بنات وزني زايد ؟!

[حبيبة زوجها2009]

السلام عليكم وزنت قبل جم يوم ولقيت وزني زايد وعمري ماوصلت هالوزن :nocommint: حتى وزنت بميزانين خفت يكون الاول خربان بس طلع صح هذا وزني اللي مصدومه فيه وانا عارفة ان الزون الزايد يأثر على القدرة على الحمل فقررت الحين اني اخفف الاكل وابدي امشي رياضة كل يوم ساعة بس تهقون بنات المشي زين لوصار حمل وانا مادري وقاعدة امشي رياضة يأثر على الحمل اخاف احمل فجأه ومع المشي يطيح ؟ شنو تنصحوني فيه؟

 

[sweet-rose]

السلام عليكم ،


انا بعد عندي نفس سؤالج .. انا امشي ايام الدورة لين ايام التبويض بعدين اوقف لا نزلت رديت مرة ثانية

 

[غيـ الناس ـر]

المشي ما يضر انا سائله طبيبتي بس مو تمشين بقوة وبسرعه ..


واذا انتي تاخذين علاجات من هرمون حليب او ذكوره او منشطات ترى هالسوالف كلها تمتن .. انا زدت حول ال 15 كيلو من تزوجت من الدوستنكس علاج هرمون الحليب

 

[menen]

سلام عليكم
الله يرزقك بلذرية الصالحة السالمة عاجلا خير اجل
يا حببتي انا انصحك بالتغذية الصحية المتوازنة ، على الاقل 5 خضر و 5 فواكه في اليوم
شرب الماء لتر و نصف في اليوم
الابتعاد عن الاكل خارج البيت و اللحوم الحمراء و المشروبات الغازية و احلويات
انصحك اكل السمك و الماكولات المشوية غير المقلية
بالنسبة للرياضة يمكن تمشي نصف ساعة في اليوم
اعرف انه صعب بسسسسسسسس

 

[نيبال الايمان]

ضى الايمان


ياعمرى اول شى عسى الله يرزقج بالذرية الصالحه اللى تقر عينج وتفرح قلبج اللهم امين يارب 00


المشى ياعمرى ان شاء الله اذا كان الحمل طبيعى ان شاء الله ما ياثر 00 بس امشى على الخفيف يعنى مو تجهدين نفسج 00

ومثل ما قالت اختى menen كثرى فواكه وخضار وماى وان شاء الله ينزل وزنج 000

وعسى الله يرزقج ويرزقنى ويرزق كل محروم ومحرومه منهم اللهم امين يارب

 

[Marka Store]

ديري بالج العن شي الوزن الزايد انا نسيت عمري لما انتفخت

 

[Swan]

اختي المشي ما يضر ان شاء الله الحمل
وكافي انج تمشين نص ساعه الى ساعه باليوم
وبعدين المشي وايد زين للمبايض ينشطها
ووزنج اكيد بيزيد مع الادوية ما اظن في وحده ما زادت منها

 

[miss_uk]

انا بحمالي كنت كلة امشي لين ولدت

وها امشي بعد بالمشاي
اهم شيء لا تعبين نفسج