بنات ولدي مدرسة ثنائية اللغة وضعيف بالانجليزي

[м!şş 3αşşόĻα]

بنات انا مدخلة ولدي مدرسة خاصة ثنائية اللغة والحين هو Gr1

والمشكلة انه تقريره هالشهر ضعيف بالانجليزي والعلوم مع العلم المدرسة نفسها مأسسينه بالروضه

وتقول معلمته انه لازم نتكلم معاه بالبيت انجليزي .. ويسمع انجليزي كثير عشان تتقوى لغته والا ماينفع يكمل معهم .. طيب واللي انجليزية مكسر شسوي

في احد عنده نفس المشكله

رايكم كيف ممكن اتصرف ..اخليه يكمل معهم والا انقله خاصه عربي وانا اشوف ولدي المدرسة
عاجبته وكون فيها صداقات يعني صعب عليه وهم صعب اخليه وهو حاس نفسه اقل من غيره كمشاركة بالصف

ياليت تساعدوني​

 

[أم عبووووود]

السلام عليكم ورحمة الله وبركاته

حبيبتي لازم الحين عالاقل يعرف مباديء وكلمات ويعرف طريقة القراءة

شوفي حاولي معاه تدرسينه كل يوم وعطيه اللي عندج واذا ماقدر لاتضغطين عليه وااااايد لأنه يمكن يكون هذا حدة وبجذيه راح تحملينه فوق طاقته وهذا حرام ترى قدرات اليهال تختلف من واحد لي الثاني يمكن هو مو حاب الانجليزي وصعب عليه حاولي والراي الاخير لج والله يعينج

الله يوفق عيالي وعيالكم يارب

 

[أوراد3]

ولدج بأي مدرسة؟

 

[м!şş 3αşşόĻα]

السلام عليكم ورحمة الله وبركاته

حبيبتي لازم الحين عالاقل يعرف مباديء وكلمات ويعرف طريقة القراءة

شوفي حاولي معاه تدرسينه كل يوم وعطيه اللي عندج واذا ماقدر لاتضغطين عليه وااااايد لأنه يمكن يكون هذا حدة وبجذيه راح تحملينه فوق طاقته وهذا حرام ترى قدرات اليهال تختلف من واحد لي الثاني يمكن هو مو حاب الانجليزي وصعب عليه حاولي والراي الاخير لج والله يعينج

الله يوفق عيالي وعيالكم يارب

والله اني ادرسة يومي ومدخلته تقوية بمدرسته للانجليزي

وادرسه قبل اختباراته واعطيه اختبارات قريبه للي بالمدرسة يحلها صح ..بس من تعطيه معلمته الاختبار مايقدم عدل

اقول لاهلي يحتاج مدرسين خصوصي يمكن يتقوى يقولولي حرام كافي المبلغ اللي تقطينه عالمدرسه والا شو استفدتي !!

تسلمين ام عبود عالرد وادري طولت عليج بس من قهري وربي

 

[м!şş 3αşşόĻα]

ولدج بأي مدرسة؟

بمدرسة أجــيال

 

[أوراد3]

آنا خايفة من نفس مشكلتج بعد
ولدي بالروضة بعد وخايفة أكمل معاه الأبتدائي ويطلع مستواه مو هالكثر
خاصة إن مانكلمه وايد انجليزي بالبيت
حاولي تقرين معاه قصص تزيد من حصيلة الكلمات عنده
وخليه يشوف برامج بالأنجلش
والله يوفقه

 

[ReeMaN]

ياساتر حتى انا ولدي بالروضه قالو لى عنه ان ضعيف بالمحادثه ياربي بعد انجليزي بالمدرسه وهم انجليزي بالبيت عيل متى بيفهم لغتنا:0bee2e8d89: انا سجلته بنشاط الانجليزي بمدرسته لمده شهر لان مالقيت له نادي برا المدرسه تقبل اللي بعمره وبالمدرسه بشوفه ان صار احسن بخليه يكمل واذا لا الله يستر :krkrkr:

 

[أسرار الطبيعة]

