بنات ودي أترك الدوام .. شرايكم ؟؟؟

[Safire]

حبيبتي ... شوفي انا مدرسة و اكرف 24 ساعة و دوامي لوعة وتعب نفسي و جسدي و مريت بحالة اجهاض بسبب الدوام ... ولما حملت مرة ثانية ريلي قالي طلعي من الدوام وقعدي بالبيت عشان ترتاحين ... عاد انا اخذت اجازة من غير راتب وقعدت بالبيت بس الحين والله حدي لايعة جبدي و ودي ارد دوامي الخايس المتعب على العقدة جذي !!! بس هو مو راضي!!! وبعدين ترى مزايا دوامج وااااايد احسن من مساوءة يعني مساوء دوامج عادية و تقريبا الكل يمر فيها !! اذا حسيتي بترتاحين شوي اخذي اجازة من غير راتب اسمها رعاية اسرة مدتها سنة و يسير تقطعينها بس مادري عقب شكثر روحي سالي عنها واخذيها وجربي الوضع واذا ما عجبج ردي دوامج بس لا تتركين الشغل وتندمين بعدين !!!

 

[ام شووووق]

رد : بنات ودي أترك الدوام .. شرايكم ؟؟؟

الزم ماعليج راحتج ثم ريلج

 

[شقرديه كيوت]

رد : بنات ودي أترك الدوام .. شرايكم ؟؟؟

كنت موظفه وطلعت من الدوام حيييييييييييييل ارتحت سهر وراحة بال ولا احاتي قومة الصبح-جبت لعمري العافيه-واللي تقول المعاش والله المعاش سنين الدوام ما نفعني بشي بسرعه طاير ع مظاهر خداعه وبعدين خلي الرجال يصرف عليج شوراه هو ؟ ابرك ما يخربط فلوسه منيه او منيه بعدين بالشرع انتي مسأوله منه

 

[ماني من الناس]

رد: رد : بنات ودي أترك الدوام .. شرايكم ؟؟؟

كنت موظفه وطلعت من الدوام حيييييييييييييل ارتحت سهر وراحة بال ولا احاتي قومة الصبح-جبت لعمري العافيه-واللي تقول المعاش والله المعاش سنين الدوام ما نفعني بشي بسرعه طاير ع مظاهر خداعه وبعدين خلي الرجال يصرف عليج شوراه هو ؟ ابرك ما يخربط فلوسه منيه او منيه بعدين بالشرع انتي مسأوله منه

احلى شي المظاهر الخداعه لووووووول

ولله انا جربت المعاش شهرين كلش مو شي ينصرف في دقايق

خلني اعيش بفلوس امي ابرك لووووووول عالاقل اصير حره
مو لين عندي معاش يقولون لي صرفي من معاشج لا

اخذ اللي ابيه عندهم الله يخلي امي


واهم شي راحه البال والنفسيه وبعدين شلون لجسدك عليك حق وزوجك له حق عليك السالفه مو انج تسوين له ريوق ولا غذا السالفه انج تقعدين وياه فرش مرتاح بالج ووقتج ملكك ومحد يتحكم فيج

 

[om_dodo]

لا تتركين دوامج مهما كانت المغريات لتركة
لان
معاشج سلاح لج ويغنيج عن منة الناس
وحتى لو ريلج متكفل فى مصاريفج
مردة بيمل وبيتعب والحياة كل مالها واتصعب والمعيشه كل مالها تغلى
ولج الخيار بالاخير تبقى هذى وجهة نظر
وموفقة

 

[ماني من الناس]

لا تتركين دوامج مهما كانت المغريات لتركة
لان
معاشج سلاح لج ويغنيج عن منة الناس
وحتى لو ريلج متكفل فى مصاريفج
مردة بيمل وبيتعب والحياة كل مالها واتصعب والمعيشه كل مالها تغلى
ولج الخيار بالاخير تبقى هذى وجهة نظر
وموفقة

ليش يمل ويتعب هاي مسؤؤليه بالشرع والدين والقانون ,,,,,,,,,
وبعدين اذا قعدت بالبيت شفيها ترتاح تصلي تقرا قران تتسلى وايد اشيا الواحد يقدر يسويها ,,,ويتمتع فيها


الراحه حلوه

 

[دمعه ندم]

