عادي حبيبتي تفكيرج ,,
بس انا بعد من رايي انج اتكملين دراستج
و صدقيني في بنات يتزوجون وهم كبار ويحصلون احسن الرياييل
رزقج موجود محد بياخذه,, بس انتي لو تشغلين نفسج بالدراسه يمكن احسن
والله يوفقج ويرزقج
حبيتي لا تحاتين انا معاكم جريب الثلاثين
والله يرزقج ويرزق خواتج ويرزقنا معاكم بازواج صالحين آآآآآآآآآآآآآآآآآآمين رب العالمين
انتي مثل خواتي الصغار ليش ما تزوجنا للحين على الاقل انتي ...يعني انا
والله متفشلين من رفيجاتنا
زين انا شكو هذا امر الله
وسبحان الله له حكمه بكل شي
وعاد من تزوجوا رفيجاتي ما قاموا يتصلون علي صج تضايقت بس شسوي قمت انا اتصل لدرجة انهم يتهربون مني
ومن كم يوم رحت للصالون شبهت على وحده انها رفيجتي ايام المتوسطه والله هي عرفتني وسلمت علي واسالتني متزوجه ولا لا؟
قلت لها للحين ما صار نصيب جان تقول وانا بعد سبحان الله فرحنا احنا الثنتين علشان نواسي بعض
لا تشلين هم توج صغيرة على التعب والتفكير
ما عليكم الا الاستغفار سوولكم مجلس واقري انتي وخواتج سورة يس والصافات ليلة الجمعة واستغفروا لو كل وحده الف صدقيني راح تنفرج عليكم
الله يرزقكم ويرزقنا كل خير ان شاء الله
تحياتي لكم
الزواج مو كل شي بالحياة!!
في اشياء وايد حلوة .. بس انتي حاكرة روحج بالبيت لا دراسه ولا تعليم ولا حتى عمل تطوعي
بعدين انتي بالسانج قلتي انج صغيره يعني ليش مستعيله
شوفي انا عن نفسي كنت رافضة اتزوج الا لما القى الانسان اللي افهمه ويفهمني
وعشان شرطي هذا تاخرت بالزواج واختي اللي اصغر مني تزوجت قبلي
اشصار فيني انا!! مت؟ بجيت؟ حسدتها؟ افتشلت؟ اقسم بالله لا ما صار هالشي بالعكس استانست لها واصريت على موقفي وعشت حياتي بين دوامي ونادي وعمل تطوعي لين ييه نصيبي يعني ما دفنت روحي عشان ما تزوجت!!
كل شي بوقته حلو ومحد راح ياخذ الا المكتوب له
والله يا وخيي خووفج مالا داعي
اولن الكلام الي بقولج اياه مو بقوله عشان بس اونسج وله عشان يرتااح بالج بس بقوولج الحقيقه الي انتي غاافله عنها
كللللللللللللل هالي قاعده تفكلريين فيه بسببب الفضاااوة
انتي لو كان فيه شي يلهيييج لو كنتي تدرسين وله تشتغلين جاان ولااا شي من هالافكاار يات في باالج
والزواااج قسمه ونصيبب ومتى ما يه نصيب البنيه تتزوج مها كانت الاسباب والظروووف
مو شرط بنات خالتي تزوجوو كللهم يعني لازم انا بعد اتزوج وله فشله
مووو شرط رفيجااتي تزوجوو خلاص انا لازن اتزوووج
كللنه رفيجاتنه يتزوجوون عااادي
يعني كل بنت وضعها يختلف
مثلن انا وحده عندي رفيجات
بعضهم قادرين يتزوجوون الحين تزوجووو
انا و وبعض رفيجاتي مهتمين بدراستنه ونحس انه احنه يهاال فمونبي نتزوج
يعني مااالا علاااقه
واهمه مراح يفكرون انتي ما تزوجتي بس انتي الي تفكرين هالنفكير وصدقيني بسبت الفرااااغ
انا تدرييين اموووووت على ادرااسه ولمن تصير عطللله يااا ربي الملل يقطعنييي
تدرييين شسووي بالعطللله
والله انا يكون ويهي شحلااته موووفيه نفر
اروووح قصب اقوول انه فييه نفر وخاايس وارووح العب فييه خلطااات وووودري شنو واسووي ويهي تجاارب بس من المللل
يعني انا اذا كنت فااضيه اقوول شعري خاايس وله بشرتي خاايسه فارووح العب فييهم واهم ما فيهم شي ترى بس قصب بفكر بشي
انا افكر جذي
انتي تفكرين جذاك
تفكريين ابي اتزوج لانهم اتزوجوو
لا حيااتي
اصلن يمكن لو تزوجتي تتعبييين اكثر واكثر
وتقوولين ياا ليتني ما تزوجتت ابرركلي
والله انه وحده من رفيجاتي كاانت تهبببلل وكنه سوالف وضحك من تزوجت البنت اختفت
وقلت يالله الله يهينها لاهيه بالريل
فجأة اطلعت ولكمتني
انا انصدمنت قلت والله زين تذكرتي
والله لاا تشوفين ويهاااا لا تضحك ولا تتكلم وتحسينها زعلاانه وما هي رفيجتي الاوليه كللش
الزواج مو كل شي بالدنيااا
طبعن اهو ما كآبه وحزن لاا يعني انا اضربلج مثال انه الزواج مو حل للمشكلات
وعمومن انتي مو مشكلتج زواج
الله يهدييج عيل لو كنتي كبيييره وايد جان شسوييتي
نصيحتي لج شغلي نفسج باي شي
تعلمي الطباخ
رسمي
تعلميلج هوااايه
دشي النت دروس مكياج وتسريحات شعر
اخذيلج دوراات وله دشيي ناادي شيعي فيه وقتج
وصدقيني راح تنشال هالفكرة برااسج
وبالتوفيق
الله يرزقج بالنصيب الصالح عاادي لايضييق خلق ولا شي والي يسالج ليش ماتزوجتي قولي نصييب كل شي قسمه ونصييب
انا راي من راي البنات كملي دراستج او اخذي دوره واشتغلي وقضي وقتج عشان تبتعديين عن هالتفكيير
لوول انا شايفه وايد بنات في المنتدى مو متزوجين ... شرايكم نسوي تجمع حق العزوبيات فقط :ggdw:
حبيبتي جيكي عالخاص
الله يرزقج ويرقنا قريب ان شالله
خلي املج بالله كبيير
![[[ عيون جابر ]]](/data/avatars/m/88/88982.jpg?1621060915){kind=avatar}