إضاعة وقت ومادة المعاهد الخاصة ..
خذي النصيحه من مجرب:
1.تعاملي معاه باللغه الإنجليزيه على طول
2. لابد من توفير معلمة متخرجه من الجامعة وتشتغل في البيت ( بمرتبة شغالة ) تدرسه وتشرف عليه وتتعامل معاه بلغة .
3.افتحي له المجال في التعامل مع أقراص تعليمية أجنبية ( التعلم باللعب)
وسيتغير بإذن الله للأفضل ..، بالتوفيق

 

[أم ضارى]

حسبى الله عليهم هالمدرسه من كثر ماعقدونى وعقدوا بنتى سجلتها بمدرسه ثانيه ولا تقعد بهالمدرسه اللى خلتها تكرهه المدرسه والدراسه

بنتى كانت بالحضانه البريطانيه الدوليه ماشالله عليهم تووووووب وبنتى ماشالله عليها كانت فلته حتى قرآن محفظينهم سبع صور راحت هالمدرسه الدايخه كرهوها بالدراسه والابله عقدتها خلتها ماتبى اتشارك بالصف

واللى موتنى قهر وحارنى ان انا من النوع اللى وايد حريصه كل ماييت آخذ بنتى اسأل ابلتها عن بنتى تقولى لالالالالاتسئلينى عنها بنتج ممتااااااااااااااااااازه وآخر شى انصدم لما اوصلتنى الشهاده ان البنت ماخذه واحد من خمسه بالانجليزى !!!! معقوله من صجهم يومين مانمت من القهر

بنتى من النوع اللى اسم الله عليها قبل هالمدرسه الدايخه لما ترد تقعد تشرح حق خوانها شنو خذت ودرسهم وتسمعينها حافظه وفاهمه واذا كلمتيها انجليزى ماترد عليج مكسر ماشالله عليها

حتى القرآن ماخذه واحد من خمسه لما كلمت ابلتها الدين انا كرهت نفسى مسكيييييييييييييينه بنتى شنو هالابله وا نزززززززززره نفسها بخشمها انا اكلمها شويه وطقنى ... قلتلها بنتى طول الاجازه واهيه تردد السور بروحها اشلون الحين عندج نستهم؟؟؟؟
لاوموعاجبها تقولى لازم تحفظين بنتج بالتجويد !! عيل اهيه شنو شغلتها وانا اشعرفنى بالتجويد انا اعرف احفظها واللفظ صح بس التجويد عليها
وقبل لا اطلع قلتلها خلاص انا بركز مع بنتى بالبيت على القران بس انتى شوى شوى عليها بالصف لين اتمشى معاج جان تقوم الحبيبه الحصه اللى بعدها على طوووووووووول وتزف بنتى !!! بنت اللذينه حرتنى هذا وانا موصيتها !!!

 

[أم ضارى]

نسيت اقولكم صف بنتى فيه يهال شياطين وابلتهم الاساسيه موقادره تسيطر عليها فا طايحه فيهم زف وبنتى من النوع اللى اجتماعيه اذا احد كلمها تسولف فا يحوشها الزف وخلتها الابله تكرهه المدرسه

وعيزت وانا اكلم ابلتها انها لازم اتسيطر على الصف

صراحه هاذى موشغلتنا عيل احنا اشحقه دافعين فلوس !!! حتى زوجى جم مره يقول حق بنتى اذا الابله زفتكم تعالى قولى حق امج ياعمرى تقوله لالالالا بابا اصلا اهيه لما تزفنا الباب مسكر محد يدرى !!!
ورحت اشتكيت عليها بالاداره حتى الاوراق والهومووركات توصلنا متأخر مايمدينا ... يوم درت احقدت على بنتى وحطت عليها بالامتحانات
تورينى اورقتها تقولى شوفى بنتج مو كاتبه شى حتى الورقه اللى المفروض تنسخ فيها اسمها قلتلها بنتى حافظه اسمها صمممم وبالبيت كل مكان تكتبه .. وورتنى ورقه ثانيه والا بنتى كاتبه الواجب خرابيط ومرسمه على الورقه (مسكينه من الحاله النفسيه اللى قامت تحوشها داخل الصف من الاضطهاد) قلتلها يوم انج شفتى بنتى اتشخبط جان قلتيلها ليش اتسوين جذيه وعلمتيها شتسوى جان تقولى لالالالا انا ماقولها جذيه انا بس اقولها اللى انتى قاعده اتسوينه صح والا لا !!!!!!!!!!!!!!!!!!!! الحبيبه علبالها قاعد اتكلم وحده بالثانوى ماجنها قاعده اتكلم ياهل بثانيه روضه

