بنات ولدي عمره ثلاث شهور ونص ماايرقد الليل ابدااا وش الحل

[مطرها يسبق رعدها]

السلام عليكم

ولدي مايرقد الليل ابداااا يرقد بس في النهار من ورا الساعه ثمان الصبح نومه متواصله ويقعد فيها مرتين ثلاث تقريبا كل ساعتين

شلون اقلب شفته واخليه ينام الليل بدال النهار

ساعدوووني

 

[الأمل الأبيض]

من السبع تقريبا
دفي الغرفة و سكريها و فصخي الجاهل و زيتيه بزيت الزيتون
لما يدوخ ولعبية و بعدها خليه شوي و سبحيه
و حضري له حليب دافي
ودهنيه بفازلين يدفيه و لبسيه و رضعية و راح ينام خوووش نومه

 

[حرم_الغلا]

عــااادي الله يخليه لج...
بس يكمــل 6 شهوور يتعــدل نوووووووومه​

 

[khawla&tito]

انا سمعت انج تحممينه بماي دافي وبابونج وهم تعطرين الغرفه بفواحات بزيت البابونج والخزامى <تدوخه وينام

 

[قمر وربي امر]

الله يعينج

ولدي عمره اللحين سنه وثلاث شهورالله يحفظه والله انه من جبته مايوم حسيت بنومي ولاقعدتي راحه

والسبه اعاني من رقاده شكثر حاولت اعدل نومه بس مافاد تخيلي بجر متعوده عالراحه ويوم يكون عندج ياهل
تجيج حااااااااااااله واعصاب:eh_s(4):

مرات اقعده الظهر 12 اظهر واخليه يواصل 11 بالليل بيكون هلكاااااااااااان حده واخرشي ينام يقعد الساعه 3 الفير
شنو انقهررررررررررررررر

واحين الحمدلله كم من يوم صار يرقد الليل ويقعد الصبح الحمدلله يارب

والله كنت اقول ان الولد موصاحي اكي في شي ولافي يهال ماينام امي كانت تقولي يمكن نومه خفيف

شدخل خفيف وهو ينام النهاااار لين العصر ولا المغرب فديته والله الكتكوت الله يهدي ويحفظه:eh_s(17):

 

[sweet 4 U]

الله يعين انا ولدي سنتين للحين نومه ماتعدل ما ينام مبجر انا اقول الصبيان عسرين شحليل البنات بعد الاربعين يتعدل نومهم الله يحفظهم يارب

 

[n-h-m]

لازم بهالعمر بعدين تتحكمين بنومته عقب الست شهور

 

[ملامح بريئة]

العمر هذا ما تبرمجينه اهو يبرمجك ويمرضك هذا نوعية تحب السهر و المشي الا اذا كان في سبب الملع اذا كان مملوع فهذا السبب والعلاج عند الطب الشعبي

 

[Winter Q8]

مادام ينام بالنهار فالحمدلله ماعنده مشاكل بس لانه تعود ينام بالنهار و يقعد بالليل انعكست عنده الآية ..

الحين شتسوين عكسي نومه بس يبيلها طولة بال ..
لما ينام بالنهار بطلي كل الليتات الدريشه مو تسوين له جو هادي لازم يعرف ان ماكو نوم طويل بالنهار خلج عادية ازعاج و لويه ..
لا تخلينه يشبك النومه بالكثير ساعتين و قعديه و اسم الله على ولدج بهالعمر يقدر يلعب المهم اشغليه مرة لعبة مرة تلفزيون مرة سولفي معاه .. و حرصي على رضعته خليه يشبع بالنهار ..

لما تصير الساعه 10 - 12 بالليل لا اهني يصير هدوء و الليتات خافته سبحيه و دهنيه و لبسيه بجامه راهيه و مريحه و مميه دافيه راح يدوخ و ينام .. المهم معده الياهل ما تستحمل 6 ساعات بدون حليب فقبل الست ساعات اذا بجى لا تعطينه حليب لا ماي و بعد الست ساعات لا عطيه حليب و دافي و نفس الشي ظلما و لا تكلمينه و كل شي هادي ..
اول الايام راح يكون مهدود حيله و تعبان و كله يبجي لان ماينام بس انتي طولي بالج معاه و راح يتعود بس ديري بالج لا تخلينه يواصل مانها فايدة غير التعب لج و له ..

و ايي نسيت الياهل بهالعمر ينام 15 ساعة 8 بالليل و 7 بالنهار مقطعه .. يعني اذا بتضبطين نومته على هالحسبه

 

[مطرها يسبق رعدها]

مشكورييييييين فديتكم ماقصرتو

بسوي كل اللي قلتولي عليه

 

[om MaRyooM]

نفس المشكلة


ويقولون بعدين تتعدل النومة

مع اني مو مقتنعة بس انشالله خير لووول

 

[مطرها يسبق رعدها]

هههههههههه انا مثلش ماقتنعت

بس الله رئوف بعباده مالنا الا الدعاء

سويت كل اللي قالوه مانفع مايرقد الا بكيفه الله يعييييييين

 

[بدوية بملامح كشميرية 86]

والله انا ولدي طلع فيني الشيب

طول الليل قاعد ويبجي بعد مايسكت الا تذا شلته والليت شغال

والساعه 10 او 11 ينام والله لعب فيني حتي ماهتميت عدل بنفاسي منه الله يهديه

وكل شي جربته سبحته بالليل عشان ينام مانفع

عطيته ماي غريب مانفع

ماتعدل نومه لما كمل سنه والحمدلله

والله يخليلج وليدج

 

[بدوية بملامح كشميرية 86]

اقصد. ١٠ او ١١. الصبح 

 

[alhnan]

ما ينام الليل لانه نايم بالنهار عدلي نومته بالتدريج بتقليل ساعات النوم بالنهار ما يجي الليل الا وهو ينعس

 

[* بنت المطر *]

حبيبتي لاتخلينه ينام بالنهار واجد ابعصي نومته قعديه ولعبيه وع الساعه 9 سبحيه بجونسن سليب باتر الابيض مع بنفسجي

بعدين دهنيه باللوشن ماله وهمن بعد السباحه لعبيه شويه وع ال 10 ونص 11 رضعيه وان شالله يتعدل نومه

 

[ام رينـاد]

نفس رد بنت المطر

 

[q8helwa]

ياااااووو حاسه فيكم



نفس حالت بنتي بالليل سهر وبجي


وانا حدي انعس تقومني من عز نومي

 

[نـعـومـه]

انا عندي اهم شي ينام حزه انتي تنامين فيها

انا بنتي يبلش سهرها بالحزه اللي ادووووخ فيها