بنات والله مالي غيركم

[mako_mthle2]

مرحبا بناات شخباركم الله يخليكم بنات ابي ازوركم عقب باجر بس عندي جم سؤال وابيكم ولاعليكم امر تجاوبوني
شنو الفرق بين الستي سنتر ومجمع السالميه واي واحد الي فيه المعلم ووين مكانهم صاير؟
وين ممكن القى البردات المخمل الي تصير منقوشه الستايل الهندي يعني؟
بنات مجمع الكوت شرايكم اروحله ولالا مايسوى؟
بنات بوفيه سلطان وينه فيه اهو نفسه مركز سلطان الي بالسالميه؟
انطركم عفيه بنات ما بقى وقت

 

[سنابل]

الستي سنتر اهو مجمع السالمية و اهو اللي فيه المعلم .. و صاير عند دوار الجوازات سابقًا ، عند تقاطع شارع قطر مع شارع الخنساء ( مو اكيد شارع الخنساء ، بس الاكيد شارع قطر )

بردات مخمل و الله مادري صراحة

مجمع الكوت موقعه حلو بس محلاته شوية ، فيه ايفانز ، نكست ، لاسنزا مال البجامات و لاسنزا قيرل حق البنات الصغار ، كاميو ، العربية للعود ، اجمل ، الشايع ، القرشي ، تناغرا ، شوارفسكي ، أنور للملابس الداخلية ، المتحجبة للعبي و الشيلات ، اويسز ، برمود ، جيوردانو ، و كافيهات مثل بول و ستاربكس و كوستا و غيرهم و فيه فرع حق مركز سلطان بس ما فيه مطعم

بوفيه مركز سلطان ، اللي بالسالمية مادري اذا فيه بوفيه ولا لا ، بس اتوقع ايه ، و في عالبحر اهو اللي فيه البوفيه

ان شاء الله اكون افدتج

و حياج الله

 

[mako_mthle2]

سنابل كفيتي ووفيتي يزاج الله خير
ياربي نزلت موضوعين بالغلط مادري ارد هني ولاهناك لووووووووول

 

[سنابل]

آسفة و الله بس ما انتبهت انج نزلتيه مرتين ، فشفتج مستعيلة بسرعة رديت عليج

ياليت المشرفات يدمجون الموضوعين مع بعض

حياج الله

 

[ضحـاوي]

بوفيه مركز سلطان واحد بشارع الخليج
وواحد بسوق شرق داخل مركز سلطان شرق
ومجمع الكوت وايد وايد حلو روحي له يسوا وفيه كافيهات تبل ومطاعم على النافوره
كوستا وبول وبعد نسيت اسماءهم
البردات الحلوه شوفي ملوت سنتر بوينت يمكن يعجبونك