غلط تتركين الدوام شوفيلج داوم ثاني
وانقلي وحاولي تقنعين زوجج

 

[لمسه حزن]

رد : بنات ودي أترك الدوام .. شرايكم ؟؟؟

خليج بدوامج

الحين تبين تطلعين

بس باجر

تتمنين الرجعه للشغل

 

[شقرديه كيوت]

رد : رد: رد : بنات ودي أترك الدوام .. شرايكم ؟؟؟

احلى شي المظاهر الخداعه لووووووول

ولله انا جربت المعاش شهرين كلش مو شي ينصرف في دقايق

خلني اعيش بفلوس امي ابرك لووووووول عالاقل اصير حره
مو لين عندي معاش يقولون لي صرفي من معاشج لا

اخذ اللي ابيه عندهم الله يخلي امي


واهم شي راحه البال والنفسيه وبعدين شلون لجسدك عليك حق وزوجك له حق عليك السالفه مو انج تسوين له ريوق ولا غذا السالفه انج تقعدين وياه فرش مرتاح بالج ووقتج ملكك ومحد يتحكم فيج

:ggdw::ggdw::ggdw:عاشت عاااشت اوالله يخليلج امج--وبخصوص المظاهر الخداعه وانا صاجه ماذبحنا غير المهايط وهالمظاهر اللي لا تودي ولا تجيب اهم شي الراحه النفسيه بعدين سؤال أي أهم الزوج والعيال ولا الدوام؟ خاصه اللي مو مضطرات للدوام بسبب ظروف ماديه-لا تاخذكم الدنيا ع اشياء تافهه وتنسووون الاشياء الاساسيه

 

[الفدنه]

استخيري
واخذي اجازه بدون راتب جربي نفسج

 

[زوجة عزيز]

حبيبتي تطلعين من دوامج عشان تسوين ريوق حق ريلج ؟؟؟؟؟؟؟؟

جهزي الريوق قبل لا تطلعين ومتى ما رجع من دوامه ياكله

ترى قعدة البيت مرض ومقثة ، وطالما إن انتي تقدرين تعطين من طاقتج اشتغلي ليش لأ ؟؟؟؟؟؟

والله باجر بتملين من أول شهر

ترى المعاش حلو ، صج إن الشغل متعب بس فلوسه حلوة ​

اي والله قعدة البيت مرض سئليني انا تعبت ومت معا زوجي ولا براضي اشتغل و24 ساعه قاعده على السرير ياتني الامراض والهموم ومتنت حدي حتى صديقات ماعندي هاذي الاستعباد العدل :eh_s(11)::eh_s(11)::eh_s(11)::eh_s(11):

 

[بتوتة توتة]

رد : رد: بنات ودي أترك الدوام .. شرايكم ؟؟؟

سوي استخاره ولخيره فيما بختاره الله والله مستعان

 

[زبدة ككاو]

رد : بنات ودي أترك الدوام .. شرايكم ؟؟؟

صصلي إستخــآرة

 

[NFOOOL]

اذا الدواام مو عاجبج حاولي تغييرين دواامج
بس مو تستقيلن عاااد المعاش ينفعج حبيبتي
عاد انا عكسج دوامي قريب الحمدالله واالمسؤول
زين والأجازات والمرضيات على كيفج بس
المغثه البنات الي وياي كلش مو مرتاحه معاهم
ودي أغير الدوام عشان هالسبب بس ما استقييل [/]

 

[**(فـيـلا دانـتـيـل)**]

اخذي اجازه وشوفي الوضع

انا قاعده بالبيت صارلي سنتين تقريبا

والله قعدت البيت تسوى الدوام ولوعه الدوام

خواتي بنص الاسبوع يتريقون عندي

والصبح اقوم قبل ريلي واتعدل وازهب الريوق

وبس يطلع اكمل نومتي
وعالعشر ابلش بشغل البيت والترتيب اللي مايخلص
مع ان عندي خدامه
ومتى ماخلصت حطيت ماسك على ويهي
وخذيتلي شور يرد الروح
ونطرته لين يرجع وحطينا الغدا مع بعض
وسولفلي شنو صار بالدوام

الريال يبي احد يجابله ( مثل الياهل الصغير)

الصراحه الدوام هم ..
خصوصا إذا زوجج من النوع اللي دوامه شفتات

سمعي البنات اللي تقولج حطيله صمونه واللي تقول ينجب الغدا وياكل بروحه !!

