق كل شي سبحان الله وبالليل دهنيه بزيت زيتون وبقاعة ريله حطيله فكس ولبسيه دلاغ صوووف واقري عليه الفاتحه سبع مرات وقولي اسأل الله العظيم رب العرش العظيم ان يشفيك سبع مرات وحددددددددددده وحدددددددده من بعد الله
حبيبتي المريض يحتاج علاج داخل وخارج جسمه يعني مو بس تدهنيه وتلبسينه واتسبحينه لاا لازم يشرب وياكل اشياء مفيييده والله يخلييج سووي اللي قتلج عليه لانه مجربته بنفسي ودي اقولج قطي المضاد وادوية الطبيب بس اخااف بصراحة بس لانه انا سويت جذي قطيت الادويه ومشيت على هالبرنامج اللي قتلج عليه

طمنينا عليه حبيبتي

 

[أم حمودي**MALL**]

الاخت اللي تقول بروفين للاطفال
البروفين اهو نفسه في منه حبوب وسائل والسائل اكيد للاطفال!
البروفين زين بس عيبه اذا انعطى على معده خاليه يعور البطن فحرام الياهل بيعابل من الحراره ولا عوار البطن
ثاني شي مهم انه اللي فيهم ربو او حساسيه بالصدر البروفين مو زين لهم يهيج الحساسيه

فاحسن شي الادول مافي اعراض جانبيه بس لازم ينعطي بجرعه مناسيه كل 4 ساعات

او اشتري من الصيديله شراب اسمه calpol نفس الأدول بس مفعوله اقوى