 

[أم ضارى]

وكلمه والثانيه تقولى المدرسه فيها اخصائيه نفسيه ليش مانودى بنتج لها !!! تبى اطلع العيب فى بنتى بأأأأى طريقه

مسكينه بنتى من كثر ما صار ماعندها ثقه بنفسها قامت كله تكتب وتمسح اللى اكتبته لين تتعفس الورقه وتصير زباله

كسرت خاطرى يوم شفت السالفه جذيه قلت حق زوجى خلالالالالالالالالالالاص انا ماقدر استحمل اكثر من جذيه انا كنت ناويه السنه اليايه بنقلها بس الحين مؤقت بنقلها باى مدرسه بريطانيه ولا اخليها عندهم يدمرون البنت لى حتى لومدرسه بعيده بس ترتاح بنتى وترد تحب المدرسه مثل قبل

وعلى فكره يوم اشتكيت عند الاداره وطلبت تغيير صف بنتى مارضوا واصلا ماسوولى شى

انا اسسسسسفه على القرقه بس من القهر صج صج ارفعولى ضغطى

هذا غير كل ماراحت بنتى حمام السباحه لازم يضيع منها شى ياجاكيتتها يافوطتها ياشباصتها وكل مسأل كل وحده تقولى مو انا ولما رحت تناجرت معاهم قالولى انتى الغلطانه المفروض تكتبين اسم بنتج على كل شى !!! بالله الشباصه اشلون اكتب اسم بنتى عليها ويعنى اذا كتبت اسم بنتى بترد الاغراض واذا ماكتبت حلال تنباق !!!!

مدرسه تنغرين فيها لما تشوفينى صفوفها اللى تشرح القلب وكبر الصفوف اللى ماشفته بمدرسه ثانيه بس للاسف كا تعليييم صفر
يمكن يمكن تصلح حق اللى عيالهم ماعندهم خلفيه بالمره وبيتأسسون من الصفر لكن حق ناس فى مستوى بنتى حرام يدخلون هالمدرسه الفاشله

اشوه كلها الشهر الياي وبنقل بنتى مدرسه ثانيه بدل عوار القلب كل يوم

 

[*نور الكويت*]

وي وي وي ام ضاري هذي اي مدرسه ؟؟؟
حرام والله

 

[أم ضارى]

وي وي وي ام ضاري هذي اي مدرسه ؟؟؟
حرام والله

هاذى اهيا نفسها المدرسه اجيال ........... والله حماتى عيزت منى قبل لااسجلها قالتلى وايد اولياء امور مايمدحونها وطلعوا عيالهم منها بس شسوى ريلى الا يبى القرب يقولى حرام تودين اليهال مدرسه بعيده

بس الحين كيفه تروح بعيد واهيه مرتاحه احسن من قريب وتتحسر وتكرهه المدرسه

 

[om al ghaleen]

حرام والله واعليا على ولدج

 

[ابتسامه80]

الله يعينج ام ضاري امبين عليج صج صج قاهرينج
حسبي الله عليهم

 

[أم عبووووود]

تصدقون اول مافكرت اطلع عيالي من الاكاديمية فكرت باجيال لان مدرسة ولدي كانت بالاكاديمية وكانت ماشالله ممتازة بس طلعت من المدرسة بسبة الادارة وسبحان الله مادري شخلاني اغير رايي واوديهم الحكومة مع اني كنت بخلي بنتي بعد سنة بخاصة علشان تتقوى بس هونت وسبحان الله الاكاديمية على عيوبها عيالي ماشالله بالانجليزي متأسسين عدل مع ان بنتي العام كان نص السنة كل ساعة ابلة بس الظاهر كان تأسيس الروضة والله المدارس حظ وتوافيق وانتي وحظج بالمدرسات