شنو هالعيشه ! ؟

وآخرتها يقولون تطلقنا !! مايعطيني ويه !!

حبيبتي إذا الريال يقدر يصرف .. طلعي من الدوام وخليه يصرف عليج ويدلعج
احسن مما يلعب بالفلوس وانتي لاهيه عنه
ويدور وحده اتجابله

كل وحده تحط عقلها في راسها وتعرف خلاصها

 

[q8_84]

لالالالالا تقعدين بالبيت والله بتملين انا صارلي سنتين قاعده بالبيت والله بيني وبين الجنون شعره

والمعاش عزوه لج عندج انا صج ابوي مو مقصر بس في شغلات يشوفونها خرابيط ومالها داعي وانا نفسي فيها فما اقدر اشتريها


زوجج ماراح يقصر معاج بالشغلات الضروريه بس ما راح يلبي لج كل طلباتج


غيري دوامج ودوري لج دوام اسهل مبين انج تشتغلين بقطاع خاص روحي لوظيفه حكوميه وعندج المنطقع التعليميه على كيييييييييف كيفج

 

[أليين]

رد : بنات ودي أترك الدوام .. شرايكم ؟؟؟

مادرى حبيبتى الدوام حلو تشغلين عمرج واستقلاليه ماليه يعنى انا قبل فتره تقدم لى واحد بس شرط على مايبينى اشتغل يبينى اقعد بالبيت وقال شنو تاخذين معاش بعطيج دبل بس انا رفضت ياربي مو سالفه فلوس لاء سالفه مللل وزهقه انا كنت موظفه واستقلت تقريبا قبل سنه ونص قعدت بالبيت صج بالبدايه استانست بالراحه والنوم بس والله تعبت طقت جبدى ماااااقدر اقعد جذي بالبيت انا طبيعتى ملوله احس روحى بوادى والدنيا بوادي ايامى كلها متشابهه احس حياتى ملل فى حريم يحبون قعده البيت وفى حريم لاء شوفى شنو اللى يناسبج وشنو اللى انتى تبينه وايد اعرف حريم بالبيت قاعدين ولا يشوفون ازواجهم ولاهين عنهم واكو حريم موظفات وعلاقتهم حلوة مع ازواجهم كله على التخطيط حبيبتى شوفى شنو ايجابيات وسلبيات قعدتج بالبيت وقررى

 

[بيرلا ستور]

رد : بنات ودي أترك الدوام .. شرايكم ؟؟؟

خليج بدوامج

الحين تبين تطلعين

بس باجر

تتمنين الرجعه للشغل

^
^
^
^

نفس كلامها

 

[أط أط]

رد: رد : بنات ودي أترك الدوام .. شرايكم ؟؟؟

بنات أول شي أشكركم من كل قلبي على ردودكم الحلوة ..:hearting:

اذا حصلتي دوام مريح وفيه اللي يرضيج ويريحج انقلي ..

مشكلتي أن زوجي يقولي إذا تركتي دوامج ما تروحين مكان ثاني ..

حتى إشعار أخر ..

خلج بالدوام
بالبيت بتملين

قطوة مادري أحس متردده ..

السلااام عليكم


حبيبتي لا تقولين ريلي ما راح يقصر يصرف علي انتي محتاجة هالفلسين

وبعدين الدوام تغيير تستانسين بالدوام وتغيرين جو فيه

والواحد وين يحصل زملاء ومسؤول زين

انا من رايي مسكي ارضج احسن لج والا جربي اخذي اجازة من غير راتب شهرين وشوفي الوضع

صدقيني راح تحسين انج صج بعازة الدوام مو سالفة نوم وقعدة على كيفج

بس الاجازة الطبية اذا انتي مريضة مو بكيفهم

واذا متضايقة من دوامج غيري بس صدقيني ناااااادر تحصلين مسؤول زين

هذا رايي

والله معاج حق .. وين نلاقي مسؤول زين ..

بس والله أحس مو مرتاحه بحياتي ..​

 

[ودي بك]

استخيري
وطلعت البيت ترا تلوع الجبد وملل
وبتجاااااااابلين ريلج اربعه وعشرين ساعه بيمل
خليج على دوامج ابرك واستخيري