الله يصبر قلبي ويعينج على ماتنقلينها

 

[أم ضارى]

الله يعينج ام ضاري امبين عليج صج صج قاهرينج
حسبي الله عليهم

سكتى نفسيتى تعبانه اكثر من بنتى ... صراحه قهر تخيلى رفيجة بنتى امها مدخلتها مدرسه فلوسها اقل من مدرسة بنتى وانا اقول فى قلبى اى شى ماشالله عليها البنت الحين اشزينها ومرتبين حتى بهومووركاتهم وانا اللى ادفع اكثر اى شى اىشى
حسبى الله ونعم الوكيل بنتى معاهم قامت تضيع اكثر ...حتى اللى كانت حافظته نسته معاهم

الواحد بعد المروض مايدخل عياله مدارس توها يديده يبى يدفع يدفع على مدرسه قديمه ومعروفه

بس شسوى ماكو حوالينا مدارس وايد

ايييييييييييييه الله كريم

 

[أم ضارى]

تصدقون اول مافكرت اطلع عيالي من الاكاديمية فكرت باجيال لان مدرسة ولدي كانت بالاكاديمية وكانت ماشالله ممتازة بس طلعت من المدرسة بسبة الادارة وسبحان الله مادري شخلاني اغير رايي واوديهم الحكومة مع اني كنت بخلي بنتي بعد سنة بخاصة علشان تتقوى بس هونت وسبحان الله الاكاديمية على عيوبها عيالي ماشالله بالانجليزي متأسسين عدل مع ان بنتي العام كان نص السنة كل ساعة ابلة بس الظاهر كان تأسيس الروضة والله المدارس حظ وتوافيق وانتي وحظج بالمدرسات

الله يصبر قلبي ويعينج على ماتنقلينها

زين سويتى حراااااااااااااااااام حرااااااااااااااام اجيال تقطين عليها فلوس

شوفى انا رحت الاكاديميه اعجبتنى بس اللى خلانى اغير رايي ان قالولى نص اليوم انجليزى ونص اليوم عربى وانا كنت ابى مدرسه كلها انجليزى بس العربى والدين .. لما رحت اجيال قالولى هالحجى

بعدين اكتشفت ان كلامهم خرطى وانهم نفس نظام الاكاديميه

 

[м!şş 3αşşόĻα]

يعطيكم العافية ..ماقصرتم عالردود وام ضاري حطيتي ايدج على الجرح


انا بخليه بمدرسته هالسنه بس واذا استمر الحال على ماهو عليه حرام اخليه يكمل معهم

انا معلمه واعرف اقيس ذكاء كل طالب وولدي اعرف انه ذكي ..

والله تضحكون علينا بالبيت موصيه الكل يتكلم انجليزي

حتى الوالدة موصيتها لاتكلمه الا بالانجليزي بنشوف آخرتها ..

 

[أم ضارى]

يعطيكم العافية ..ماقصرتم عالردود وام ضاري حطيتي ايدج على الجرح


انا بخليه بمدرسته هالسنه بس واذا استمر الحال على ماهو عليه حرام اخليه يكمل معهم

انا معلمه واعرف اقيس ذكاء كل طالب وولدي اعرف انه ذكي ..

والله تضحكون علينا بالبيت موصيه الكل يتكلم انجليزي

حتى الوالدة موصيتها لاتكلمه الا بالانجليزي بنشوف آخرتها ..

الله يعينج عليهم انا اشوه بس شهر 12 راح تظل معاهم على مايبدى التيرم الثانى بالمدرسه الثانيه وانقلها
طايحه فينى ابلتها لازم اتعرف الفونكس بالصوت والصوره ... انزين انا ممتازه بالانجليزى بس صراحه ماتعلمت بالمدرسه الفونكس بالله اشلون اعلم بنتى !!! واخاف اعلمها شى يطلع غير اللى تاخذه بالمدرسه واخربط بنتى ازياده
حتى لما سألتهم بالمدرسه الثانيه قالوا لا هاذى مسؤوليتنا احنا انعلمها واذا تبين احنا انعلمج اشلون تشرحين لها وسالفة الا الفونكس بالحركه هاذى مالها داعى